الأراجوزات

نجم وزهره ومسافات فراق · منذ /05-01-2013, 06:15 PM

تنويه
وتوضيح
وتأكيد

كثيرا ما قلت وأكدت
بأن كلماتي وموضوعاتي غير موجهه لأحد بالمنتدى
كلماتي مجرد توارد أفكار لا أكثر
من واقع الحياه
أسجلها كما أشعر بها
لذلك
أؤكد من جديد
برجاءا عدم فهم كلماتي بشكل مختلف او موجه لأحد
لذلك كان التنويه والتوضيح عام ,,

في كل مكان تشوفهم
تقول دول بهلوانات
صناع النفاق
شكل الأراجوزات
ماليين الحياه
شعارهم بس هات
كتروا في الزمن
في كل الحاجات

في الشوارع
أراجوزات
في الجناين
أراجوزات
حتى في الندوات
هتلاقيهم
أراجوزات

حاجه فعلا مستفزه
نفسي منهم مشمئزه
لا يعرفوا مبدأ وعزه
طبعهم كلوا شتات
أصلهم كده أراجوزات

الغريبه يحلفوا لك الظروف
أصل فيهم ألف عله وألف وهم وألف زيف
شرع فيهم التزييف
همهم مجاملات
أصلهم أراجوزات

اراجوزات خنقوني جدا
بعدي عنهم جد أحسن
حاجه تغيظ والله تجنن
فكرهم ده خزعبلات
أصلهم اراجوزات

اراجوزات تكره تشوفهم
حتى لو تلمح لطيفهم
تمشي تبعد عنوا زيفهم
بالهدوء كده والسكات
أصلهم كده اراجوزات

اراجوزات كتروا كتير
طبعهم صعب وعسير
فكرهم وهمي ومرير
مبدعين للانفلات
أصلهم كده اراجوزات

اراجوزات غاويين خداع
أو متاهه أو ضياع
فكرهم مليان أوجاع
مبدعين في المشكلات
أصلهم كده اراجوزات

اراجوزات والحقد فيهم
طبع باين من عنيهم
بدعي ربنا يوم يهديهم
ويارب يقبلها الدعوات
ويسكتوا الاراجوزات
ارحمنا يارب م الاراجوزات

gold rose · منذ /05-01-2013, 06:42 PM

هههههههههههه
حسستني إنك بتتكلم على الناس إلي بوشين .,
مش عارفة أقول إيه .,
ضحك من قلب .,
وفي نفس الوقت حسيت إن الناس متغيره .,
تسلم إيدك يا ادهم .,

توحد ارواح · منذ /05-01-2013, 06:42 PM

الارجوزات ال بتضحك
و لكن ف واقع الحياه فعلا النفاق اصبح أفه
بتنخر فى المجمتع و منتشره بصوره مستفزه
ربنا يهديهم و يرحمنا منهم
راااائع وميز كالعاده
شكرا ليك اخى
ننتظر المزيد
تحيتى

سارة بنت مصر · منذ /05-01-2013, 06:45 PM

مشكوووووور والله يعطيك الف عافيه

اسيل الفلسطينية · منذ /05-01-2013, 06:56 PM

بالرغم من بساطة الكلمات الا ان فيها رسالة اعتقد وصلت للجميع
مااكثر الارجوزات في زماننا اخي ليس بالمنتديات فحسب
بل تراهم في كل مكان شعارهم النفاق ولا مبدأ لديهم
تسلم اخي مبدع كالعادة ليس جديدا عليك الابداع