سلموا ع الثوره وانسوها / مسابقة عبقري العاميه

[نجم وزهره ومسافات فراق]

سلموا ع الثوره وانسوها سرقوها منكم سرقوها آهو ضحكوا عليكوا وخدعوكوا والخيبه جايه استنوها ,, شعارت ع الكيف يا ما قالوها وبكدب وزيف اخترعوها كوشوا على مصر المحروسه فاضل انفاسنا ياخدوها .. سلموا على دم الشهداء دا بيصرخ ليل ويا مساء جبتوا لي هم وإعياء وامور بالوهم التقتوها .. سلموا ع الثوره الخربانه الناس مش لاقيه وجعانه آه ياثوره كانت غلطانه راحت لجماعه خطفوها .. سلموا ع الثوره يا حلوين خليكم كده مختلفين هايصين اخواننا الناصحين والتورته خلاص اهم لهفوها .. سلموا ع الثوره بلاش خيبه وامور بالهم بقت عيبه حرامية ثوره لاعيبه والعيبه ف ناس صدقتوها .. سلموا ع الثوره المنسيه على خيبه كبيره وقويه يسترها عليكم وعليا الثوره خلاص بح باعوها .. سلموا ع الثوره بقت كشري واتلم يا قلمي كده ياحشري ما انا ياما نصحت أنا بشعري والمحزن كلماتي هاجموها .. سلموا ع الثوره خلاص بح علشان احنا نسينا الصح وتعبت كلام انا مع شرح الثوره لجماعه خانوها سلموا ع الثوره وانسوها .. كنت هنا ,, رافضا ومسجلا بكلماتي ما يحدث ومسجلا كلمتي لله وللتاريخ بأن الثوره تمت سرقتها ولا عزاء لشعب ( فقير فكريا وسياسيا ) يكفيني شرف التواجد أيا كانت النتائج وفقكم الله جميعا

[اسيل الفلسطينية]

لن ننسى الثورة لانها نبض الشارع وعبرت عن مشاعر الملايين
وستبقى ذكراها وستفتخر بها الاجيال القادمة مهما حاول البعض
احباطها ستظل رمزا لفورة شعب رفض الظلم والقهر والتبعية
الف شكر لك اخي الكريم واتمنى ان تكون اكثر تفاؤلا

[ابراهيم دياب]

سلموا ع الثوره يا حلوين
خليكم كده مختلفين
هايصين اخواننا الناصحين
والتورته خلاص اهم لهفوها

**************
الله ينور عليك اخى الغالى /أ دهم

دائما مبدع والله راقت لى كل كلمات ومعانيها
دمت بود

[حافظة القرآن]

ربنا يحمى مصر واهلها
ويجعل الايام اللى جاية افضل
واللى جاى يكون خير

ابداع فعلا
تسلم ايدك
بالتوفيق ان شاء الله

[Arco Baleno]

كلام موثر جدا عن الثوره فعلا ابدعت والله يا ادهم فنان راقي

[ملاك صعبة الإمتلاك]

كلام رائع ومميز
بجد مبدع
بالتوفيق

[აα∂ Ԑγεა]

اممم ثورة كانت حلم واتسرق وصبح كابوس مر ,,
من سيئ الي اسوء هيا الاحوال للاسف
مفيش تغير تم ولا شكله هيتم
والطبيعي الناس تكفر بالثورة

وربي يحميكي يابلدي
تسلم للطرح القيم يا ادهم

[gold rose]

ربنا يحمي مصر واهلها .,
ويبعد عنها كل الحاقدين .,
كلمات جميلة اوي .,
بجد دخلت ألبي .,
تسلم إيدك يا رب .,
ودي .,

[شاعرة الرومانسيه]

سلموا ع الثوره خلاص بح
علشان احنا نسينا الصح
وتعبت كلام انا مع شرح
الثوره لجماعه خانوها
سلموا ع الثوره وانسوها
..الله الله يانجم

ابداع متميز

سلمت اناااملك الرائعه

[فِتْنـہ]

شكرآ جزيلا على الموضوع الرائع و المميز

واصل تالقك معنا فى المنتدى

بارك الله فيك أخى ...

ننتظر منك الكثير من خلال إبداعاتك المميزة

لك منـــــــ إجمل تحية ــــــــــى