كيكة سريعة

[Words Whisper]

مش ليا مواضيع هنا أظن
بس فيه كيكة حلوة بحبها وسريعة
قلت بئا أقولكم عليها ..
هي كب كيك صغنتوتة
بتتعمل يااما في مج يتحمل الحرارة
أو لو مش موجود ممكن تستخدموا طبق صغير بردو يتحمل الحرارة ( زبدية ) ..





المقادير //
4 ملاعق دقيق
بيضة
3 ملاعق سكر
5 ملاعق حليب سائل لو مش فيه استخدموا البودرة وحطوا له ماء
1/2 ملعقة صغيرة بيكنج باودر
1 ملعقة زيت
وممكن بئا كل واحدة تحط التاتش بتاعتها
يعني لو عايزينها شوكليت زودوا للعجينة شوكليت باودر أو شوكليت صوص
وكمان ممكن تحطوا لها قطرتين ماء ورد بيخليها أحلى
وممكن تزودوا حتى لو حطيتوا شوكليت شوي قرفة بردو بيكون حلو معها





الطريقة //
اخلطوا المقادير سوا في المج أو الزبدية كويس
وبعدين دخلوها الميكرويف هتخلص بـ 3 دقائق المفروض بس اتأكدوا قبل لاتطلعوها >> مش جربته
ولو مش فيه ميكرويف خلوا الفرن 160-180 هتاخد بالكتير ان شاالله نص ساعة >> بعملها أنا بالفرن
بس كدا ولما تطلع لو حابين تزوينوها زينوها بس عادي مش هتحتاج
والأفضل خلوها لما تبرد ..



حلوة وبسيطة وسريعة جربوها
هي قدامي اهو بس مش ليا مزاج أصور
يللا صحة وهنا ..

[سارة بنت مصر]

مشكوووووور والله يعطيك الف عافيه

[فــــــــــرح]

حلو جداااا
حجربها حالا ان شاء الله
ويا اما ادعيلك او ادعيلك برضو

[اسيل الفلسطينية]

يًعُطَيًگ آلَفٍ عُآَفٍيًــــــة على الطرح
بانتظار جــــديــــدك .
تحياتي وتقديري

[Words Whisper]

نورتوا يابنوتات ..
تسلموا ..

[tota tweety]

رووووعــــــــــه يسلموووو على التوبيك الرائع

[تيتشر نفشه ツ]

اوبا سهله جدا
والاهم ان مقاديرها موجوده عندي
هقوم اعملها حااالا
والله انتي بتيجي ع السيره ي سمسم
بئآلي ساعه عماله بقولهم هاتولي تشوكلت
بيقولولي تؤ عشان المطر مالي الدنيا

هقوم يلا
تسلم ايدك
وبالهنا والعافيه عليكِ انتِ كمان

[╯ Princess ╭]

فعلا بسيييطة جدا
نورتي القسم يا سوم (: