شَعْبْ جَاعْ

[Mahmoud Mohie]

بسم الله الرحمن الرحيم



(1)
بَلَدْ عَجايب و{شَعب جاع}
رئيس بطيئ وحكمه ماع
حكومة فاشلة والكل باع
زِهقـنـا مــن كُــتــر الــوعـــود

(2)
نــافـــوخنا صَدَعْ م الكــــلام
بيطــلــع ف الأخر أوهــــــام
والكل عايش ف الأحلام
الـسِـم إنـدس ف الـــورود

(3)
الحق ضاع خلاص وإندفن
وإتـــبــقــى فيها شوية عَـــفَــن
راح الشهيد وإتغطى بِكفن
مَعَتش لـيـنـا فــيــها وجـــود

(4)
كل الحاجات مِتلخبطة
بِحكمهم بلدنا متمرمطة
قرارات ِبشوية شَخـبــطة
الدنيا مِش دار الخــلـــود

(5)
حِــلِــمْـنَا بـ الأمـــان
عانينــا مـ الحِرمان
عاملونا كـ الحيوان
زِهقنا وربنا المَعبود


تمـ بِحمد الله .

بِقلم : مَحمود مُحى .

[الرحــاال المٌتَمرد]

شَعب جاع بالفعل ,,
ورسالها لــ الغافل ,,
لعلهٌ يستيقظ ويري ما لا يراه .
موحا ,,
إبدعت سيدي وأكثر
دٌمت بكٌل خير
وبالتوفيق إن شاء الله

[Words Whisper]

شعب من كتر ماحلمه انداس
قرب يرجع تاني يبطل يحلم
ويقول يللا حد أحسن من حد !!
الله يصلح حال البلد ..


راقتني كلمات حضرتك
شكراً ..
دوام التوفيق ..


تقييمي ..

[اسيل الفلسطينية]

طرح مميَّز جداً ورائع
تسلمْ الأياديْ
ولاحُرمناْ من جزيلِ عطائك
دمتِْ ودامَ نبضُ متصفحكِْ متوهجاً بروعة ما تطرحْ

[פﭠة ﺳگـړُھَہّ]

كل الحاجات مِتلخبطة
بِحكمهم بلدنا متمرمطة
قرارات ِبشوية شَخـبــطة
الدنيا مِش دار الخــلـــود

--

كلمات روعه اخى

سلمت يداك

وبالتوفيق ان شاء الله

[العاشق الذى لم يتب]

تمت بحمد الله
وربنا يتتم على مصر عظيم الافضال وجميل الاعمال
وربنايهدينى ويهديك ياحودة واتبطل نغنشة
المهم كلام موزون بس فى نظرى مش فى المضمون
وطبعا كل واحدحرفى وجهة نظره مش كده ولاإييييييييييييييه
المهم انت بتوحشنى ساعات أشوفك قمر 14 مالى نورك كل المنتدى
وفجأة ألاقيك بقهيت هلال تظهرساعة وتختفى
كل التوفيق لك كبيرنا
مودتى

[مُنـــــايا]

حِــلِــمْـنَا بـ الأمـــان عانينــا مـ الحِرمان عاملونا كـ الحيوان زِهقنا وربنا المَعبود فعلا صدقت حلم نتمني تحقيقه نفسنا مصر ترجع زي زمان نفسنا نحس بالامان كفيانا وعود كاذبه و اوهام عايزين فعل مش مجرد كلام سلمت يمينكـ بكل حرف خطه قلمكـ ابدعت بالتوفيق ان شاء الله تقييمي + 5 استارز