بصراحة مع خارج عن القانون

[مِسكُ الشَهادة]

المقدمة ... الحمد لله الذي أعزني بمن أحب وأكرمني بمن أتمنى من إخوة ٍ تشرفت ُ جدا ً بمعرفتهم هنا تبسمت ُ لهم رغم ألمي علوت ُ فوق جراحي ساقني شوقي للقياهم رغم خلافي معهم أسعد بتواجدهم وأفتخر رحبوا معي بضيف ِ برنامج بصراحة لهذا اليوم ... الأخ الحبيب الغالي :_ ( خارج عن القانون ) أهلا ً وسهلا ً بك أخي شرفتنا بحضورك ... ننتقل لمضمون الحوار ...

[COLOR=black] 1_ خارج عن القانون ..ما هو القانون الذي تخرج عنه برأيك ؟ القانون الذى لا يتناسب مع عقلى وتفكيرى 2_ ما سبب غيابك فترة كبيرة عن المنتدى ؟ قانون الاداره عملته وماكنش عجبنى 3_ هل تغير شيء في المنتدى خلال عودتك أم أن كل شيء ع ما يُرام لم يتغير ؟ حاجتين اتنين بس الادارى المنتخب الفكره اتفعلت بشكل جميل وشايف انها ايجابيه بشكل كبير جداااا واسماء الاعضاء اتغيرت لدرجه ان فيه ناس بيردو عليا وبحس انهم عرفنى كويس بس انا مش عارفهم او مش فاكرهم قوى(انا كده كده بنسا بسرعه) وللعلم انت واحد منهم ^^ 4_ من خلال تعريفك عن نفسك في ملفك الشخصي نود معرفة الآتي :_ ( أولا ً مُسلِم ) 1_... أنت كمسلم كيف ترى حال المسلمين اليوم ؟ ضعفاء 2_ ما هي نظرتك للديانات الأخرى ؟ بسم الله الرحمن ارحيم لَكُمْ دِينُكُمْ وَلِيَ دِينِ صدق الله العظيم 3_ ما هي رؤيتك لنظام الحكم في السعودية بما أنه نظام يُطبق الحدود والإحكام ويسير وفق الشريعة الإسلامية وهل تتمنى مصر كذلك ولماذا ؟ الدين ترغيب وليس ترهيب بمعنى ان الانسان لو صالح داخليا ومقتنع باللى بيعمله هيبقا كله تمام اما اللى بيحصل فى السعوديه فهو ترهيب والدليل بيشوفه كل المصريين فى شارع الهرم ^^ انا اتمنا ان مصر يتطبق فيها الشريعه الاسلامية بس تطبق كااااااملة زى ما كنت بتطبق ايام الخلفاء الراشدين غير كده فانا مش عايز 4_جمال الدين الأفغاني قال :- ذهبت ُ لأوروبا فوجدت الأسلام ولم أجد المسلمين وذهبت للشرق فوجدت المسلمين ولم أجد الإسلام ..ما رأيك بهذة العبارة ؟ فى اوروبا اخدو الاسلام وعملو به بدون الدخول فيه اما الشرق فاخدو الاسلام ودخلو فيه بدون العمل به 5_ ما هي وسطية الإسلام من وجهة نظرك ؟ وسطية الاسلام تتلخص فى الاسلام ذات نفسه فالاسلام دين وسطى فلا يوجد به تشدد والا انحلال بل فيه العدل والمساواة 6_ كيف كانت ردة فعلك من الرسوم المسيئة والفلم المسيء للحبيب ص الله ع وسلم وبرأيك ما الرد المناسب عليهما وهل الرد وقتها كاف ٍ برأيك ؟ رد فعلى هو السكوت الرد الكافى هو شىء من اثنين اما ان يكون قوى بقوة السلاح وهو الافضل لى او اذا كنت ضعيف فعدم اعطاء الامر اهمية حتى يشعرو بان كلامهم لا يفيد فيسكتو 7_ هل لديك مانع أن يكون رئيس دولتك قبطي أو إمرأة أم لا ولماذا؟ معنديش مانع انه يكون قبطى بس يكون عادل فقد قال شيخ الاسلام ابن تيمية ان الله يقيم الدولة العادلة وان كانت كافرة ولا يقيم الدولة الظالمة وان كانت مؤمنة اما لو كانت امراة فانا ممانع لانها ستحكم البلد بعواطفها وقلبها وليس بعقلها وهذا سيعصف بالدولة 8_ برأيك ما هي أهم أسباب الفتنة الطائفية في مصروكيفية علاجها ؟ اسبابها شيوخ وقساوسة عايزين الحرق علاجها هى جهاز تابع الداخلية تحت اشراف من الازهر والكنيسة كل مهمته البحث عن مثيرى الفتن وتقدمهم للعداله ( ثانيا ً سُني ) 1_ما هي وجهة نظرك الشخصية من الشيعة ومذهبهم ؟ انا لا اؤمن بمذهب الشيعة ولذلك لا يوجد عندى نظرة معينة لمذهبهم اما لو تقصد الشيعة كبنى ادمين فزيهم زى اى حد فيهم الحلو والوحش 2_ هل تُمانع إقامة الحسينيات والمراقد الشيعية في مصر أم لا ؟ والا الشيعية والا الصوفية وحياتك 3_ هل تُمانع السياحة الإيرانية وتوطيد العلاقات مع إيران أم لا ؟ لو سياحة لمجرد السياحة ويوجد توثيقات وتاكيدات على ذلك فانا موافق ولا يوجد مانع من ارجاع العلاقات اذا كانت مفيدة مع حفظ هيبة الدولة وسيادة القانون 4_ هناك من يقول لا بد من الوقوف بشدة في وجه التشيع ولو بالقوة ما رأيك ؟ انا موافق بس قبل ما نقف قدام التشيع بالقوة الاول نقف فى وجه الصوفيه بالقوة ( ثالثا ً مصري ) 1_ ماذا تُمثل لك مصر ؟ بلادى وان جارت عل عزيزة واهلى وان ضنوا عليا كرام 2_ ما رأيك بالوضع الحالي وكيفية الخروج من هذا المأزق ؟ والا اى اندهاشه الخروج حاجه من اتنين يا اما مرسى يبقا رئيس لكل المصريين ويسيبوه من اهله وعشيرته دول يا اما انتخابات رئاسية مبكرة 3_ هل أنت مع سقوط النظام الحالي والثورة عليه أم لا ؟ لو ظل على هذا المنوال يبقا ايوه اطالب باسقاطه 4_ برأيك لو سقط النظام الحالي فما البديل المناسب ولماذا ؟ البديل رئيس جديد يحب البلد ويخاف عليها علشان لو بيحبها هيعرف ازاى يعلى بيها 5_ قبل الثورة كيف كان موقفك من نظام مبارك ؟ نفس موقفى من نظام مرسى بشتمه فى سرى وفى العلن 6_ هل شاركت في الثورة وكيف أم لا ؟ ايوه شاركت وكيف ديه بقا فالحوار كبير وابقا دور ع مواضيعى قبل وبعد الثورة 7_ كيف ترى محاكمة الرئيس السابق مبارك وبراءته ؟ للاسف الناس بتخلط بين الافراج والبراءة هو واخد افراج مش براءة وده مالوش غير معنى واحد ان فريد الديب بيحلل القرش اللى بياخده^^ 8_ رأيك الشخصي بكل من ؛:_ أ_ السلفيين يتحدثون فى السياسة من منطلق دينى وهذا احترمه واقدره جدا جدا جدا ولكن للاسف السياسة حقيرة ومليئة بالكدب وهم ليسو اهل لذلك ب_ الإخوان المسلمين تجار دين 3_ حمدين صباحي فيه حمله ضده شرسة من الاخوان بس انا برضو حاسس ان وراه حاجه بس لسه متاكدش 4_ أحمد شفيق فلول 5_ باسم يوسف حارق دم الاخوان 6_ مرتضى منصور هبلة ومسكوها طبله 7_ جمال مبارك كان هيبقا رئيس مصر لسنه 2012 بس حظه وحش ( رابعا ً برادعاوي ) 1_ ما مميزات الدكتور محمد البرادعي عن غيره من وجهة نظرك؟ الصراحه والصدق والواقعية والتفكير السليم 2_ هل تعتقد أن حزب الدستور أقرب للشارع المصري من غيره أم لا ؟ اقرب للشارع ايه بس احنا هنكدب ع بعضينا والا ايه ده لسه مكملش سنه هو اقرب للشباب المثقف اقولك اه انما الشارع لسه كتيـــــــــر 3_ برأيك لو كان الدكتور البرادعي رئيسا ً كيف سيتعامل مع الإمور الحالية ؟ والله يتعامل زى ما يتعامل ديه حاجه تخصه هو انا يهمنى النتيجة ولو النتيجة بتاعته زى بتاعه مرسى كده اتاكد انى هكون من اوائل الناس اللى هتطلع ضده 4_ هل تعتقد أن جبهة الانقاذ هي الأنسب لقيادة مصر ؟ الجبهة كلها بالطبع لا ولكن فيها من هو انسب(من وجهة نظرى) 5_ هناك من يقول أن الدكتور البرادعي هو من أهم أسباب دمار بغداد عندما كان في الطاقة الذرية تعليقك ع هذا الرأي ؟ انا مش هرد عليه انا هسيبه يتفرج ع الفيديو ده YouTube ط®ط·ط¨ط© ط§ظ„ط¨ط±ط§ط¯ط¹ظ‰ ظپظ‰ ظ…ط¬ظ„ط³ ط§ظ„ط£ظ…ظ† ط¹ظ† ط§ظ„ط¹ط±ط§ظ‚ - YouTube 6_ أيام الإنتخابات الرئاسية عندما سئل حمدين صباحي عن رأيه بعمرو موسى قال أنه من الفلول ومن نظام مبارك فكيف تفسر أن يجمعهم موقف واحد في جبهة الانقاذ ؟ انا واخويه ع ابن عمى وانا وابن عمى ع الغريب من الاخر اتفاقيات ومش بالضرورة انها تكون اتفاقية لمصلحة شخصية لا ممكن تكون لمصلحه عامة من وجهة نظرهم ( خامسا ً ليبرالي ) 1_ ما هو تعريفك لليبرالية ؟ حر ما لم تضر 2_ كيف تنظر كاليبرالي للنقد سواء لرئيس ام لنظام او لحزب ؟ حرية 3_ أنت كشاب ليبرالي ما موقفك من نظام بشار الأسد والثورة السورية ؟ ضد بشار قلبا وقالبا ومع الثورة وده مالوش دعوه بتوجهى السياسى ده توجهى الانسانى 4_ لماذا إخترت الإتجاه الليبرالي ولم تختار إتجاه آخر غيره ؟ والله انا كنت ماشى لحالى بدماغى لغايه لما قريت عن الليبرالية المصرية واكتشفت انى انا كده وانا مش واخد بالى س5 _ نعم أم لا مع التعليل :_ 1_ أنا ضد التيار الإسلامي لأنه يُتاجر بالدين ؟ نعم ولا مش كل التيار الاسلامى بيتاجر بالدين 2_ أتمنى أن تحدث ثورة في قطر ؟ نعم ولا لو الشعب القطرى عايز ثورة فانا معاهم غير كده فماليش فيه من الاخر انا مبحبش التحكم فى مصير الشعوب 3_ لن يحكم مصر رئيس كالسادات ؟ نعم ونضيف ع كده محمد على باشا والسبب ان فى وقتهم البلد عليت لفووووووق 4_ أنا مع إلغاء اتفاقية السلام ؟ نعم لكل شىء ايجابيته وسلبياته الاتفاقيه سلبياتها لينا كمصرييين اكتر من ايجابيتها 5_ ضرب الإخوان في المقطم أسعدني ؟ نعم ولا مش فارق معايا انهم يضربو او ميضربوش بس ده رد فعل طبيعى بعد اللى عملوه قبليها بيومين 6_ أنا ضد إهانة نوارة نجم للشيخ محمد حسان ؟ نعم ولا معرفش حاجه عن الحوار ده بس طبعا الاهانه من شخص لشخص بشكل عام مرفوووووووضه 7_ أنا مع الهام شاهين ضد تصريحات عبدالله بدر؟ نعم ولا والا عارف برضو حاجه عن الحوار ده 8_ الأقباط في مصر غير مظلومين ؟ نعم ولا المصريين كلهم مظلومين س7:_ حابب تختم كلامك بأيه ؟ كن كما تحب ان تكون ولا تلتفت للآراء الكارهون س8_ نصيحة لأخوك خالد ؟ ابعد عن الاخوان شرفتنا أخي العزيز وربنا يسعدك يا رب وأسألك الله لك التوفيق في حياتك العملية وأن يجلب لك الخير دوما ً

