أنا مش عايش ... ل عبقري العامية

[phalsteen]

أنا مش عايش أنا مش فاهم أنا مش قادر حتي أعيش دنيا جبانة وشعب ضعيف كلمة بترفض , كلمة بتشكي وكلمة تقولي روح متجيش مهما صرخت محدش سامع مهما هقول هيقولوا ضعيف شايل همي وغلبي كبير بالاحزان انا توهت بعيد مغلوب علي عيشة ولقمة عيش في حضن ارضي نمت سطيح احلم ليه أنا قادر أعيش ؟ حلمي خلاص حبة تخابيط أنا مش عايش زي الناس انا عايش مليان احزان خوفي اروح لبلاد الله غايب ,تايه ,مكسور ,محتاج وارجع لامي قتيل غرقان ولا زايد حبة خِدلان شاكي بدمعة وقلب حزين نفسي اعيش زي التانيين نفسي الاقي في حضن غريب حبة خوف وكتير أحاسيس

[ابتسامة الزهر]

هذا حال شبابنا الحائر
والذى يتخبط ولا يعرف له مستقبل
كلمات جميلة سهلة
عبرتى بيها بأحساس
سلمت يدك

[Sea Pearl]

كلمات جميلة يا سما

تسلمى على الطرح الرائع

[ساحر الأحزان]

كلمات جميلة منك واحساسك فيها معبر

عايش ومش عايش

ولا قادر اتهنى ولا الحزن بيبعد عنى

حفضل لأمتى على كدة فيكى يا دنيا

ربك فرجة قريب

كلمات جميلة منك

موفقة

[Şα3Đ..♥]

عايش جوا بطون الخوف
محكوم واللي حاكمني ظروف
وان يوم فكرت اني اتكلم
كلمتي ما بتطلع من الجوف

ليه صوتي ليكوا مش واصل
ولو وصلته بيبقي فواصل
وتزيدوا من الطين تجاهل
وكان الصوت مش معروف


راقت لي اختي الكريمه
من الناس اللي بحب اقرالها ف الفتره الاخيره هنا
سواء نثر او شعر
تحياتي ليكي
بالتوفيق ان شاء الله

[العاشق الذى لم يتب]

تفاءلوا بالخيرتجدوه
وان شاء المستقبل احسن وافضل
مع التمسك بالامل والرجاء من الله
سيصلح الله احوال شبابنا وجميعنا
شكرا لك سما
احاسيس تعيش الواقع
دعواتى بالتوفيق
مودتى

[פﭠة ﺳگـړُھَہّ]

جميل كلامك نفرتيتى

ومن واقع عايشينه

سلمت الانامل

موفقه ان شاء الله

[Words Whisper]

لما العيشه تكون
يارب نعرف نعدي اليوم
يبئا فعلا فيه حالة غربة
حتى لو جوا الوطن !!~


راقتني كلماتكِ سما
شكراً ..
دوام التوفيق ..