حلقة جديدة من ( اجمد عضو ) معانا ( Ѕad Єyes )

[morshooo]

بسم الله الرحمن الرحيم

اهلا بيكم جميعا

وحلقه جديدة من

( أجمد عضو )



طبعا الجميع عارف ان ضيفى النهاردة

النائب السابق المتميز /

Ѕad Єyes



ودلوقتى تعالو نشوف الحوار كامل :

س / اهلا بيك فى اجمد عضو ؟


اهلا بيك يا مروشو
غريبه مكنتش متخيل اني هدخل اجمد عضو دا

س / فى البدايه طبعا عايزك تقول الى عايزة فى التوبيك حتى لو الهجوم على صاحب التوبيك ؟

لا ان شاء الله مفيش حاجة اسمها هجوم ابدا كلها وجهات نظر
وانا هوضح وجهه نظري عندي من غير اي حاجة من دا
حتي لو كانت وجهه نظري مطروحة بطريقة قوية شوية
وان شاء الله تكون الاجابات كلها صريحة جداا

س / عايز اعرف منك فى البدايه ايه رئيك فى منتدى بنات مصر ؟

منتدي جميل جدا ونشيط جدا وفيه اعضاء مميزين فعلا
يمكن اهم ما يميزيه هو الاعضاء اللي بتكتب بقلمها الخاص
واللي بتضيف شكل وجمال كبير للمنتدي
في ناس مبدعه كتير جداا في المنتدي

يمكن الناحية التانية في مشاكل كتير في الفتره الاخيرة مأثره علي المنتدي
ومخلياه بالنسبة للناس مش زي الاول والراحة فيه بدات تتلاشي يوم عن يوم
في حالة من عدم قبول بعض الناس لبعضها ونقدر نقول تربص برضوة او شللية
بس ككل منتدي مميز جدا ورائع وكل المنتديات فيها مشاكلها

س / شايف انك استفت من فترتك كنائب أدارى ؟

يمكن في النشاط انا مستفدتش بالعكس تماما كنت افضل من غير دا
كمان نفسيا مستفدتش لان حصلت مشاكل كتير دايقتني واثرت عليا
بس وجودي في قسم الشكاوي فادني كتير كعضوية
كفاية وجودي عرفني حقايق و خبايا كتير في المنتدي
كمان رفع اسهمي بشكل كبير في فتره صغيره جداا
وبدأت اكون من الناس اللي ليها رأي الناس بتابعه وبتنظره
وبدأ يظهر اشادة بيا ويعلي مكاني في الفورم بسرعه كبيرة

س / اول لما كنت نائب كنت اول عضو يكون معاة صلحيات المراقب ويمكن حصلت مع لوجى لانها كانت مراقبه فى الاساس ؟ تفتكردا ساعدك كتير ؟


أها مانا بقولك دا ساعدني جداا
اني اشوف قسم الشكاوي بالخصوص
تقريبا افضل دور كنت بلعبه في وجودي كنائب هو دخولي في بعض الشكاوي
ومحاولة الحل او النقاش مع الاطراف كلها ومحاولة الخروج بحل للمشاكل
لان الحقيقة بتقول ان نشاطي مكنش بالشكل القوي علي قد وجودي في بعض الخلافات !
فالدور دا رفع من شاني بدرجة كبيرة زي ما قلت وخلي ليا دور وتواجد يحترم


س / تفتكر طارق ادالك الصلحيات دى عشان يتم تعينك كمراقب بعد فترة النائب ؟

لا هو انا اظن انه ادااني الصلاحية دي علشان اساعد الادارية المنتخبة
في الجزئية دي
بالاخص انه كان واضح انها هتكون فتره صعبه وفيها مشاكل كتير
بتلوح في الافق
وحب يخليها تستفاد بيد اضافيه للمساعدة يختلف اسلوبها وطريقتها عنها
لكن ممكن برضوة انه يكون شايف فيا النوعيه دي من الاعضاء
قام حب يحطني في اختبار عملي ويشوف مدي تصرفي في المواقف دي
معرفش تقدر تسأل طارق عن اليقين في دا وانا ارجح الاولي




س / حوراء كانت دائما تقول ان فى تفاهم بينك وبينها الكلام دا صح ؟

كان صح دا ,, الحقيقة كان صحيح وقت ما قالته
لكن في حاجات كتير دخلت في النص الفتره الاخيرة
والطبيعي الاراء تختلف بيننا في مواقف كتير
وكل واحد يشوف نفسه صح دا العادي برضوة
فنقول كان في تفاهم وقل كتير عن ما كان

س / كان ايه سبب عدم التفاهم بينكم بعد كدا ؟

مانا بقولك الطبيعي ان كل واحد فينا يكون له رأي مش هنتفق في كل حاجة
فتمت وجود كذا مشكلة انا كنت منتظر طريقة واسلوب وحل مختلف منها
لكن حلها او طريقتها او تصرفها وردهاا مكنش بالشكل اللي انا متوقعه ولا متمنيه ولا منتظره وشايفه صح
ف الطبيعي اني اكون عكس دا وادافع عن فكري رأيي وحلي
واللي هو العدالة من وجهه نظري
تكرار المواقف اللي زي دي ولد حالة كبيرة من عدم التفاهم

