( الحلقه الرابعه ) ( اخبار اعضاء بنات مصر )

[morshooo]

بسم الله الرحمن الرحيم

اهلا بيكم فـ

( اخبار اعضاء بنات مصر )

ودلوقتى مع الاحداث

دمعه حائره ( انفلونزا الانسحاب من الاشراف )

كوين ميرو ( طقوس عيد الزعف )

ღ Big BOSS ღ ( وفكرة اشهر شخصيه فى المنتدى )

Mahmoud Mohie ( مشرف قسم النقاش )

والان مع التفاصيل

دمعه حائره

س / اية رئيك فى تنازل المشرفين عن الاشراف الفترة الاخيرة ؟ وياترى السبب سياسه الادارة والا شايفا ايه من وجهة نظرك ؟

الفتره دى الامتحانات قربت وخصوصا ان فيه كتير فى ثانويه عامه
يعنى يدوب يلحقوا يذاكروا
وفيه كمان اللى ارتبط بجيش او شغله
كل مشرف عنده اسبابه
وممكن فى الصيف يغيب مشرفين تانيين
اللى بيسافر واللى عندوا التزامات
مااعتقدتش الاداره السبب
لان كل مشرف اختار قسمه وكان مبسوط فيه
واى اقتراحات بتتقدم بتوافق عليها
حتى اللى بيطلب النقل بيتنقل
يعنى طلب التناول عن الاشراف بيكون نابع من انهم
مش عاوزين يقصروا فى المسؤليه اللى عليهم
فيقولوا تيجى مننا احسن ويحطوا حد متابع افضل
واوقات بتكون عدوة الانسحاب بتتنقل للكل
زى الانفلونزا

كوين ميرو

س / طبعا اول امبارح كان عيد الزعف عايز اعرف منك عملتى ايه ؟ وايه اهم الطقوس الى بتعملوها فى اليوم دا ؟

اول امبارح روحت الكنيسه طبعا الصبح بدرى حضرت القداس اهم الطقوس بنحضر القداس علشان بيكون فيه صلاه التجنيز علشان اثناء اسبوع الالام مش بيترفع بخور ولازم كل شعب الكنيسه يحضر الصلاه دى علشان لو بعد الشر حد مات فى الاسبوع ده مش بيتصلى عليه فالازم نحضر الصلاه دى كلنا
وطبعا طبعا لعبنا بالزعف بقى من يوم السبت بليل وعملنا ساعات
وخواتم وتاج وصليب واشكال كتير بالزعف

ღ Big BOSS ღ

س / عايز اعرف منك ايه اهميه الاستفتاء عن اشهر اعضاء المنتدى ؟ وشايف ان النتيجه ليها اهميه والا لا ؟

هى الفكره جت فى دماغى بصراحه
لما قريت الاخبار بتاعتك المره الى فاتت و لقيت واحد بيقول ( عضو هنا اسمه تقريبا بيج بوس )
اسلوب مستفز بيوصلنى انى مش حاجه هنا
فحبيت اعمل الاستفتاء دا
و الحمد الله طالما تعبى ومجهودى متقدر و محدش بينكر كدا
انا مبسوط و دى شهاده اعتز بيها و كنت محتاجها ليا و لغيرى
ان الناس مقدره نور
و النتيجه ليها اهميه من ناحيه تانى بتخلق نوع من التحفيز للعديد من الناس انهم يطور مجهودهم علشان يثبتوا نفسهم على الساحه
و الناس الى موجوده على الساحه تعتبر شهاده شكر معنويه ليهم
علشان يبدعوا اكتر

Mahmoud Mohie

س / مبروك الاشراف على قسم النقاش وشايف القسم هيمشى ازاى الفترة الجايه ؟ وايه الجديد الى هتعمله فى القسم ؟

