المطلوب جراة .. موضوع مهم وجرئ ;) الحلقة الاولى

[EL TORKY]

مساء الخير على كل اعضاء المنتدى
بما فيهم اللى بيحبو والسينجل برضوا

ومن الجملة دى اكيد فية ناس جاتلها فكرة بسيطة عن مضمون الموضوع


والمطلوب دلوقتى انى ادخل فى الموضوع
ودا اللى هيحصل

مبدئيا كل واحد فينا عندو تجارب فى الحياة العاطفية
سواء تجارب جميلة او منيلة بنيلة

فيها الجميل اللى اتبنت على صدق ومشاعر اللى بنفتكرها حتى لو شاب الشعر بعد زمن طويل
اللى بنفتكر فيها اجمل اللحظات والاوقات والايام اللى عشناها والى عيشين فى سعادة على حسها دايما

وفيها بقى المنيل بنيلة اللى بنكره اللى يفكرنا بيها حتى الى عشنا فيها ايام سودا وكئيبة
وبدوب بنستنى اللى ينسينا ماضيها واللى حصل فيها
وبنتشعلق فية يمكن يعوضنا على اللى فات

يعنى فية كدا وفية كدا وفية اللى مر بتجارب مكفهوش تجربة واحدة
طب دلوقتى فكرة الموضوع بتقول
اديها جراة تديك كل اللى انت عاوزة سواء حلول سواء مشاركة فى حزنك او فى فرحك
بما اننا هنا كلنا عيلة واحدة

عاوزين بقى كل واحد/ة نقول التجارب اللى مرينا بيها سواء الجميل او المتنيل
وحالتو اية دلوقتى ماشى فى تجربة ولا سينجل عاوزين ردود جريئة مش عاوزين شكرا للموضوع وكلام من دا وخلاص

والموضوع عبارة عن حلقات كل ما حلقة تخلص هندخل فى الحلقة والمشكلة اللى بعدها
والمشاكل كلها عبارة عن تجارب مرينا بيها فى الحياة وبنشوفها كل يوم فى حياتنا
حلقات هتبقى شاملة سواء للبنات او الشباب وحلقات حتبقى منفردة فيها للبنات وبس وفيها للشباب وبس

ويا رب الفكرة تكون عجبتكم
عاوزين بقى نشاط وهمة عشان كل ما الموضوع يزيد نشاط
اكيد حيحصل تثبيت للموضوع من قبل الادارة
والحلقات مستمرة انشاء الله بوجود نشاطكو فية

يلا نشوف الردود بقى
مع تحياتى

اعلان هام
مطلوب متبرعين تصميم واشهار للموضوع

[جبل عالي]

السلام عليكم ورحمة الله


موضوع فضفضة أكتر منه نقاش يا تركي

بأحييك وان شاء الله تلاقي تجاوب

وينقل للقسم المناسب

تحيتي وتقديري

[EL TORKY]

اقتباس المشاركة الأصلية كتبت بواسطة جبل عالى السلام عليكم ورحمة الله موضوع فضفضة أكتر منه نقاش يا تركي بأحييك وان شاء الله تلاقي تجاوب وينقل للقسم المناسب تحيتي وتقديري

وعليكم السلام ورحمة الله وبركاتة

شكرا لكلامك الجميل
ويا ريت فعلا الاقى تجاوب من الاعضاء ع الموضوع
وشكرا للنقل

نورتينى

[زهرة الياسمين]

موضوع جميل ويللا انا ببدأ بالمشاركة
انا سينجل وماكانش ليا تجارب الحمد لله
محافظة على نفسي لغاية ماييجي نصيبي ان شاء الله
المهم ماصاحبتش واحدة في حياتي كلها الا اذا كان ليها تجربة واغلبها بتفشل في الاخر لان مفيش حاجة رسمي او حاجة مثلا مضمونة يعني وغالبا كمان بيكون من ورا الاهل وبصراحة اتعقدت حتى اللي مخطوبين على طول خناق بس الصراحة اوقات كنت بقول ياه حلو اوي نفسي اجرب احساسهم وكدة هههههههههه وبعدين ارجع اقول لا يابت بطلي هبل اعقلي كدة لغاية مايدخل القفص سي السيد بسلامته ده بس مش عارفة اتأخر كدة ليه يللا بقى اديني مستنية اما اشوف اخرتها
بصراحة جه على هوايا اوي الموضوع