س / شايف ان فترتك مع حوراء افادت المنتدى ؟

هو المفروض مش انا اللي احكم علي دا والاعضاء تقرر
لكن لو عليا فلو الفتره فادت المنتدي ببعض الحاجات والافكار
الجديدة اللي تمت فعلا
وكان في حاجات اتنفذت فعلا
الا انه حصلت مشاكل كتير في الفتره دي سببت ضرر للمنتدي
مش شرط يكون لينا دور فيها علي الاطلاق
لكنها حصلت في الفتره الخاصه بينا
وفي عدم نجاح في التصرف ف بعض المواقف الحقيقه ولازم اعترف بدا

س / ايه المشكله الى حسيت انكم عاجزين عن حلها والا محصلتش الحكايه دى ؟

بص الطبيعي كل مشكلة وليها حل مهما كانت
المشكلة مش في دا
المشكلة لو ان الحل اللي بتقدمه يظل وجهه نظر وميتحولش
لحل يعني ميتمش الاخذ بيه
كمان المشكلة ان بعض الخلافات يا خاسر يا خاسر مفيش فيها حاجة
بدون خسارة
ممكن تيجي عليك مشكلة كل الاطراف مش هترضي مهما عملت
وكله هيشوفك غلط
دي اصعب الخلافات والمشاكل اللي بتيجي وااقدر اقول تواجدت
كذا مرة
وتم المحاولة علي قد ما نقدر

س / الخلافات الاخيرة مع حوراء كانت بسبب دفاعك الدائم عن ( شاهينـ وفــرح ) ؟


لا مختلفناش في الموضوع دا بس
احنا اختلفنا في كذا حاجة الحقيقة
بس ليه تقول دفاعي عن شاهين وفرح ؟؟
هما لو غلط في حاجة انا اول واحد هيغلطهم ولو صح في حاجة هدافع عنها
اول الخلافات كانت اما محمد اتحظر مع منشاوي وقت ما منشاوي نزل التوبيك ايياه
انا كنت رافض الحظر لمحمد والقرار اللي صدر دا ومكنتش ولازلت شايف انه مش القرار الصح ابدا !
كمان اختلفت في شكوي لفرح من كام يوم ااه حصل ودي كانت اكبر حاجة
لكن مش مع دول بس اختلفت ولا دول هيفرقو عن الباقي لو شايف غلط في التعامل
لو دول غلط انا بدخل وبغلط محمد في وشه وهو بيقبل مني
لاني بتعامل معه صح ولو صح هقوله انت صح ولو غلط هقوله انت غلط
فكلمة دفاعك الدائم مش كويسة لاني دول عندي زي غيرهم لو عندهم حق ولو عليهم حق




س / الفترة الاخيرة اسمك اتعرض كتير انك تكون مراقب ؟ شايف ان فعلا محمود يستحق انه يكون مراقب ؟

لو هنكون واقعيين كل واحد شايف نفسه يصلح رئيس للبشرية كلها مش
بس مراقبة !
الاحقية الحقيقة مش اقررها انا ابدا دي يقررها غيري من الاعضاء
لو اسمي اتعرض فدا لان في غيري شايفين اني استحق دا

س / عايز اعرف رئيك فـ ( ماجيك واسماء وحوراء ) وكلهم مشرفين مميزين ؟ وشايف حد فيهم يستحق المراقبه والا لا ؟

الماجيك ,,
احمد محترم جدا و محبوب جدا من الجميع هنا
وكعضو فهو نشيط جداا ومتواجد بصورة رائعه ومشرف مميز جدا طبعااا
وكفاية انه اعلي المشاركين واعلي النجوم السيلفرية
ومن الثوابت الرئيسية للمنتدي ومحبوب الاعضاء ف الاستبيان الاخير
من حيث ينفع مراقب اكيد احمد ينفع مراقب جدا وعنده كل المقومات اللازمه لدا
هو شخصيته واسلوبة جميل
دماغه وعقله كبير يقدر يدير المنتدي وكان مميز في فتره ادارته للمنتدي
كانت يعتبر مفهاش مشاكل وارجع النقطة دي لان زي ما قلت كل الاعضاء بتحبه

اسماء ,,
من اهم وافضل الاعضاء في المنتدي هنا وهيا من القائمة التوب ليا
تعاملي بسيط معاها لكن واضح انها محترمة جدا وشخصيتها عاقلة
كمشرفه هيا من الاميز هنا في المنتدي من وجهه نظري ان لم تكن الاميز
وبشخصيتها دي عندها القدرة بكل سهولة انها تكون مراقبة عامة وتحكم وتتواجد في الشكاوي
فاااه اكيد تصلح جداا

حوراء ,,
كانسانه فهيا طيبه جدا وعفوية درجة اولي ومن الناس اللي بتتأثر كتير وممكن تزعل
فهيا كعضوة نشيطة وومميزه وعندها انتاج ذاتي يخليها من المميزين جداا
لكن كمراقبة عامة لا الحقيقة ومتزعلش هيا مني لا مش شايف دا ابداا علي الاطلاق
ونظرتي دي مش من فراغ دي من حاجات واضحة و 3 شهور اهم في الشكاوي
مهياش الشخصية القوية اللي تقدر ترد ردود قوية وقت الحاجة
ولا هيا الشخصية اللي تقدر ترمي قلبها علي جمب في اي وقت