الله يِبارِكْ فِيك ..
بُص يا مورشو .. جَبَل عَالى مُمَيزة بالقسِم حقيقةً ..
ولو بتابِعْ القِسم هتشوف إن شُغلها جيد جداً ..
لكن تَفاعل الأعضاء بالقِسم .. ليس بالجيد .. وهذا وما يَعيبه ..
وجودى فى قسم النِقاش بِجانب القِصص ..
خطوة للأمام .. هكذا أظنها ..
الخلافات بين الأعضاء غالباً ما تتواجد فى قِسمين فقط ..
اليومياات . والنِقااش ..
لذا فسينحصر النِقاش فى الفترة القادمة بإذن الله ..
على قضايا مُعاصرة - يومية (سياسية .. اجتماعية) .. هكذا ..
وأى تَطرق لِنقاش ظاهرة فى المنتدى سواء أكانت مُنتشرة ..
او غير مُنتشرة (فلن يُسمح به) .. حقناً للخلافات .!
بِخصوص الحملة الأخيرة بالقِسم ..
فتُعتبر نِهاية للتطرق بالقسم لأى موضوع يخص
أى ظاهرة بالمنتدى سواء جيدة أو غير جيدة ..!
((قسم النِقاش : لـ تبادل الأراء ووجهات النظر فى قضاياا مُعاصرة ..
وليس لنِقاش خلافات الأعضاء أو ظواهر بالمنتدى ))
أنا من المُشرفين (اللى بيهتموا) بِكتابة الموضوعات داخل القِسم ..
ودى حاجة قليل من المشرفين بيعملوها ..
أذكر من الناس اللى بتعمل كده ( مورشو .. ابتسامة الزهر .. ساحر الأحزان .. الرحال )
لكن فى قِسم النِقااش هيكون دورى مُتابعة الأعضااء .. والنِقاشات
أكثر من إنه يكون كتابة موضوعات ..
أنا شايف مُسابقة جيدة جدااا من نور بالقِسم ..
إن شاء الله هتابع مع نور .. كل الموضوعات ..
وبعد ما تِخلص المسابقة ..
إن شاء الله هيكون فـ حملة ومُسابقة بالقِسم ..
بالتعاون مع جبل عالى .. وأى حد عايز يشارك
مفيش مُشكلة ( طالما للصالح العام )
الإهتمام بالرودود .. ومُتابعة الموضوعات ..
لحذف المحظور (لتجنب المُشكلات) سيكون أولوية إن شاء الله ..
وإن شاء الله هنعمل حاجات كويسة ..
تجمع الأعضاء فى القِسم ..
هنفيد بعض ونستفيد من بعض إن شاء الله ..
شُكراً للجميع .

بس خلاص

[۩۩ elMagic ۩۩]

اخباار جميله وخفيفه المرادي
مش عوايدك ي مرشد :d
مبدأيا بقول كل سنه وانتم طيبين أختى ميرو
وبقول مبروك لمحي إشراف النقاااش
إن شاء الله القسم بتواجدكـ وبتعاونكـ مع جبل عالي
هيبقى كويس جدااا
انا متوقعه مستقبل حلو ان شاء الله خصوصا بعد رأيكـ هنا
ونور ماشاء الله شغااال تماام اوى الفتره دي
الله ينور ي معلم إستمر بقآ
دمعه ميرو نور محي
نورتوا الحلقه
تسلم ي أبو حميييد للمجهود المميز
يدوم النشاط ,,

[العاشق الذى لم يتب]

جميلة الفركة جدا يامورشو
نشرة اخبار المنتدى
تشبه نشرة اخبار الفنانين
هيكون لها تفاعل كبير وبالمرة تعرف الاعضاء كل جديد من خلالها
تسلم اخى دوما صاحب ابداع وتطوير
واشكر من تحدثوا هنا عن كل مالديهم من جديد
بالتوفيق للجميع
مودتى

[Ahmed Shepo]

جميله الاخبار
تسلم ايدك يا بوب

[ماتركس]

تسلم ياريس علي الاخبار يا مرشو

[countess]

حلقة جميلة

جميل هنا موحا <<

اقتباس أى ظاهرة بالمنتدى سواء جيدة أو غير جيدة ..! ((قسم النِقاش : لـ تبادل الأراء ووجهات النظر فى قضاياا مُعاصرة .. وليس لنِقاش خلافات الأعضاء أو ظواهر بالمنتدى ))

متفآئلة فيك موحآ

آن شاء الله تكون من البديات الطبيعيية ف المنتدى

في الحياة قضايا مهمة ننقشها نستفاد من بعض زي مقالت آحسن من الأهتمام والتركيز بمشاكل وأحدآآث المنتدى

الي جابتلنا شبة إنفصام بشخصية ههههههه

ربنا يوفقك مره تانية متفائلة فيك من حملاتك الي بآذن الله تحسن المستوى العام للمنتدى

[الأميرة رودي]

كلها اخبار تمام
كل سنه وانتى طيبه كوين
ومحمى مبروك عليك النقاش ربنا يوفقك وتقدر تضيف حاجه كويسه مع جبل عالى
نـــــور كانت فكره جميلهه وتحفيزيه وكل اللى هنا مميزين جداا بس كل واحد بيكون له اسلوب مختلف
لكن ف النهايه مميزين ومجتهدين .
منـــه معاها فى رأيها : فتره الامتحانات السبب الاول فى طلب الاعفاءات من المشرفين ..

شكرا مورشو على المجله
اخبارها خفيفه وجميله
ومنتظره العدد القادم

[-esraa-]

حلوة جدا الاخــبار دي وفيها تفاؤل ,,

تسلم يا مورشو

[اسيل الفلسطينية]

يعطيك الف عافية على النشرة واخر الاخبار
لكن افتقدنا الاخبار القوية والمثيرة والاكشن
الصراحة الفكرة جميلة جدا وانا من المتابعين باستمرار

[big bốss]

كل سنه وانتى طيبه ميرو

مكنتش اعرف ههههههه

و محمود محى معاك يا برنس فى المسابقه

و منه فيه علاج للانفلنزه دى ههههههههه

مجهود مميز منك مورشو

بالتوفيق للجميع