لمــــا ...!!!

[مُنـــــايا]

لما تعيـــــــش لما تعيش حلمكــ في ملامحكـ لما تحس إن ماحدش لامحكـ لما تروح و تقول مش راجع لما تغيب وتقول لاء راجع لما تتحدي الناس ونفسكـ لما تتحجب عن اللى في نفسكـ لما تكون تنين ونار طالعة من نفسكـ عمركـ ماتقول تاني نفسي أو نفسكـ بس تقول نفسي فدا نفسك ـ مش هقول الله يسامحكـ ولا هعاتب فيكـ ولا هشكيكـ ولا هقلب صفحاتكـ ولا هطويكـ لاءءءء دنا هدعيلكـ ربي يخليكـ وياخد كمان من عمري ويعطيكـ لأني بجد حبيتكـ وياما دعيتلكـ يكرمكـ ربي ويحميكـ وغضبي عليكـ وفيكـ من غدركـ ياللي فاكر إن محدش أدكـ انا قدكـ وفي أيدي اهدكـ بس عليكـ أنا صابر وانت عارف إني عليكـ قادر بس وعدتكـ ماهكون عليكـ غادر ياللي ليلكـ في كفوفي برويكـ زى النهر الهادر وحياتكـ عندي وغلاوتكـ قادر زي مابنيت فيكـ أهدكـ بس مانعني عنكــ قلب ساب دنياه وعاش لسلامتكـ لا تقول حسن ولا دلال ولا أد ومظهر وجمال منا قلتلكـ م البداية انا لا بتسلي بيكـ ولا بهزر ولا بضيع وقت معاكــ وبهدر لا هقول منكـ فيكـ ولا هحسبن خليكـ بعيد كفاية مليتني جروح ومآسي إخترت ... وإختياركـ على راسي وإنت عارفني وبطباعي يا حبيبي راسي بحري ملكي وشراعي ومراسي ده الحارس هو الله ونا مش عاوزكـ حتى لو كنت أخر حراسي اتحسبن براحتكـ هناكـ واتهنن مشكور ... والحين.... يالي ليكــ عشاق ومريدين إعرف ..... قربكــ أو بعدكــ عندي سيان وأنت مش للنسيان عشت أنا أو مت هتفضل أنت عندي أنت عمركــ عليا ماهنت وهيفضل نجمكــ في عيوني منور وبدر وتمام في سماه ومنور بس أنت غبي ومغرور وإن كنت ساعات معذور وف كل مرة كنت صاين خطاكــ وانت كل مره معايا بتكتر خطاياكــ وخطوط حمرا كتير عديتها وانا من حبي فيكــ ليكــ عديتها جه وقت الحساب بعد ما خرجت برجلكــ م الباب وشاف غيري حسنكــ وإتغزل فيكـــ أغراب وإنت بصراحة للإحترام عنوان استحليت وكررت وإتماديت رغم إني وريتكــ إللي إتكتب ايه في اللى مش بيتكـــ بس أنت كده إعتبرته بيتكــ مالكش عندي عذر بعد مانبهت عليكــ واستحلفتكــ بلاش ظلم بيا وغدر دي أخر مرات الخروج اللى معاها بقى محال فعلا الرجوع اعرف اني بالله بحبكــ لا بحب ولا هحب في حياتي غيركــ وربي وربكــ عليا وعليكــ شاهد بس سامحني .. عمري عليكــ ماهدور وهخلي إشتياقي ليكــ يتحسر وهدوس عليه وهكسر وده جناه بعد ماعلي غيركــ أتأمر درس منكــ وإتعلمته وعلى قولكــ بالمظبوط وفهمته عمري ماهنساة ولا هرجع لانه في اللحم علم ووجع مستني أجيلكــ وترجع لاء ياعمري ماعد ش ينفع بحبكــ وياريت كان الحب يشفع لما تعيش ويفوت عليكـــ عمر وتظهر ليكـــ براءتي ماتكابرش وقول الله يرحمة بإيدي ضيعته أو قول في داهيه ماتفرقــــش لما تعيــــش ولما ولما ولما ماليش غيركـــ صحبة وعيلة ولمه ودفا وأمل وضمة ونور ياحياتي وحياة من غير همس وضلمة لما تعيـــــش أدعيلي بنية غير نيتكــ وضمير يكرة ضميركــ ونفس مش طالع منكـــ هتلاقي نفسكــ حد تاني حنين مش أناني ومش تقول مين خدني ووداني ساعتها مش هتكون وحداني ومن غير شعر وأغاني لما تعيــــــش ولما نعيـــــش جــراح امــه 25\4\2013

[دمعه حائره]

كلمات رائعه مابين حب وعتاب
عبرتى عنهم بمنتهى الرقه والمهاره
دائما تبهرينى بكل مايخطه قلمك المبدع
تسلمى جراح ويدوم التواجد الجميل
ودى مع التقييم +وسام التميز

[البرنس رامى]

جراح أمة
برغم ما بكلماتك من حزن خائم على حروفك
تقبلى امضاءتي المتواضعه
غمرالله قلبك بسعاده تدوم
دمتى بحفظ الرحمن
تقبل تواضع مروري

[Words Whisper]

ناعمة هي مشاعر الأنثى
لكن حين تقرر الاكتفاء من وجعها
باستطاعتها تجاوز رغبة مشاعرها لرغبة كرامة قلبها ..


جراح
حقا راقتني كلماتكِ كثيرا كثيرا
شاكرة لكِ حد السماء ..
دمتِ بسعادة وتوفيق ..


تقييمي - 5 ستارز ..

[ساحر الأحزان]

كلمات حملت الشموخ

والثقة بالنفس

عبرتى عنها باسلوبك المميز

الذى تعودناة منك

جميل جراح

تمنياتى لكى بدوام السعادة