س / بس انتا فى وقت من الاوقات وافقت انك تكون نائب لحوراء ؟يبقى ازاى مش شايف فيها القيادة ووافقت انك تكون نائب ليها ؟

ااه وافقت اني اكون نائب وكنت شايف فيها الشخصية دي
الواقع بيقول اني كنت شبه جديد وبدون علاقات ومعارف في المنتدي ( ودي لحد اللحظه )
مش بعرف اي حاجات سابقة في المنتدي ولا شخصية وطريقة كل عضو
وانا شوفت قصادي عضوة نشيطة جداا ومحترمة وطيبة وهادية وكمان موهوبه جدا ( ودي اكيد للحظه )
شوفت كمان الانتخابات الللي قبلها وكان في هجوم شوفته غير مبرر عليها وشوفت حد مظلوم
وقتها اتكلمنا خاص ولقيت افكار كتير متشابهه وفي عزيمه واصرار عندها للتحدي
فاكيد وافقت وكنت معاها للاخر وعملت اللي اقدر عليه علشان اشوفها احمر
كنت شايف اصرار وعزيمه زي ما قلت لكن المشاكل كانت اقوي في الفتره دي منها
اصل برضوة اولا واخيرا هيا شخصيتها عفوية وطيبة جدا بطريقة كبيرة
بينما المشاكل الكبيرة عايزه اما شخصية قوية تناقش واما شخصية قوية تقتل كل النقاش بقرار
الطيبة والعفوية و المشاكل الكبيرة دونت ميكس !

س / ( مورشو ) يمكن اعترض على ترقيه مشرف لمراقب وكان اسمك معروض انك تكون مراقب ؟ اخد الموضوع ازاى ؟

منكرش ومجملش اخدت الموضوع زي ما كتير من الناس شافته ,
بشكل مباشر عليا
وبساطة شديدة لان المشرف الوحيد اللي في كلام انه يبقي مراقب
هو انا !
فالطبيعي اما يخرج المبدأ في ظل تواجد حالة واحدة فقط راح ينطبق عليها
انه المبدأ دا ظهر علشان الحالة دي بالذات !
طبيعي جدا ان الكل يشوف الحكاية والاعتراض دا عليا انا لانه علي حالتي انا فعلا !
وعايزك تعرف ان لو انت بتتكلم بمبدأ ان المشرف ميبقاش مراقب
الحقيقة اللي ميعرفهاش كتير اني مش مشرف في الاساس لاني تنازلت عن الاشراف في بداية وجودي كنائب
يعني انا عضوية مميزه و اهو السلم الاداري كله انهار في حالتي !
واظن لولا اني اثبت احقية و اهليه وشخصية مراقب من خلال تواجدي في النائب
مكنش حد هيفكر اني استحق ابدا لان العين مكنتش عليا من الاساس
العين دايما علي الفي اي بي والقدام زي ما السلم قال !
وانا خطفت العين دي بالتجربة المباشرة باثبات كفائتي اما مارست الرتبه عملي !

س / شايف ان فى اى خلاف بينك وبين ( مورشو ) حسيت من خلاله انة مش عايزك تكون مراقب ؟

مفيش حاجة شخصية بيني وبينك يا احمد
لا بالكويس ولا بالوحش والتعامل بينا طفيف جداا ولا اي خلاف اكيد
فمظنش ان في حاجة شخصية بينا بالمعني الحرفي بينا تخليك مش عايزيني مراقب

بس الرتب والمراقبة ميخضعوش للاسباب الشخصية بين الاعضاء وبعض
علي قد ما يخضعو للاسباب الذاتيه بين الشخص ونفسه
بمعني انه انا ممكن احبك وميكنش معي ومعك اي خلاف
لكني اكيد محبش انك تكون اعلي مني !
كل واحد جواه نظره كبيرة لنفسه واقل حاجة بيشوفها اكنها اهانة او عدم تقدير له
هقولهالك بصراحة اللي بيعترض علي ترشيحي في الرتبه
مش بسبب انا وحش ولا انا مستحقش ولا انا غير مؤهل الخ من امور
لا بسبب اني انا جديد و عيب اعلي عليهم في الرتبه !
هيشوفو في دا اهانه ليهم و لكبرياءهم حتي لو مش عاوزين الرتبه من الاساس !

المعادلة مش منظورلها بمشاكل شخصية بينا ولا لا
المعادلة منظورها بان دا جديد واحنا قدام
حتي لو انت عاجبك العضو من الاساس
و حتي لو انت مش عايز رتبه يا موروشو وانا عارف دا
لكن هتظل المعادلة قائمة ومش معك لوحدك مع كذا حد
انا قديم وهو جديد وهتبقي عيبه في حقي !
مع ان المراقبة عمرها ماكانت تخضع للاقديمة علي حساب القدرة ابدا ؟!

