مٌبارزه فى قفص حديدي 12 ,, أدهم .

[الرحــاال المٌتَمرد]

ويَتجدد المَوعد مَع مٌبارزه أٌخري
مَع أحد عمالِقه الشِعر العامي ,,
قَلم أجاد فن الرصد والتصوير
وقاد ثوره ضِد "النَهضه" ,,
سـ يَكون مَعنا اليوم ...
لـ نستمتع بـ خربشات قَلَمٌه
و"نَقطعٌه يعني مفيش مانع"

بإنتظار فارسنا المغوار ,, أدهم
نِجم وزَهره ومسافات فٌراق

[نجم وزهره ومسافات فراق]

قطعني ياعم ما انت اخويا انا اهو وياك
من بدري ياعم ومنتظرك اهو وبستناك
امسك كده قلمك وانا قلمي هيكون وياك
نكتب نتمتع بالشعر ومش هتحداك


,

ملحوظه
لايكاتي في الانعاش

[الرحــاال المٌتَمرد]

ومالو يا سيدي تعالى هِنا و قول
إرسم لنا أشعار والليل معاك يطول
وإبعدني عَن السياسه يا خوي أدهم
مٌعتزل وإن إتمسكت أنا مٌش مسئول

[نجم وزهره ومسافات فراق]

الكلمه نقولها معجونه حب وتفاريح
من غير الشر او الغدر وبدون تجريح
نتعلم فن الابداع ويا الامتاع
وان مره غلط ف كلماتي عليك التصحيح

[الرحــاال المٌتَمرد]

أبدء يا عمي الليله و سمعنا
هنبوح بأسرارنا و عَن أوجَعنا
مايهمكيش مِن غدر الزمان
ولاتستني حد ييجي يسمعنا

[نجم وزهره ومسافات فراق]

الكلمه تكون حلوه حلاوه بصدق النيه
يا جمالها بجد بعداله مع شفافيه
نتعلم منها الأفكار كده بالأشعار
وتكون الفايده للكل متعه قويه


,

[الرحــاال المٌتَمرد]

الشِعر مِش بس بوزن القافيه
العاميه فَن وموهبه مِش عافيه
سمعنا بأه وإطربني بـ رباعياتك
مابحبش التمهيد كتير بلا قافيه

[نجم وزهره ومسافات فراق]

عايزين نعيد الود بالحب والاحساس
عايزين نكون اخوات ويكون شعارنا اساس
الصدق والطيبه وكل الود فينا ياناس
والخير يجمعنا مع الاخلاص

,

[الرحــاال المٌتَمرد]

الود هاجرنا مِن نفوسنا الضعيفه
و الضلال شغال مَع التسأيــفــه *
الخير للى في قلوبــهم الخيــر
والجَحيم لـ ضمير مايساوش تعريفه

[نجم وزهره ومسافات فراق]

تعريفة الحب فينا موجوده وشريفه
وعمرها ما تكون ضايعه ولا ضعيفه
محتاجه بس النفوس تهدى كده شويه
وتعود بكل الرضا فرحانه ونضيفه


,