لقد وقعت في الفخ {مواقف مضحكة}

[╯ Princess ╭]

الموقف الأول: (خلي علينا) احنا عايششين برا مصر فمنعرفش المصطلحات العجيبة اللي بتطلع كل يوم دي المهم لما نزلنا مصر اجازة نزلت انا واختي نشتري لممتي حاجات فدخلنا السوبر ماركت واشترينا وبتاع ورايحيين نحاسب لقينا الراجل بيقولينا خلي علينا ايه؟! نعم؟! خير اللهم اجعله خير المهم انا بلمت ومفهمتش حاجة واختي هي اللي كانت ماسكة الفلوس فوقفت انا زي القله ماليش لازمة وبعدين اختي قالتلو ايه؟ قالها خلي علينا يا انسه فمفهمتوش بردو فقالتلو معلش ايه قام الراجل قالها الحساب20 جنيه الواحد حس بعدها انو اهطلللللللل الموقف الثاني: (علااااااااااء) الاسم دا حكايتو حكايه كنت مرة في المدرسة وواحده صحبتي بتحكيلي روايه وانا اصلا مكنتش معاها خالص كنت نايمة تقريبا فبطل الروايه اسمو علاء المهم كل شوية تقول علاء عمل علاء سوى وفي وسط الحكاية بقول لصحبتي لحظة واحده كدا المهم لقيت نفسي بنادي على بنت فبقولها علااااااااااااء لقيتها بصتلي كدا !! علاء مين ؟! هي سودانيه فبتقولي رباب حرام عليكي بالله عليكي انا علاء المهم البت ردت فعلها كانت مسخرة جدا وقفشت مني وبتاع منك لله يا علاااااء الموقف التالت: ( عزيزتي سوسو في الرمل لا تغوصو ) عندنا عربية من العصر الحجري من ايام جواز ممتي وبابايا بس والله كانت عسل اينعم بتمشي بالحكه والعطس وحالتها بالبلى بس حلوة المهم اول ما نزلنا اجازة السنه اللي فاتت مصر اخويا قال هاخدكوا اخرجكوا انتي واخواتك قلتلو في عزيزتي سوسو؟ اخويا كان مألفلها شعر عزيزتي سوسو في الرمل لا تغوص وفي الطين لا تلوصو وحاجت غريبة كدا المهم قالي اه دي جامده العربيه دي المهم نزلت انا واختي بتاعت خلي علينا اختي الكبيرة واختي الصغيرة المهم ركبنا فأخويا قاعد يخوف اختي الصغيرة ويوقلها العربية دي مخلعه وحاجات كدا المهم البت جالها رعب تلقائي والله مش لوحدها المهم اخويا ماشي بغباء والعربيه اصلا مش بتمشي تقريبا المهم وفجأه لقيت اختي الصغيرة بتسرخ الباااااااااااااااااااااااب البااااااااااااااااب اتفتح عقبال ما استوعبنا بقا وقفلناه وقعدنا نضحك ضحك عربيه مسخرة بجد كنا بردو مرة خارجين بيها بس كنا كتير كنا سبع تنفار محدش يسألني ركبنا ازاي!! المهم جينا عند مطب العربية مش راضية تطلع والناس بقت تقف وتضحك علينا وتقولنا نزق كان منظرنا زي الفل وكان الكاوتش بينط من كتر الحمل اللي عليه وربنا كانت عربية مسخرة وبس كدا اتمنى تكونوا قضيتوا وقت ممتع معايا ومع سوسو

[خارج عن القانون]

هههههههههههههه

والله مواقف مضحكه

تسلم ايدك ع التوبيك الجميل وع سوسو

[╯ Princess ╭]

تسسسلم يا خارج عن القانوون
نورتني

[~ NoDa~]

هههههههههههههههههههههههههههههههههههههه
مواقف عسا بجد
ومنظركم وانتو.7 ف عربية محشوورين بقآ والعربية مش قاادرة تعدي المطب
مسسخرة =))
تسلمي ي بنوتة

[╯ Princess ╭]

هههههههههههههههههه
شكلك اتخيتلي معايا المنظر ههههه
تسلمي يا قمر نورتيني

[۩۩ elMagic ۩۩]

ههههههههههههههههههه
ايه المواقف العسل دي
والله كلهم أجمد من بعض
يلا تعيشي وتوقعي فى مواقف كوتيير ي روبه

[╯ Princess ╭]

ههههههههههه فله اوي اتحسد عليها
تسسلم يا احمدووو

[كل حاجه بوووف]

هههههههههههههههه
موااقف روووعه ياعلاء ههههه

[jasmean]

ههههههههههههههه
لاء مواقف عسل والله
وخلي علينا دي كلمه رخمه جدآآ انا بكرهها
زمان الراجل قعت يضحك عليكم ههههههه
بس مش صعبان عليا في التوبيكـ دا كله الا العربيه هههههههه
7 يامفتريه هههههههههه
حلو طبعا التوبيكـ والتنثيق تححفه
تستاهلي وسام الموضوع المميز + وضعه بالفهرس + تثبيت التوبيكـ

[╯ Princess ╭]

اقتباس المشاركة الأصلية كتبت بواسطة ميكانيكو هههههههههههههههه موااقف روووعه ياعلاء ههههه

ههههههههههههههههه
تسلم يا ميكانيكو
نورتني

اقتباس المشاركة الأصلية كتبت بواسطة jasmean ههههههههههههههه لاء مواقف عسل والله وخلي علينا دي كلمه رخمه جدآآ انا بكرهها زمان الراجل قعت يضحك عليكم ههههههه بس مش صعبان عليا في التوبيكـ دا كله الا العربيه هههههههه 7 يامفتريه هههههههههه حلو طبعا التوبيكـ والتنثيق تححفه تستاهلي وسام الموضوع المميز + وضعه بالفهرس + تثبيت التوبيكـ

:d:d:d
اه ماهي العربية تصعب على الكافر
راحت خلاص لحالها جبنا اجلها الحمد لله بحادثة :d
تسلميييييلي يا جيسو
نورتيني