س / حسيت ان لو فعلا بقيت مراقب هيبقى فى اعتراض من الاعضاء والا كان الاعتراض من عضوة واحد فقط ؟

انا مكنتش متخيل ان هيكون في اعتراض من الاعضاء علي الاطلاق
لاني كنت فاكر ان الاعضاء شايفة ان الرتبة بتاعت المراقب الحكم والفيصل فيها الكفائة والجداره
مش الاقدمية ابدا مهما كان
والحمد لله في ناس كتير شهدتلي بالكفائة والجدارة والتميز في دا
وانا اصلا مكنش في بالي المراقبة دي الا لما كذا حد من القدام والمميزين وللي ليهم وضعهم
قالولي اني انفع ورشحوني في دا !
زي مثلا استاذ ايمن الرحال وزي احمد الماجيك وزي حنون وغيره كمان من المراقبين !
كلهم قدام عني بكتير وكلهم خبرات واقدمية وتواجد ونشاط و و
لكنهم مبصولهاش من المنظور بتاع انا جديد ولا لا
مع ان فيهم اللي مش مراقب وانا لو بقيت هبقي اعلي منه ؟!

فانا اما اشوف ناس ليها وضعها كدة حابة وشايفه اني انفع ابقي مراقب
اكيد مش هتوقع اعتراض من الاساس لو تم دا ؟!

اما شوفت التوبيك بقي بتاع اعادة الهيكلة بتاع بيور
عرفت ان في ناس بتبصلها بالاقدمية و ان انا جديد وهما قدام
وان دا هيقلل من كرامتهم والكلام دا اللي قريته
انا بصراحة قريتهم كلهم ردين في التوبيك وخرجت محبتش اكمل من الاساس !

كل واحد بيبصلها بنظرته اولا واخيرا
اللي هيبصلها بالكفائة والجداره قبل الاقدمية واللي هيبصلها علي الاقدميه اولا واخيرا
ف الحالتين احترامي للحالتين
الاداره المفروض عارف هيا بتعمل ايه ؟
لو انا كنت هبقي مراقب او لا في الحالتين مش هتفرق في شيئ معايا علي الاطلاق

س / ازاى انتا شايف ان ( مورشو ) باصص للاقدميه مع انه اقدم من ( دمعه ولوجى وساحر ) ؟

الطبيعي اقول دا اما اشوف ردوده في " ترميم بنات مصر "
وان مجري التوبيك يتحول من شيئ لشيئ تاني خالص
كمان يرشح اعضاء من عنده مع ان معروفة الادارة هيا اللي ترشح دايما المراقبين
ومش بس كدة دا ياكد في كذا رد انه مش هيقبل ترقيه مشرف لمراقب وانه هيسيب الاشراف وقتها

واخر ردوده يكون

اقتباس
طيب وهو من العدل او عشان انتا تستريح

او عشان مكان ( المراقب ) لازم يكون فيه حد بمواصفات معينه
اكون انا او غيرى مميز وناجح وانتا مخلى حد اقل مننا سواء بقى
خبرة او فكر او نشاط او تعاملات .
يكون فى منصب مراقب وانا وغيرى لسه مشرفين .( دى نقطه )
النقطه الثانيه ( منين انتا معين مشرفين ومشرفين مميزين على اقسام
وهم مفيهمش حد انتا شايفه انه ( هيكون مراقب )
التدريج الادارى فى المنتدى ايه اهميته طالما انتا كمشرف
احتمال كبير تفضل مشرف زى ما انتا مهما عملت ومهما الاعضاء
كانو بيحبوك او مهما كانت تعاملاتك مع الاعضاء انتا هتفضل كدا
( مميز او مشرف او مشرف مميز ) .
ازاى مبقاش فى تقدير للناس الموجودة بقالها 4 او 5 سنين
رغم انهم ثابتين وجودهم طول الفترات دى ومحدش فيهم
بخل على المنتدى بحاجا .
بأختصار طالما السلم الادارى هيخلى المنتدى فاشل .
يبقى الادارى توضح يا جماعه دى شكليات لا غير
لكن التعينات والترقيات هتكون بوجهة نظرى انا .

ايه اللي واضح هنا غير انه بيقول اقدمية وخبرة وف سنين بتتعد قدامي
ماهي دي الاقديمة اللي بحكيها

اولا انا عارف انك مش عايز مراقب دي ومش في بالك
بس يمكن او الاكيد وقتها ( منه وامجد و لوجي ) انت مكنتش مميز زي دلوقت ؟
؟مكنتش نمرة واحد في التقييم بتاع المشرفين ؟
وقتها محستش بالحرج لانك مكنتش بتشارك للدرجة ؟
ولا ليك التفاعل والدور والاقتناع الكبير من الناس زي دلوقت ؟!
دلوقت بتشارك وبتتواجد والكل معترف بيك واخدت درجة عاليه جداا ومستحقة جداا في الاستبيان
مشوفتش في دي منظر ان عضو اخد اقل منك في التقييم اللي انت متصدره
واجدد منك بكتير جداا في المنتدي
يعدي عليك رتبه وبكل سهولة في فتره وجيزه جدا

مانا بقولك الحكم مش بتحبني ولا بتكرهني
ومتزعلش من كلامي اللي بقولة انت قلت الصراحة ومهما كان
انا شايف الحكم دايما لذاتك وشايف ايه يخصها وايه يقلل منها من نظرك

س / صحيح انتا مترشح تكون أدارى مش مراقب ؟

يااه تخيل لو دي حقيقة ؟!
اذا كان في ناس مش قابلة نطة لمراقب مرة واحدة ياتري ممكن تقبل دي ؟؟
وتعرف لو انا مترشح لدي او لا ولو اني عندي الخبر اليقين وعارف
لو انا مترشح لدي
فدا هكون بسبب ان في ناس رشحتني ليها في خلال استبيان من يصلح كاداري !
تخيل برضوة يعني اهو ف ناس شايفة اني اقدر اكون مدير مش مجرد مراقب كمان ؟!
واكيد كتير منهم لا مش كتير بس دا اكيد كلهم اقدم مني بكتير في المنتدي هنا !

