قعدهـ بنـآت 4 [ حسد البنآت ] :d

[♥..pure]

السلآم عليكم ورحمه الله وبركآته .،
نهآركم سعيد يـ شبـآب >> يـآرب تكونوآ بخير دآيمـآ ..
دي رآبع قعدهـ من قـعدآتنآ في الفضفضه .. يآريت تكون الحلقـآت اللي فآتت عجبتكم ,,
بشكر سيرين على مشـآركتها معانـآ .. وآن شاءا لله حنون تكون معاكو الحلقه الجآيه >> تدبيسه من نوع خآص ^^
موضوع النهآردهـ عن حركآت البنآت اللي مبتنتهيش .،
هنختص منها بس عشان الكلآم يبقى متحدد في نقطه معينه وهي الحسد .!
اللي بصراحه بقت العاده الغالبه عن معظم البنآت >> اما بتحسد او بتخآف من الحسد ..
ولآن مآ اكثر المواقف اللي بشوفها من الموضوع دآ .. احكيلكم بئه ::
نموذج البنت اللي بتحسد
هي بنوته عادية جدآ .. ممكن تكون مش محتآجه او عينهآ مليآنه زي ما بيقولوآ
بس سبحآن الله عنيهآ صفرآ بجد .. وآي حاجه حلوهـ لآزم تعلق عليهآ ..
بتاخد بالهآ من تفاصيل فظيعه .. تكآد لآ تذكر اصلآ .. وتلاقيهآ حسدتهآ ..
مثلآ :
واحدهـ جايه بـ جيب جديدهـ ودآخله المدرج لآ بيهآ ولآ عليهآ >> مآشآء الله الجيب لونها جميله وشيك
تلاقي اللي بتحسد دي تقول >> يخربيت جمال امك يا شيخه
الجيب هتاكل منها حته .. لآ حتتين :d
وهوب المسمار شبك فـ الجيب وتررراك اتقطعت !
عوضها ع الله بئه
الاغرب بئه >> ان اللي كانت بتتكلم تلاقيها اول واحدهـ قامت وقالتلها هي عين وصابتك ياختي والله
اللي متاكدهـ منه انها ساعات مبيكونش عن قصد . هي بتجي معاها كدآ وخلآص ,.
وسآعـآت بردو بتبقى قاصدهـ .. ومبتقدرش تكتم جواها بتقول علطول في الوش كدآ ,
زي مثلآ انتي لسه جايبه النتيجه بتاعت :
وجبتي جيد .. وهي شايله ماده ولا حاجه
تيجي انتي تضحكي ولا تهزري >> تقولك اه
ماانتي جايبه جيد بئه ومحدش قدك .. هزري واضحكي زي ما انتي عايزه
دآ مثآل اللي بيحسدوآ


فيه بئه بنآت بتخاف من الحسد . .
زي مثلا ايام الدروس والثانوي كانت في عيال تيجي تقول والله مذاكرتش
والله مافتحتش كتاب .. وتيجي قدام المستر وتكر المنهج كله ههههههه >> مآشـآء الله ^^
وفي نموذج تفطس عليه من الضحك ..
يعني ليا زميله كدآ .. مجرد اني اشوفها بحب اتعامل معاها عشان اضحك ع حركاتها !
هي موسوسه اوي .. وبتخاف لحد يحسدها بدرجه ممرضه !
وهقولكم ليه ممرضه في الاخر ..
يعني علطول لابسه خرزه زرقا .. لابسه سلسله عليها قل اعوذ برب الفلق !
لازم تكتب في اي ورقه ايات الحفظ من الحسد !
علطول تشتكي انها شايله الهم وانها مش بتشوف حاجه حلوهـ ف حياتها
وحتى لما اتخطبت :: علطول تيجي تحكيلنا عن خناقتهم
مع اننا مش بنسأل ولا هي مضطره تقول الكلام دآ
المفروض ان كل واحد في حاله .. واحنا اصلا مش بنحكي امورنا الشخصيه قدام بعض !
بس احنا مع العشره اتعودنا عليها كدآ وعرفنا طبعها وبردو اتأقلمنا عليه ..
تيجي تحكي حاجه >> نسمع من هنا ونخرج اللي قالته من هنا
أنا زمان قبل ما اعرف انها بتخاف من الحسد كنت بتصعب عليا وتخليني اشيل همها وافكر بئه ف مشاكلها !
عشان كدا معنتش بهتم خالص باللي بتقوله ,,
في الفتره الاخيرهـ لقيناها قلعت الدبله وقالت انا فسخت وكدآ .. عشان فيه مشاكل وبتاع
اسبوع اتنين وخلاص الموضوع انفض !!
بعدها لقيت واحده صاحبتنآ معاها من البلد بتقول انها ركبت معاها مرهـ وشافتها وهي نازله من العربيه طلعت الدبله ولبستها !
وحصلت كذا مرهـ قدامها !
استغربنا اوي وبالذات انها مازلت قالعاها .. بس طبعا الاستغراب مطولش لما ترجمنا الحدث
هي مفكرهـ ان مثلا البنات بيحسدوها عشان هي مخطوبه وكدا فـ بتدعي المشاكل عشان العين تبعد عنها !
سـآعات كتير بتصعب عليآ وبحس انه طبع فيهآ . لدرجه انه خلآها تعمل كدآ .
مهما كانت اتلسعت من نظرات الناس وحسدهم ليهآ .. بس مش للدرجآدي !!

الحسد كلنآ مؤمنين بيه !
فيه درجات كتير من الحسد طبعا ..
وفيه حسد غير حسي يعني احنا مبنحسوش .. واكيد كلنا بنعمله
انك مثلا تشوفي منظر حلو وتقولي الله !
الافضل نقول بسم الله مآشآء الله تبارك الخلآق فيما خلق ,،
مفيش احسن من التوسط والاعتدآل ..
يعني نحفظ نفسنا من الحسد وكدآ وفـ نفس الوقت منفقدش الثقه فـ اللي حولينآ
نعامل النآس ببسآطه اكتر .. وربنا في النهايه هو الحافظ ::
لان ادعاء المشاكل والفشل والمرض دآ مش حاجه سهله !
ربنآ بيقول " في قلوبهم مرض فزادهم الله مرضا ولهم عذاب اليم بما كانوا يكذبون " ..
صدق الله العظيم

يلآ المآيك معاكم اللي حآبب يناقش حآجه ..،
دمتم بخير ::

[۩۩ elMagic ۩۩]

دى قعده بنات
مش عارف انا جاي ليه هنا :d
بس جيت علشان اقول تلت كلمات بالعدد :d
" البنات دماغها فاضيه "

[دمعه حائره]

بسم الله ماشاء الله موضوع كبير وجميل
ظاهره فعلا ومن زمان منتشره بين البنات والستات وده العادى
الغريب انها بدأت تنتشر بين الرجاله واخدوا بالهم كمان من الحسد
استحاله تلاقى مؤمن يحسد او يحقد على حد
لان كل نعم الدنيا رزق من ربنا
وكون انه يبصله ويتمنى زواله او يحقد عليه ده حرام
كل واحد ف الدنيا عنده ميزة وعيب او نعمه ونقمه
مافيش حد كامل او مرتاح فى كل حاجه
حكايه التحايل على الناس لمنع الحسد ده غلط
وبيفقدها ثقه الناس فيها
لو كل واحد يهتم بشؤنه مكناش شوفنا الحاجات
والعجيب ان برغم التطور لسه الحاجات دى موجوده لانها
بتكون متوارثه من الامهات
كل اللى حكتيه ده هاتلاقى كل واحده فينا مرت بيه
وكأنه سيناريو مكتوب علينا نشوفه
وعلاجه التجاهل والرد بالايات القرانيه وخلاص
منوره يافوفا مش بحسد والله
ههههه