[الأميرة رودي]

لآ بجد حوار روووعه
عجبتنى اوى اجابات عكاشه كلها
يمكن اكتر جمله اقتنعت بيها فى كلامك

الدين ترغيب وليس ترهيب
بمعنى ان الانسان لو صالح داخليا ومقتنع
باللى بيعمله هيبقا كله تمام

فعلا صدقت يامحمد مهما تعمل وجه واحد فرض عليك الالتزام والتدين عمرك ماهتلتزم
لان الالتزام فى القلب ونيه من البنى أدم
مش خوف من فلآن ولا تطبيق لدستور فرضه عليا علآن
وبعدين احنا بشر والدين يسر
المهم النيــــــــه

طلعت ليبرالى بردعاوى يامحمد
حاسب على نفسك بقى هههه
استمتعت معاكم بالحوار الصريح الجرئ ده
اسئله جميله وخالد كعادتك موفق فى اختيارك للضيف وللاسئله
دوما دوما رائع ياخالد
ومحمد منـــور المنتدى من جديد ويارب مايغيب تاني
موفقين يارب

[العاشق الذى لم يتب]

الشكر لك خالدنا الغالى العظيم المثقف
بارك الله فيك واكثر من امثالك
واثابك الله خيرا
أخى الكريم الفاضل والمثقف العالى جدا / خارج عن القانون
أراه ليس خارجا عن القانون ربما أحد أجزاءه
شخصية لها كل الاحترام
والاجمل أن أقول رأئى بصراحة وبكل حيادية وأعلن عمايدور بخلدى دونما تزويق أو تلفيق وذاك ماشاهدته فيه
من إجاباته وكتاباته وردوده
وكثيرا مما جاء فى طيات كلامه يعجبنى وأراء تحترم وتقدر
ولكن أتحفظ شوية على اتهامه لمرسى أنه غير محب لمصر وهذا مااستشفيته
كما أن ليس كل الصوفيون هالكون ومفسدون حتى يتساووا مع الشيعة
وفى النهاية سعيد جدا بهذا الحوار وشرف لى أن أكون أول من وضع ردا
وكل الحب والتقدير لأخى الغالى / خارج عن القانون
مودتى

[جبل عالي]

كالعادة مسك الشهادة

إنتقاء الأسئلة للشخصية المناسبة بالفعل

وضيفك اليوم مميز بثقافة سياسية وله آراء محددة

لكم كل الشكر والتقدير حقاً حوار قيم جدا

وآراء وأسئلة مميزة كل التميز

[نجم وزهره ومسافات فراق]

الراقي النقي الاخ
مسك الشهاده
اتعودنا منك تختار نجوم كرام عظام
وخارج عن القانون
نجم معروف للكل بأدبوا وفكروا وتعاونوا

اقول ايه يعني ؟
ما انت ياعم خالد رائع
واخونا الغالي خارج رائع

خلاص كل ما هنا روعه
وده مش جديد
متوقع على طول


ربنا يحفظكم يارب
توبيك مبدعين كبار بطعم الفكر وعبق الابداع
تحيتي وكل النجوم



اخوكم

[دمعه حائره]

حورا جميل وصريح طول عمره عكاشه غاوى سياسه
اسئله جميله وجديده شامله كافه النواحى
واجابات عكاشه جميله ووجهة نظره تحترم
نوت الحلقه والمنتدى وآخر الغيبات ان شاء الله
شكرا خالد على الاستضافه

[شاعرة الرومانسيه]

حوار راااقى جدا مع شخصيه ممتازه

خارج عن القانون لم اعرفه الا من ايام قليله

ولكن وجدته شخصيه خلوقه ومحترم

وواعى سياسى ومثقف

تعرفت اليوم على الكثير من جوانب شخصيته

استمتعت بالحوار الشيق

وتمنيت الا تنتهى كى نتعرف أكثر وأكثر

خالد انت رجل محاور جسور ذات شخصيه

محبوبه للجميع وتنال احترام الكثيــــــــر

احترامى لشخصكم الراقى

[سيدة القصر]

حوار جميل وإستمتعت به كثيراً ربما
لأنه أثار بداخلى فضول تكملة باقى الحوار للإختلاف الواضح بين رأيى ورأيه !!
والإختلاف لا يُفسد للود قضية
خالد "مسك الشهادة"
كـ العادة بصراحة رائع بوجودك
خارج عن القانون .. حوارك جميل وممتع
أرق التحايا لكما
وباقة بنفسج

[gold rose]

جميل أوي .,
في حاجات كتير أوي مرة أعرفها .,
حوار راقي .,
والضيف إجاباته جميلة جداً وعقلانية وواعية .,
استمتعت كتير بالحوار .,
تسلم إيدك يا أ\ خالد .,
ودي .,

[ساحر الأحزان]

عكاشة

هو أنت طلعت ليبرالى؟ومحدش عارف الا انت !!

حوار جميل خالد مع محمد

الى غاب ورجع نور المنتدى من جديد

بجميل نشاطه وتواجدة

نورت عكاشة مع خالد

فى حلقة جميلة ومميزة

تحياتى ليكم