س / تفتكر انك هتاخد اصوات اعلا من ( دمعه ) و ( ساحر ) فى الاستبيان من الاعضاء ؟ مع انك اخد مركز متاخر فى استبيان المشرفين ؟

مظنش اني هاخد اعلي من الناس دي اكيد طبعا
الناس دي من اساسيات المنتدي هنا وليهم شعبيه جارفه جدا
واستحقوها عن جداره واستحقاق اكيد وكانو اداريين منتخبين والكل اشاد بيهم
هما الاعلي تقديرا
بس مش لازم اني اخد اصوات اعلي المهم هو اني اهو اخدت اصوات تخليني ابقي مرشح ؟
ودي في حد ذاتها كفاية جدا وكبيرة جدا انك تدخل تترشح وانت ملكش الفتره الكبيرة بتاعتهم دي
و انك معندكش معرفه كبيرة بالناس ولا عندك الشهره ولا الاقديمة بتاعتهم
اظن ناس رشحتني فاكيد رشحوني لانهم شافو فيا " قدرة وكفائة "
ومهتموش بفتره تواجدي قد ايه وتسلسلي الاداري ايه
وهو دا اللي بقوله واللي طلع صح عالاقل من وجهه نظرهم !

اما عن درجة الاستبيان ؟ فمش مركز متاخر ولا حاجة
انا اخدت المركز ال14 بتقدير جيد جداا ومعايا 45 ممتاز علي ما افتكر
لو هتعتبر دا متاخر ؟ يبقي كل اللي اخدو اقل مني يعملو ايه ؟!
ولو هتشوفها بمنظور واقعي انا مكنتش بتواجد في المشاركات بشكل كبير ولا بنتشر للدرجة
ثانيا انا واحد مش مشرف علي اي قسم معين ومن خلاله حد يقدر يحكم عليا
يعني انا ملزوم كنت بمنتدي كامل ودي تقييمها اصعب من مجرد قسم
كمان زي ما قلت مليش نشاط كبير علي قد تواجدي في الشكاوي والمشاكل وخلافه من امور
وفي الحالة دي الشكاوي مفيش ناس كتير يقدرو يشوفوها اكيد
فعلشان كدة مكنتش هاخد تقييم اكبر من كدة علي ما توقعت

يمكن كتير من اللي ادوني ممتاز بسبب انهم مر عليهم مشكلة ولا حاجة وكان ليا تدخل
ويكفيني شرفا اني ناس عارضتها كتير وغلطتها اكتر
واطراف خلاف مع بعض بشدة و الطرفين يدوني ممتاز ؟!
دي في حد ذاتها حاجة كبيرة جدا علي ما اظن

س / بعد الى حصل دا كله شايف انك هتبقى زى ما انتا فى المنتدى والا دا هيأثر عليك ؟

هو حصل كتير الفتره اللي فاتت ومنهم حاجات كتير جات علي اعصابي ودايقتني
لكن كل المسئلة يومين نقاهه وراحة بال
ولا كأن اي حاجة حصلت من الاساس
سواء هكون باي لون المهم اكون مستريح ومقتنع
ووقتها الحياة هتبقي مية مية علي مااظن

س / الفترة الجايه ناوى تركز على ايه فى المنتدى ؟

الاول فتره الراحة اللي قلت عليها دي لاني محتاجها فعلا
ومن بعد كدة حابب ارجع اشارك زي اول بدايتي هنا
بدون ضغوط ولا حاجة
حابب اكمل نقابة منظمي المسابقة واعليها اكتر
وحابب انفذ الاقتراح الخاص بالردود القيمه اللي قدمته من كام يوم
وكمان حابب اتواجد بصورة اكبر في قسمي قلم الاعضاء وصفحات مكشوفة بالخصوص
وبعدهم اليوميات و رجوعي لاقسام الرياضة
دا اللي في بالي في الفتره اللي جايا


س / شايف ان الادارة هتظلمك لو ماتمش تعينك كمراقب ؟

لا اكيد ولا هتظلمني ولا حاجة اصلا الترقية دي بتيجي حسب تقدير الاداره
مش حاجة كسبتها في حاجة ولا مربوطه بعدد مشاركات ولا عدد سنين
يعني مش انا وصلت ل6 شهور ولا 10000 رد ودا معاد الترقية في الشغلانه ومدوهاليش !