[♥..pure]

اقتباس المشاركة الأصلية كتبت بواسطة ۩۩ elmagic ۩۩ دى قعده بنات مش عارف انا جاي ليه هنا :d بس جيت علشان اقول تلت كلمات بالعدد :d " البنات دماغها فاضيه "

انت بتقول فيهآ ! هي كدآ فعلآ ..!
او بحكم انهم مشاعرهم بتبقى رهيفه عنكم [ الرجاله يعني ]
وكمان اهتمامتهم بتبقى ع حاجات معينه بتولد فيها الغيرهـ وانهم بيبصوآ ع بعض
الرجاله بئه عمرك ما تلاقي اهتمامتها كدا ابدا !
بس اوعدك اني اجيب حلقه ع الرجاله وحركاتهم
بس سيبك انت
انتو زي الفل

[۩۩ elMagic ۩۩]

اقتباس المشاركة الأصلية كتبت بواسطة ♥..pure انت بتقول فيهآ ! هي كدآ فعلآ ..! او بحكم انهم مشاعرهم بتبقى رهيفه عنكم [ الرجاله يعني ] وكمان اهتمامتهم بتبقى ع حاجات معينه بتولد فيها الغيرهـ وانهم بيبصوآ ع بعض الرجاله بئه عمرك ما تلاقي اهتمامتها كدا ابدا ! بس اوعدك اني اجيب حلقه ع الرجاله وحركاتهم بس سيبك انت انتو زي الفل

ههههه
ايوه انا مستنيها الحلقه دى
ونشوف الفتي شكله ايه
معرفة الرجال كنوز ي عم
فاضيين احنا للكلام والرغي دا
دا اللى عندنا بيجيب تقدير عالي
بيفرق كنز ع كل اصحابنا
قال حسد قال بدماغكوا الفاضيه دي

[SiLver Spectra]

مش بؤمن بالحسد اللي في مفهومكم
هتقولي انه في القرآن ..هقولك و انتي مين قالك انك فاهماه صح أو هو الحسد اللي في دماغك هو اللي في القرآن؟
أنا شايف انه كلام مالوش اي معنى و مش بيعمل حاجه غير انه بينشر الكره في المجتمع
كل بنت تلاقيها باقيت بتخبي و بتكذب عشان خايفه من صاحبتها اللي بتحسد..
و ما اظنش ان ربنا هيعمل حاجه في القدر تخلي المجتمع يكره بعضه و يمارس الكذب !!
و أنا شخصيا ليه تجربه مع شخص كان بيعد يكذب علينا بدرجاته عشان الحسد و في الاخر جاب اقل واحد فينا و اللي كان صريح و فاضح نفسه أول بأول جاب أعلى واحد فينا ايام الثانوية العامة

المشكلة هو انك بتربط اي حاجه تحصلك بان حد حسدك !!
و تحاول تقنع نفسك بكدا مع ان انت اصلا قدرك مكتوب و من غير حاجه هيحصلك اللي هيحصلك
بصراحة شايف انه كلام فاضي ..و لو بيجيب مفعول فتعالي نحسد الغرب يمكن يتنيلوا و نبقى احسن منهم
و لا نحسد الخلايجه اهو طالع عندهم نفط صخري زيادة كمان ..يعني ادامهم بتاع 300 سنة كمان بالنفط اقل حاجه
و لا هو الحسد دا اتخلق بس في الحواري الشعبية !!

أنا شخصيا مش بشغل نفسي بالكلام دا و بالتالي و لا بحس ان في حاجه اسمها حسد..
عايز بقى تعيش في الجو دا او تعيش في جو ان في عفريت راكبك انت حر ..بس دا بينمي عن فراغ فكري

[ساحر الأحزان]

الحسد مذكور فى القرأن وفية حسد مكروم وحسد مذموم

المكروة أنك تستخسر الحاجة فى غيرك وتستكرها علية يمكن ربنا أعطاة نعمة وما عطاها ليك ؟
والحسد المكروم أنك لو شفت ولو نفرض واحد أشترى عربية بدل ما نقول يالهوى اية دة يابختة !!