[العاشق الذى لم يتب]

وزى ماقالت الاخت جبل
الموضوع فضفضة ومش محتاج نقاش
والفضفضة هتريح شوية من اللى بنشوفه ونستغربه
ومنهم لله يااخى اللى يبهدلوا الناس ويضحكواعليهم ويقولوا احنا بنحبك ويضيعوا الواحد معاهم ويسكعوه زمبة وفى وسط الطريق ويسيبوه ياقلبى
وحسبناالله ونعم الوكيل فى وحدة ضحكت على وقالت
أأنت وبس اللى حبيبى ومافيش غيرك ع البال
وبعدشوية الموبايل بتاعها رن وهات يارغى وقالت له
ازيك ياحبيبى وحشتنى اوى مستنايك تعزمنى ع العشا
وأهو دنيا مليانة بلاوى
مودتى

[مريم المصريه]

انا بقي وانا بنت عمري ماحبيت حد
كنت مستنيه نصيبي علشان احبه واديله كل شي
كنت بحوش لحبيبي حلالي
ولما جه واتخطبة عشت احلي ايام حياتي فضلت سنه كمله مخطوبه
بس كانت اجمل سنه في عمري كله
عشنا بقي الحب والغرام وكل مافيه
وبعديها اتجوزنا وعشنا ايام جميله
كان بردو بيحصل خلافات كثيره بس كنا في نفس اليوم بنتصالح
بس مفيش حياه جميله بتستمر لاخر العمر جميله
الحياه ابتدت جميله وانتهت بمأساه
بس الحمدلله علي كل حال
تسلم علي الطرح الرااائع ده
شكرا لك

[EL TORKY]

اقتباس المشاركة الأصلية كتبت بواسطة زهرة الياسمين موضوع جميل ويللا انا ببدأ بالمشاركة انا سينجل وماكانش ليا تجارب الحمد لله محافظة على نفسي لغاية ماييجي نصيبي ان شاء الله المهم ماصاحبتش واحدة في حياتي كلها الا اذا كان ليها تجربة واغلبها بتفشل في الاخر لان مفيش حاجة رسمي او حاجة مثلا مضمونة يعني وغالبا كمان بيكون من ورا الاهل وبصراحة اتعقدت حتى اللي مخطوبين على طول خناق بس الصراحة اوقات كنت بقول ياه حلو اوي نفسي اجرب احساسهم وكدة هههههههههه وبعدين ارجع اقول لا يابت بطلي هبل اعقلي كدة لغاية مايدخل القفص سي السيد بسلامته ده بس مش عارفة اتأخر كدة ليه يللا بقى اديني مستنية اما اشوف اخرتها بصراحة جه على هوايا اوي الموضوع

بصراحة عين العقل اللى عملتية انا شاب اهوة وبقولك اننا معظمنا غدارين بس مش كلو يعنى ومن حيث التجارب فية اللى عاشها وواثق ان نهايتها سعيدة ودول بنات طيبة اوى وفية اللى عاشها وعارف انها فاشلة بس حب يجرب وفى نفس الوقت حبت تورى صحابها انها بتحب وبتتحب وفية اللى محفظش على نفسو لاوهام كانو عارفينها
النوع المختلف تماما بقى اللى هو انتى واللى زيك حافظتو ع نفسكو وعايشين لنفسكو لحد متعيشو لغيركو فى الحلال
وانتو بقى اللى ربنا حيباركلكو فى الجواز والعيال وحياتكو كلها
شكرا على رايك الجميل جدا وكلامك الموزون وربنا يوفقك انشاء الله فى حياتك