اكيد لا مهياش زي عضو نشيط وعضو برونزي والكلام دا
دي حسب وجهه نظرهم ورؤيتهم في الاحقية والقدرة والكفائة علي شغل المنصب دا
لو هما كانو شايفين فيا دا
وتم تعييني فاهلا وسهلا وشيئ يسعدني و انا هحاول افيد علي قد ما اقدر
وباللي اقدر عليه واتمني اكون قد الثقة دي

لو هما مش شايفين فيا دا فكفاية اللي كان للحين
وارجع صفوف الاعضاء من جديد بلا ضغوط وبلا قيود
و احاول افيد باللي اقدر عليه اكيد
وكله بيخدم من اول الاخضر لحد الاحمر اكيد ,,
ويمكن الحالة دي هتكون مريحة جدا ليا بعد فتره شد عصبي كبيرة
واانا مش في بالي الامور دي نهائي واللي ييجي ييجي المهم اكون استحقه مش اكتر

س / الانتخابات الاداريه الجايه مع انها هتتاجل الفترة الجايه ممكن ترشح نفسك ؟

اممم الاغلب لا مظنش معنديش الرغبه في تكرار الامور دي
ولو انها هتختلف كونك هتبقي حر نفسك من انك تكون نائب لحد
بس ككل انا مبقتش حابب فكرة الانتخابات الادارية ولا جوها
بس لحين ما ترجع الانتخابات دي من جديد يكون الرد الفيصل

س / فى النهايه تحب تقول ايه لاعضاء منتدى بنات مصر ؟

حابب اشكر في الاول الناس اللي واثقه فيا في المنتدي
واللي شايفه اني استحق حاجات من اللي اتقال دا
وسواء كنت او مكنتش فانا حقيقي سعيد بالثقه الغالية من الناس الغاليين دول
شيئ يسعدني حقيقي الكلام دا
وبقول اني عملت اللي اقدر عليه في حدود الدور اللي كان مرسوملي في الاداري المنتخب
واني كنت بحكم باللي بشوفه قدامي من غير اي تحفظات علي اي مواقف وامور سابقة
واني محبش اني اكون ظلمت حد مهما كان واكيد لو تم دا هيكون بغير قصد مني
واتمني يسامحني اي حد شايف اني غلطت في حقه او حتي يواجهني وانا اعتذررله بشكل مباشر
بشكر الجميع اللي بيقدرني واللي لا وبقول
الحمد لله علي كل شيئ وعلي كل حال
ويارب اظل عند حسن الظن دايما

انا ليه تعليق بسيط بس يمكن انا اول مرة اعلق على حاجا ^_^

اقتباس اولا انا عارف انك مش عايز مراقب دي ومش في بالك بس يمكن او الاكيد وقتها ( منه وامجد و لوجي ) انت مكنتش مميز زي دلوقت ؟

انا مشرف بقالى اكتر من سنتين والحمد لله نشاطى من اول يوم
لحد النهاردة تقريبا واحد حتى تقريبا التقييم الادارى الى كان
بيتعمل كل شهر نقريبا مكنتش بقل عن ( 9 ) فيه
اعتراضى مكنش على محمود بصفه شخصيه لكن اعتراضى
كان على التدريج الادارى للمناصب وقولت كذا مره
حتى لو كان اى عضو غير محمود كنت هعترض برضو .
لسبب بسيط مكنش ينفع اجيب مشرف واقوله انتا هتكون
مراقب ونسيب واحد زى ماجيك او اسماء او حوراء
زى ماهم مشرفين مميزين يمكن دائما انا عمرى ما بصيت
لمراقب والا لمنصب فى المنتدى ولو جيت فى وقت
وحسيت انى احسن من الناس المراقبين انا كنت هقول
انا استحق المراقبه .



وبكدا بتخلص حلقه النهاردة

استنونى وحلقه جديدة من

اجمد عضو

[مِسكُ الشَهادة]

حوار رائع ومميز مع أخ كلنا نقدره ونحترمه
محمود من الناس التي أشهد أنا شخصيا ً بنشاطهم ورقي أخلاقهم
في التعامل مع الكثير من الشوائب التي تعوق جو المنتدى أحيانا ً مع كل أسف
أنا حابب أوضح حاجة بسيطة
أكبر وسام في المنتدى هوا معرفتنا لبعض
ودا بجد يحسب للجميع
قد تحدث بيننا خلافات
قد نحزن من بعضنا البعض ولكن
يشهد الله أن هذا المنتدى برغم كل ما حصل فيه
إلا انه عبارة عن روح إيجابية مثمرة تعيش في قلوبنا
محمود من الناس الي أنا بتشرف بمعرفتهم
أنا ممكن متعاملتش مع حوراء هنا كتعامل شخصي قوي جدا ً
لكن بجد أنا بشهد ليها نشاطها برضو
عمري ما طلبت منها حاجة وإلا ونفذتها
دا ع المستوى الشخصي كخالد
محمود أجمل حاجة فيك هدوءك
وانا كنت من المتابعين لبعض تعاملك مع قضايا هنا
وكانت تعامل مثمر يوحي بأنك إنسان حقا ً تُقدر
أنا لا أجاملك هنا فهذا ليس في قاموسي
ولكن كلمة حق تقال ...
أخي أحمد إستضافة مميزة ورائعة
تشرفنا بها
دمتم بالف خير
إخوتي الأفاضل

[روح صامتة]