نقول بارك الله له فيما أعطى واللهم ما أعطنى مثلة !!

أنما نقول نظرة الحسد زى ما قلتى كدة دى بتبقى ولنقل غيرة ورغى وهو كلة كلام وخوف على حاجات مش مستاهلة وهو كلة

مقدر ومكتوب بأيد ربنا

ومفيش هروب منة

جميل توبيكك فارما

تحياتى

[♥..pure]

اقتباس المشاركة الأصلية كتبت بواسطة دمعه حائره بسم الله ماشاء الله موضوع كبير وجميل ظاهره فعلا ومن زمان منتشره بين البنات والستات وده العادى الغريب انها بدأت تنتشر بين الرجاله واخدوا بالهم كمان من الحسد استحاله تلاقى مؤمن يحسد او يحقد على حد لان كل نعم الدنيا رزق من ربنا وكون انه يبصله ويتمنى زواله او يحقد عليه ده حرام كل واحد ف الدنيا عنده ميزة وعيب او نعمه ونقمه مافيش حد كامل او مرتاح فى كل حاجه حكايه التحايل على الناس لمنع الحسد ده غلط وبيفقدها ثقه الناس فيها لو كل واحد يهتم بشؤنه مكناش شوفنا الحاجات والعجيب ان برغم التطور لسه الحاجات دى موجوده لانها بتكون متوارثه من الامهات كل اللى حكتيه ده هاتلاقى كل واحده فينا مرت بيه وكأنه سيناريو مكتوب علينا نشوفه وعلاجه التجاهل والرد بالايات القرانيه وخلاص منوره يافوفا مش بحسد والله ههههه

هي مش حكآيه متوارثه من الآمهات !
هو يمكن عشآن هما بيطلعونآ مؤمنين بالحاجه دي ..
كنت بضحك اوي ع ماما لما كانت بتقول لبآبآ البس الهدوم مقلوبه عشان الحسد
واقولها هو القلبآن هو اللي هيمنعه بئه
طب بابا امشي حافي عشان الحسد
وامشي بظهرك عشان الحسد واقعد اتريق عليهم وف الاخر الاقي الشبشب ف وشي :d
واللي فعلا بيؤمن بالحسد والحاجات دي بيجذب الافكار السيئه لدماغه وفعلا بتحصله !
منورآني برآيك ي منه
دمتي بخير ديمآ

[♥..pure]

اقتباس المشاركة الأصلية كتبت بواسطة silver spectra مش بؤمن بالحسد اللي في مفهومكم هتقولي انه في القرآن ..هقولك و انتي مين قالك انك فاهماه صح أو هو الحسد اللي في دماغك هو اللي في القرآن؟ أنا شايف انه كلام مالوش اي معنى و مش بيعمل حاجه غير انه بينشر الكره في المجتمع كل بنت تلاقيها باقيت بتخبي و بتكذب عشان خايفه من صاحبتها اللي بتحسد.. و ما اظنش ان ربنا هيعمل حاجه في القدر تخلي المجتمع يكره بعضه و يمارس الكذب !! و أنا شخصيا ليه تجربه مع شخص كان بيعد يكذب علينا بدرجاته عشان الحسد و في الاخر جاب اقل واحد فينا و اللي كان صريح و فاضح نفسه أول بأول جاب أعلى واحد فينا ايام الثانوية العامة المشكلة هو انك بتربط اي حاجه تحصلك بان حد حسدك !! و تحاول تقنع نفسك بكدا مع ان انت اصلا قدرك مكتوب و من غير حاجه هيحصلك اللي هيحصلك بصراحة شايف انه كلام فاضي ..و لو بيجيب مفعول فتعالي نحسد الغرب يمكن يتنيلوا و نبقى احسن منهم و لا نحسد الخلايجه اهو طالع عندهم نفط صخري زيادة كمان ..يعني ادامهم بتاع 300 سنة كمان بالنفط اقل حاجه و لا هو الحسد دا اتخلق بس في الحواري الشعبية !! أنا شخصيا مش بشغل نفسي بالكلام دا و بالتالي و لا بحس ان في حاجه اسمها حسد.. عايز بقى تعيش في الجو دا او تعيش في جو ان في عفريت راكبك انت حر ..بس دا بينمي عن فراغ فكري

