أنا العصفورة

[Sãfå Yã KBîr]

أنا العصفورة

وفي قفص جميل محبوسة

قفص دهب واللي يشوفني يقول محظوظة

وجواه أكل وحاجات من أغلى الأنواع الموجودة

بس أنا فيه مش مبسوطة

بشوف صحابي بيطيروا وأنا مسجونة

بيحبوا بيلعبوا بيضحكوا وأنا وحدي مهمومة

حتى لما بغرد أغانية مش مسموعة

وقررت في مرة أهرب بخطة مجنونة

هكسر الباب علشان أكون عن نفسي مسؤلة

وجيت أمشي شفوني فطرت وأنا مخضوضة

قطعوا ريشي ومسكوني ولوحدي بقيت موجوعة

بيراضوني بكلمتين بس من جوايا مكسورة

نفسي اطير في السما وانا راسي مرفوعة

احب واتحب من صحابي بدل ما أنا مدفونة

وكل يوم يجوا يقولوا اني مش مظلومة

عاوزني أسمع كلامهم وأكون ليهم مأمورة

أنا عندي قلب وإحساس مش آله بتحركوها

ليا رأي وأحلام كتير جوايا مستورة

هفضل لأمتى في القفص ده محفوطة

نفسي اعيش الدنيا وأغلط ومكنش مقهورة

ده مش خوف عليا انتوا خلتوني من كل حاجة محرومة

مفيش في ايديا غير اني أغرد حتى لو أغانية مكتومة



أنا العصفورة

بقلمي .. صفا

[الرحــاال المٌتَمرد]

وتَعود العٌصفوره مَرَةً أٌخري
لـ تٌسجل نموذج مِن مٌعاناه
لــ فَتاه مٌقيده فى مٌجتمع مٌنفتح

بوح راقي وجَميل ,,
بقلم سيكون لَهٌ شئناً عَظيم
صفا
شٌكراً لكِ سيدتي
لَهذا الطرح القيم والأنيق
تحياتى وتقديري لكِ دائماً

[Sãfå Yã KBîr]

اقتباس المشاركة الأصلية كتبت بواسطة الرحــاال المٌتَمرد وتَعود العٌصفوره مَرَةً أٌخري لـ تٌسجل نموذج مِن مٌعاناه لــ فَتاه مٌقيده فى مٌجتمع مٌنفتح بوح راقي وجَميل ,, بقلم سيكون لَهٌ شئناً عَظيم صفا شٌكراً لكِ سيدتي لَهذا الطرح القيم والأنيق تحياتى وتقديري لكِ دائماً

ثانكس كتير لحضرتك ولزوءك الجميل

وبجد ثانكس لكلام حضرتك ده أوي

[عاشقة الهدوء]

الآفضل لهذه العصفوره أن تكون محبوسه داخل قفصها معززه مكرمه
كل طلباتها مجاابه وأبداً عمرها ما هاتكون فى يوم مكسوره ولا سجينه ؟
فكلما كانت داخل قفصها بأمكانها أن تفعل كل ما يحلو لها دون تحفظ على أفعالها أو تحجيمها ؟؟؟
ولكن أن أرادت الطيران والآنطلاق والرحيل فى زمن أصبحت فيه البشر غير أمينه ؟؟؟
فهُنا ستكون البدايه غير سعيده فعليها أن تُحاافظ على نفسها أشد الحرص ؟؟
حتى لا تصبح عصفوره تتناقل من يد ألى يد ؟ وتُصبح لعبه مهزوزه ليست لها أهميه ولا قيمه وتُهان كرامتها ؟
ويأتى يوماً تندم على أنها خرجت من قفصها المغلف بالذهب وداخله نقاء وراحه وطيبه
ألى قفص أخر مليىء بالذئاب وألاسود والتعابين المرُبيه ؟؟؟
أبدعتى صفصوفه وأسعدتينى بكلمااتك العذبه الموزونه قلم جديد راائع ورااقى ومميز أستمرى حببتى
دوام التألق لكى وخرجى مواهبك يابنت عمى المدفونه والله وطلعتى طلقه يابت ههههههههه
أجمل فايف أستار

[بلدنا في القلوب متشاله]

كـــلماتك في غايــة الجمال والرقــه

والحزن من داخل هذه العصفوره المقهوورهـ

ابدعتي في اختيارك للكلمات