[EL TORKY]

اقتباس المشاركة الأصلية كتبت بواسطة الرجل المتواضع وزى ماقالت الاخت جبل الموضوع فضفضة ومش محتاج نقاش والفضفضة هتريح شوية من اللى بنشوفه ونستغربه ومنهم لله يااخى اللى يبهدلوا الناس ويضحكواعليهم ويقولوا احنا بنحبك ويضيعوا الواحد معاهم ويسكعوه زمبة وفى وسط الطريق ويسيبوه ياقلبى وحسبناالله ونعم الوكيل فى وحدة ضحكت على وقالت أأنت وبس اللى حبيبى ومافيش غيرك ع البال وبعدشوية الموبايل بتاعها رن وهات يارغى وقالت له ازيك ياحبيبى وحشتنى اوى مستنايك تعزمنى ع العشا وأهو دنيا مليانة بلاوى مودتى

فعلا الموضوع فضفضة والفضفضة بتزيح على ناس كتير هموم كتيرة
وفعلا منهم لله بس فية حب ميتخفش منو والحب موجود فى كل مكان وزمان
بس الفكرة عبارة عن حب لة حدود مش مفتوح ع البحرى
عنى الولد وقولنا انو غدار البنت متسلمش نفسها للغدر دا
لكن لما البنت بتغلط بتقولى اصلى كنت بحبه
دا مش عذر قبل متغلطى فكرى ان النصيب بتاع ربنا
فلو غلطى ومحصلش نصيب يبقى اية ذنب نصيبك اللى حيكون مكتوبلك
ومن حيث البنات معظمهم مش بيحبو بصدق وربنا يستر ع الجميع

وفعلا نورتنى ونورت الدنيا كلها برايك الجميل والفضفضة الحلوة دى
ويا ريت متكونش اخر مشاركة ليك فى الموضوع
تابع معانا

[EL TORKY]

اقتباس المشاركة الأصلية كتبت بواسطة مريم المصريه انا بقي وانا بنت عمري ماحبيت حد كنت مستنيه نصيبي علشان احبه واديله كل شي كنت بحوش لحبيبي حلالي ولما جه واتخطبة عشت احلي ايام حياتي فضلت سنه كمله مخطوبه بس كانت اجمل سنه في عمري كله عشنا بقي الحب والغرام وكل مافيه وبعديها اتجوزنا وعشنا ايام جميله كان بردو بيحصل خلافات كثيره بس كنا في نفس اليوم بنتصالح بس مفيش حياه جميله بتستمر لاخر العمر جميله الحياه ابتدت جميله وانتهت بمأساه بس الحمدلله علي كل حال تسلم علي الطرح الرااائع ده شكرا لك

الحمد لله على كل شئ
وفعلا الحياة مش دايما جميلة لزم يحصل فيها خلافات برضوا
وعلى فكرة الخلافات اللى بينكو دى تدل على ان الحب اللى بينكو لسة موجود
مش الحياة الحلوة بس اللى تصبت وجود الحب بينكو
وبايدكو انتو الاتنين تغيروا الخلافات دى بلحظات جميلة تعيشوها سوا
وتفتكروها بعدين حتعرفو انها كانت جميلة اوى
واسلوبك فى الحياة عجبنى اوى
انك حوشتى لحبيبك فى الحلال
ونعم الاسلوب الجميل ويا رب كل البنات تعمل زيك كدا

وتسلمى انتى على صراحتك وكلامك
ويا ريت بردوا المتابعة معانا ومشاركة الجميع فى مشاكلو وتجاربو

نورتينى جدا

[EL TORKY]

يلا بقى فين بقيت الاعضاء وفين التفاعل
عاوزين اكبر عدد من التجارب دلوقتى عشان بعد الفضفضة اللى هتحصل
ندخل على موضوعنا التانى
ويا ريت زى ما قولت حد يتبرع كدا
ويبعت لينك الموضوع للاعضاء انا مشاركاتى لسة معدتش المية
مش هعرف ابعت رسايل