مجنون خلخالها

[פﭠة ﺳگـړُھَہّ]

البت الحلوه المرمريه اللى ماشيه بحنيه وشها ولا احلاها زهره نديه مافيش اجمل منها ولا من روحها دى هديه بتمنى منك الرضا او كلمة ترضيه قاعد على القهوه مستنى ساعة الصبحيه تعدى عليا وهى ماشيه تجيب الطعميه وانا قاعد وبغنى بالسمسميه يا أرض يابختك ده انتى ماشيه عليكى اجملها حوريه يابوى عليها وعلى نظرة عنيها مكحله عيونها والسحر فى رمشها ياأمه ألحقينى ابنك داخ فى حبها ده انا نفسى بس اسمع حسها منها البصه ياامه تهد جبال وهيه مش حاسا ولا أنا على البال ولا ضحكتها آيه من الجمال خدتنى برقتها لأجمل خيال دى البت الحلوه المرمريه اللى ماشيه بحنيه ااااااه منها دى قطه شقيه لاء دى من الجنه حوريه وانا من رنة الخلخال غنيتلها الاغنيه بقلم / حتة سكره

[Arco Baleno]

ابدعتي حبيبتي وكلمات راقيه ورائعه جدا استمري في ابداعك
والله يوفقك في المسابقه

[العاشق الذى لم يتب]

لايمكن دى تكون حتة سكرة
دى أكبرخلية نحل تنتج عسل مصفى فيه شفاء للروح والقلب والعقل
عظمة فى لوحة فنية رسمت بها جمال وروعة وخفة دم البنت الحورية
ومشاعرالمعجبين البسطاء اللى قاعدين على قارعة الطريق
لوكنت أنا معاهم وشوفت خلخالها وجمالها اللى وصفتيه
مش هجنن وبس ممكن أنتحر وأروح فى خرخر
ولو مش عافة خرخر أسألى أختى حوراءعليه
تسلمى ياأعظم سكرة فى منتدانا
بالتوفيق وعليك وعلى شاعرة الرومنسية
مع بعض تخاصموا وأنا أتفرج
مودتى

[شاعرة الرومانسيه]

الله عليكى يا سكره كلك سكره

فكرتينى بقصه زقاق المدق وحميده

رائعه جديده تضاف لروائعك ياقمر

احترامى وتقيـــــــــــــــمى

[פﭠة ﺳگـړُھَہّ]

اقتباس المشاركة الأصلية كتبت بواسطة arco baleno ابدعتي حبيبتي وكلمات راقيه ورائعه جدا استمري في ابداعك والله يوفقك في المسابقه

تسلمى حوراء

وجودك الاروع

نورتينى بردك

وشكرا على المتابعه

[פﭠة ﺳگـړُھَہّ]

اقتباس المشاركة الأصلية كتبت بواسطة الرجل المتواضع لايمكن دى تكون حتة سكرة دى أكبرخلية نحل تنتج عسل مصفى فيه شفاء للروح والقلب والعقل عظمة فى لوحة فنية رسمت بها جمال وروعة وخفة دم البنت الحورية ومشاعرالمعجبين البسطاء اللى قاعدين على قارعة الطريق لوكنت أنا معاهم وشوفت خلخالها وجمالها اللى وصفتيه مش هجنن وبس ممكن أنتحر وأروح فى خرخر ولو مش عافة خرخر أسألى أختى حوراءعليه تسلمى ياأعظم سكرة فى منتدانا بالتوفيق وعليك وعلى شاعرة الرومنسية مع بعض تخاصموا وأنا أتفرج مودتى

ههههههههههههه بصراحه معرفش يعنى اى خرخر نقول زى مبنقول ف مصر اروح ف خبر كان ههههههههههه

اسعدنى وجودك جدا

واسعدنى ردك , وبعدين انا وشاعره غلابه جمبك




نورتنى
بوجودك

وردك

[פﭠة ﺳگـړُھَہّ]

اقتباس المشاركة الأصلية كتبت بواسطة شاعرة الرومانسيه الله عليكى يا سكره كلك سكره فكرتينى بقصه زقاق المدق وحميده رائعه جديده تضاف لروائعك ياقمر احترامى وتقيـــــــــــــــمى

تسلمى حبيبتى

انتى اللى وجودك أروع

وكلامك احلى

نورتينى بطلتك

[الرحــاال المٌتَمرد]

مَجنون خلخالها ,,
عَزف جميل وأداء مٌقنع
ونَص راقٍ وقيم .
حِته سٌكره .
بالتوفيق سيدي
تحياتى وتقديري

[دمعه حائره]

كلمات جميله ومتناسقه
وفكره جديده من قلم ابدع فى التعبير
تسلمى سكره وموفقه يارب

[ساحر الأحزان]

مجنون خلخالها

وهى ماشية

تتمايل

ام العيون السود والجدايل

جميلة سكرة

كلماتك

تحياتى