الحلقة حلوة ي فدرير ^^
بالنسبة لكلام محمود عجبني جدا .. الدبلوماسية اللي في كلامك ^^
انت قلت كلام كتير .. يمكن اكثر حاجة عجبتني في الكلام لما اتكلمت عن موضوع الاقدمية
حقيقة الموضوع كان محتاج ثقة كبيرة وجراة في اختيارك
دي حقيقة يمكن محدش كان هيقدم عليها لولا اتخاذ قرار زي دا مثلا ,,
طبعا موضوع الاقدمية بيؤخذ به في معظم الحالات عشان هوة الخيار الاسلم والآمن ..
ودي حاجة انت بتعذر الاعضاء عليها لانهم مش بيبقوا واخدين ع اي عضو جديد لسه ..
ع العموم عجبتني وجهة نظرك في الموضوع دا ..
ممكن حتى خلافاتك مع حوري مكنتش واضحة لينا احنا كاعضاء ,,
دا شيء بيحصل .. بس المهم يكون في الاخر بالصلح يعني ^^
موضوع جميل ,, استمتعت جدا به والله ,,

خمس نجوم ^^
تحياتي

[غريـب ألأطـوآر]

بعد التحية

بشكرك يـأ مأرشو للاستضـأفة الجبأرة ديه

وبحييك عليها وعلى اسلوبك فيها دايمـأ لمـأح وسبـأق بالحجات ديه

والضيف بتأعك شخصية لا يعلو عليها هو اه رغاى شوية بس ده مش كلامى ده كلام النأس


بس هو شخصية ممتازة الا بعض الاخطاء اللى وقع فيها وبصورة مبالغة لما ابتدى يركن عقله فى اللحظة نفسها

ويغلب قلبه

وكنت قولت عليه قبل كده انه من الشخصيات اللى مبدأها واحد

الا ان انا غيرت رايى فيه للحظة واحدة برده لما فعلا لقيته دأفع بالغلط لمجرد صحوبية ميل قديمة

اقتباس س / الخلافات الاخيرة مع حوراء كانت بسبب دفاعك الدائم عن ( شاهينـ وفــرح ) ؟ لا مختلفناش في الموضوع دا بس احنا اختلفنا في كذا حاجة الحقيقة بس ليه تقول دفاعي عن شاهين وفرح ؟؟ هما لو غلط في حاجة انا اول واحد هيغلطهم ولو صح في حاجة هدافع عنها اول الخلافات كانت اما محمد اتحظر مع منشاوي وقت ما منشاوي نزل التوبيك ايياه انا كنت رافض الحظر لمحمد والقرار اللي صدر دا ومكنتش ولازلت شايف انه مش القرار الصح ابدا ! كمان اختلفت في شكوي لفرح من كام يوم ااه حصل ودي كانت اكبر حاجة لكن مش مع دول بس اختلفت ولا دول هيفرقو عن الباقي لو شايف غلط في التعامل

وديه الجذئية اللى كانت هتخلينى اغير وجهة نظرى تماما

بس طبعا انا محبتش اظلمه جوا نفسى

لان انا بنفسى اتخميت وافتكرت ان فيه جانى وفيه مجنى عليه

وبعد كده اكتشفت ان الاتنين جنو على نفسهم يعنى مفيش مظلوم فيهم

وده اكتشفته من موقف بعد كده حصل اتاكدت منه

وطبعـأ استمرار دفـأع سأد ايز ليهم مش بناء على تحكيم عقله لا

لانه لو كـأن حكم عقله بما انه يعرف اكتر منى واقرب منى ليهم

كان هيبقى متاكد من جواه ان الاتنين يستاهلو الحظر مش واحد بس فيهم

بالعربى واحد ضرب من تحت الحزام راح التانى مديله فى الوش قدام الناس

وهو عارف كده كويس وعارف ان اللى ضرب من تحت الحزام مش ملاك خالص


وغير كده هو شخصية رزينة بس من الطبيعى ان البشر خطائين




وبحييك يا مـأرشو وبحيى ضيفك الجميل سـأد أيز واستضافة موفقة

[Arco Baleno]

قرات فقط الكلام الي يخصني



اولا اشكرك على كل كلمه قلتها في حقي يا محمود
وكنت نائب جيد جدا والخلافات الي حصلت بيننا اخر فتره
لان انت كنت تشوف اني غلط
في لحظه الكل شايفني صح وما غلطوني واولهم طارق
لذلك انا صح ولا غلطت في حق احد ولا راح اعتذر لناس جرحتني لانهم مايستاهلو
طيبه قلبي لان اعرف الي يعتذر الي غلط مو المغلوط عليه
اما بخصوص كلامك عن الرقابه ونظرتك لي اني ما استحق
طبعا تحترم بس احب اقولك
مو انت الي تحدد لي حق فيها او لا
عامه المنتدى خسرني حقيقي
خسر انسانه تتعامل بضمير جدا وطيبه قلب
خسر وحده تحب المكان دا بجنون ومخلصه له
خسر وحده تحكم بالعدل وبالعقل والقلب لان ماينفع ينفصل قلبي عن عقلي
لان ما احب اكون قاسيه
فلابد عقلي وقلبي مدموجين وقراراتي واحكامي
غير صادره من مواقف سابقه هم اهانوني واذوني وشتموني ولا قابلتهم بي اي اسائه
ولا حقدت عليهم مثل ما انت متصور
انا قلبي اطهر من بياض الثلج ولله الحمد
وشكرا على كلامك مره تانيه
ودا اخر رد لي في دا المنتدى