حكآيه صحبك دي فعلا بتحصل كتير ,, الناس اللي بتتحايل وبتكدب انها مش بتذاكر فعلا بتكون الاقل
ودا متهيآلي بسبب قوانين الانجذاب لآنه بيجذب فكره الفشل لعقله وبالتالي فعلا بيفشل
كانوآ زمان بيحكولنأ عن الحسد دآ بقصه مقوله : العين فلقت الحجر
بعد ما السيدهـ فاطمه ولدت الحسن والحسين عليهما السلآم .. جاءت سيده مشهوره بالحسد لزياره الرسول
فخاف الرسول صلي الله عليه وسلم ع الحسن والحسين منها
فوضع مكانهما حجر وغطي ذلك الحجر .. وبعد مغادرتها رفع الغطاء وجد ان الحجر قد انفلق نصفين !!

عشان كدآ مهما كان مينفعش التجاهل :: ممكن نردد بعض من الايات اللي بتحفظنا ع الاقل
التجاهل ساعتها هيبقى تجاهل موضوعي يعني منحطش الموضوع ف دماغنا ونعمله مشكله
او نحطه كـ سبب لـسوء الحظ او فشلنا او كدآ ,,

منور ي طارق برأيك ..

[تيتشر نفشه ツ]

دماغك عاليه والله ياصافي
هوا في نوعين للحسد وهوا الحسد المكروه : يعني انك بتتمنى زوال النعمه من المحسود ..
والحسد المحمود " الغبـطه " : وهوا انك تتمنى يكون لك زي الي قدامك
بمقابل انك تتمناله هوا كمان السعاده وكل الكلام دا ..
الي البنات ف الامثله الي ذكرتيها بيخافو منه
هوا الحسد المكروه

كل شخص شايف ان كلمة حسد مرتبطه بالحسد المكروه
مع ان حلو ان الواحد يغبط اخيه المسلم .. بدليل انو حسد " محمود " ..!

هوا خلاصة الكلام بيتركز ف كلمة وحده قلتيها ..
حلو " الاعتـــدال "
بمعنى اني اؤمن بنوعي الحسد مش واحد بس
وبالتالي احصن نفسي بالاذكار واتوكل على الله
و " قل لن يصيبنا الا ماكتب الله لنا " ..

يعني مش مجبوره تروحي تدعي الهم والغم
وتكذبي و ....
انتي كدا بتعملي " كبائر " بمقابل انك تحصني نفسك ...!!!
ودا لأن * الكذب و*عدم شكر الله على نعمه "والتحديث " بها وغيره وغيره ..
من الكبــــائر

يبقى انتِ كدا مش بتخافي من ربنا قد م بتخافي من الحسد !
مقابل انك مش عارفه ان ربنا
ممكن يعاقبك بالي بتعمليه دا بأنو يجيبلك الهم والغم فعليا وتعيشيهم ..!

الاذكار خير محصن من العين والحسد والسحر و و و ....
ف ليه اتعب نفسي لما انا عندي الفرصه اني احصن كل يوم نفسي فـ 5 دقايق
ومش مضطره اعمل كل اللفااااات دي علشان ابعد العين عني ...

احسنتِ الطرح ياصافي
فكره وسرد قيمه جدا ..

بس عاوزه اقول كلمه للي اسمه الماجيك دا
ان انتو مش بتفكرو ف الحسد
علشان انتو مافيش حاجه تتحسدو عليها اصلا
عاهات يابني