انجازات نهضة الاخوان ( ولا عزاء لشعب مصر الطيب ) حصري وبقلمي

[نجم وزهره ومسافات فراق]

السلام عليكم ورحمة الله وبركاته

شعبنا طيب
فعلا شعبنا طيب

بس المحزن اننا مش بنتعلم من الماضي
ولا بنفكر في الماضي عشان نعرف نتعامل مع الحاضر ونفكر للمستقبل

خرج شعبنا من ثورة طرد حاكم فاسد وفرعوني وحزب واحد متحكم على كل شيئ
عشان يروح بكل براعه لجماعه تحكم وتتحكم في كل الامور وبشكل أفظع من الحزب المطرود !


نقول الانجازات وربما نحاول نتغير

1/ قتل الثوار زاد واكتر من ايام الثوره
2/ تدهور الاقتصاد وبشكل افظع مما كان عليه
3/ نغمة تكفير وتسليم الناس اصبحت موجوده لكل من يجادلهم
4/ اختفاء السولار مش عارف من مين ولمين ولمصلحة مين !
5/ يحق للمواطن عدد 3 رغيف مدعم فقط يوميا ( وجوع ياشعب )
6/اخونة مجلس النواب
7/ اخونة مجلس الشورى
8/ اخونة الدستور لصالح جماعه واحده
9/اخونة الجيش
10/ اخونة القضاء
11/ اخونة كل ما هو اخواني وغير اخواني
12 / البلاد التي رفضت ( التصويت للرئيس / الاحتياطي ! ) تعاني اليوم من انقطاع مستمر للكهرباء
13/ غلاء الاسعار زاد اضعاف مضاعفه
14/ انتشرت البلطجه بصور افظع واصبحت تهدد خطرا كارثيا على البلاد
15/ تلهية الناس باختراع المصائب والكوارث !
16/ زيادة التفرقه العنصريه بين الشعب الواحد !
ده بعض من انجازات النهضه الاخوانيه
ولسه
الجاي .......!

بصراحه البلاوي كتير والمصايب زادت
الغريب والمحبط والمحزن
شعبنا موافق وقابل وساكت
طيب ليه كنا بنعمل ثوره ما كنا نفضل بنفس النظام السابق طالما لا تغيير !؟


بصراحه

لا أمل بهذا الشكل في التغيير


سلامات يانهضه
ولا عزاء للشعب الطيب



قلمي ( الغضبان )

[ابتسامة الزهر]

لا نسيت باقى الأنجازات على فكرة دى مش من عندى
ده كتاب طلع لشرح انجازات الريس
اول رئيس بدقن وده انجاز
سافر الصين برضة انجاز
بيصلى فى الجامع
مراته راحت طابا
احدث انجاز انه باعنا لقطر
قلبت علينا الهموم ياعم نجم
بس برضة برغم كل ده فى أمل
احسنت نجم بقلمك اللاذع

[Lost Pearl]

كل شئ ليه سلبياته و ايجابياته

الكويس اللي تبقي ايجابياته مغطية علي سلبياته

بس الاخوان العكس

مش عارفة يا تري عمرها في ايجابيات هتيجي تغطي ع السلبيات دي ؟

الله اعلم ،، بس الواحد زهق بصراحة

تسلم ع الموضوع الجميل يا استاذ ادهم ،،

فـ انتظار جديدك

[دمعه حائره]

الامل فى التغيير موجود والشعب مش ساكت ولاحاجه
واعتقد الوضع مش هايستمر كتير
وربنا يصلح الحال

[فداااااااااااء]

ههههههههههههههههه الحقيقة من كتر الانجازات مش عارفين نعيش

شوف لو على الكلام فهو مش عليه جمارك علشان نسمع الانجازات الوهمية

اللى تتسرب من حصنهم المنيع فى المقطم او المواقع الالكترونية

العيشة توضح بكتير احنا شايفين انجازات ولا جنازات

سلمت على الطرح اخى ادهم

[العاشق الذى لم يتب]

شيئ جميل أن نهتم مصالح الدولة
ونعرف نحن كا شعب اللى لينا واللى علينا
ومش عيب الكل يشتغل سياسة طول مافيه المصلحة
بس تعالى أفكرك ياعم ادهم
فارك جدتى لما كانت تقعد مع جدتك ويحكومع بعض ويفتكروا خدتنا أم شملول
ويخلصوا أخبارها تقول جدتى لجدتك آه والله ياختى صدق اللى قال حبيبك يبلعلك الزلط وعدوك يتمنالك الغلط
هى الحكاية يازعيم مش أخونة الدولة
الحكاية ان الكثير من الدولة مش عاوز يشوف حاجة ولايسمع كلمة اخوان
والادلة كتيرة
وروح وشوف أختنا ابتسامة
بتقلك الاخوان باعو مصر لقطر
فهل عندك أو هى دليل وتقدر تجيب العقد اللى باع بيه الاخوان مصر لقطر
وكمان أسألك كام سنة مرت على الاخوان اللى خربوا مصر فى 9شهور
ألفت نظرحضرتك لشيئ مهم
مصر عمرها ماهتخرب لأنها محروسة من الله
ستين سنة وهى بتتسرق ومع ذلك أنت عايش وأنا عايش زى جدى وجدك ماكانوا عايشين
والسر جدنا أخناتون الله يرحمه
جمع دهب الدنيا كلها ودفنه عندنا فى الصعيد
ولماسألته ليه بتعمل كده ياصاحب الجلالة
قال علشان فى سنة 2015مصر هتوصل لــــــ 100مليون نسمة ولازم يبقى معاهم رصيد يعرفوا يعيشوا وسط الصين والهند
خلينا نحكم العقل ولما نلاقى واحدمن الأخوان ليه قصر فى لندن
نروح نمسكه ونعدمه
تحياتى لشخصك الفاضل
مودتى
رفعت

[Mo chahin]

ويبقى الوضع على ما هو عليه ..

والشعب غلبان مغلوب على امره ..

وحسبى الله ونعم الوكيل فيهم ..

تقييمي


جميل يا ادهم

[ابراهيم دياب]

مع اخى رفعت فى رده الرائع

صراحة انا مش اخوان ولا مع اى حزب انما انا شايف

ان الناس مش عايزة تساعد لحد ما تعدى فترة الرئاسة ونحاسب

انما كله مستعجل ماهو المخلوع كان كل يوم بيبعنا لا امريكا واسرائيل اقرب الاصدقاء له

ولما قامت الثورة وتنحى المخلوع اول دولة كانت حزينة هى اسرائيل

عموما كويس اننا نحكى فى امور الدولة بس بدون تحامل على احد

ودى لك ادهم وننتظر جديدك

[ساحر الأحزان]

الشعب عايز يحس بالامان

عايز يحس بالرخاء

عايز يعيش فى سلام

عايز يكون مطمن

عايز يكون بلد فوق فوق

وهى دى النهضة الحقيقية

اختيار موضح منك

بتمنى لمصرنا كل سلام وأمان ورخاء

موفق اخى

[شاعر واسير الحب]

شكرا علي المعلومات والافادة
تسلم الايادي
شكرا علي المجهود
دمت بخير
بس لا تنسوا ان تنتخبوهم في مجلس الشعب ههههههههههههههه