[ماتركس]

يا مولعها يا مرشو d

محمود من الاشخاص اللي بصراحه متعاملتش معاهم

بس لما بقراء ليه مواضيعه وردوده بحسه شخص فهمان وعقلاني كمان

منور يا محمود اجمد عضو باجاباتك وتوضيحاتك اللي عجبتني بجد

بالتوفيق ليكم يا مرشو انتا ومحمود

اهدي يا مرشو شويه d

[Sєяєєη●•ʚɞ]

حوار جميل جدا لمحمود
محمود من العقول اللى بحترمها بجد فى المنتدى ولفت نظرى من ساعه اما كان بيناقشنى ايام وثيقة سيد
حسيت انة عقليه عاقله فعلا وبتصلح لحل المشاكل وبيفضل مع الطرفين لحد الاخر وبيحاول يوصل لحل والمنتدى محتاج لعقليات زية
بصراحة ماكنتش اتمنى انك تسيب الاشراف وترجع مميز تانى كنت اتمنى انك تكون من ضمن الطاقم الاشرافى لانك تستاهل الترقيه
بالتوفيق ليك يامحمود وشكرا يامورشو ع الاستضافة

[Sєяєєη●•ʚɞ]

اقتباس المشاركة الأصلية كتبت بواسطة arco baleno عامه المنتدى خسرني حقيقي خسر انسانه تتعامل بضمير جدا وطيبه قلب خسر وحده تحب المكان دا بجنون ومخلصه له خسر وحده تحكم بالعدل وبالعقل والقلب لان ماينفع ينفصل قلبي عن عقلي لان ما احب اكون قاسيه فلابد عقلي وقلبي مدموجين وقراراتي واحكامي غير صادره من مواقف سابقه هم اهانوني واذوني وشتموني ولا قابلتهم بي اي اسائه ولا حقدت عليهم مثل ما انت متصور انا قلبي اطهر من بياض الثلج ولله الحمد وشكرا على كلامك مره تانيه ودا اخر رد لي في دا المنتدى

معلش انا هرد هنا
انتى بتقولى المنتدى خسرك ليه ياحوراء ؟
ما انتى معروفة انك بتشتغلى بضمير وبحب للمنتدى
وبالعكس كنت شايفة رد ليكى عاقل جدا وعجبنى وانتى بتقولى انا حتى لو مش اتعيت مش هزعل لانى مش يهمنى لون
اهو

اقتباس المشاركة الأصلية كتبت بواسطة arco baleno محي عارف اجمل شي في المنتدى دا مو المناصب ولا الالوان انا لو نزلت الان من احمر الى اخضر ماراح ازعل لان احنا هنا مو مجتمعين لعشان نكسب مناصب والوان احنا هنا لعشان نحب دا المكان وفعلا دا الي دوما احس فيه المحبه والاخوه اللون يسعدك يوم يومين لكن المحبه تسعدك طوال فترت تواجدك وانا حقيقي راضيه بكل شي وما عندي حبه سخط يكفي الروح الحلوه الي حسيتها اليوم وايام كثييييييير تغنيني عن مليون الف منصب لان احنا تواجدنا هنا اهدافه معنويه ليس الوان والي بحاجه الى هيكله في رايي الخاص مش الاداره التي محتاج هيكله هي نفوسنا نحسسها بمعنى التواجد هنا وحب المنتدى الحقيقي بلا مناصب ونحس بالمعنى الحقيقي في تواجدنا في دا المكان شكرا اخي لكلامك ورايك الله يسعدك يارب

وفعلا انا معاكى ان وجودنا فى المنتدى دة مش الوان ومش معنى ان حد مش اترقى يبقى اتقل من مجهودة فمجهودة معروف فليه الزعل بقا ؟!

[۩۩ elMagic ۩۩]

حلقه بجد من أجمد الحلقات بالنسبالي ف تاريخ أجمد عضــو
محمود شخصيه راقيه جداا وأسلوبه قوي جدا
وعنده مبدأ مش بيغيره
وعنده القدره ع إقناع اى حد بوجهة نظره لو كانت صحيحه
وداا السبب اللى خلاكـ مؤهـل إنك تتولى المنصب الرقابي
لان الرقابه بغض النظر عن الاقدميه لازم اللى يمسك المنصب دا
يقدر بأسلوبه إنه يدخل اى مشكله وينهيها
ويفكر بشكل عقلاني ومحايد من غير تحيز لأى أطراف
ربنا يوفقكـ ي حوداا ومن البروجرام اللى قولته عن خطتكـ الفتره اللى جايه
متوقعلك مستقبل حلــو
ربنــا معااك ي معلم
احسنت ي أبو حمييد ف إختيار ضيفكـ
أسئلتكـ قويه جداا ولكن إستطاع محمود بأسلوبه
إنه يفرض الهدوء عليها ^^
بالتوفيق ليك ي ابو حمييد دايما إن شاء الله
خالص الاحترام والتقديــــر ,,

[morshooo]

مازلت مستغرب من الاعضاء
وكله بيحول دور المراقب للعام
لحل المشكلات فقط ^_^
وكان المراقب العام كل دورة فى المنتدى
( قسم الشكاوى فقط )
شكلى فاهم دور المراقب العام غلط ههههههه