خَـفـآيـآ ٱڵـږۅح

[phalsteen]

يا مغرورة وموهومه
يا خاليه القلب والاحساس
وميت مرة ناديت عاشق
تردي بضحكه واستهتار
بقيتي في عيني مكروهه
ومن حلمي دا مطروده
ولو مر في يوم اسمك
هقول دي مرايه مكسورة
مجرد صورة بالالوان
لا تتحب ولا تتشاف
صورة واسم في البرواز
اه حبتها وليها مكان
تملي بقفله وبنساه
الم في قلبي بفتكره
ياخدني الدمع للاشواق

[phalsteen]

حبه صنم بقلوب حجر
والاسم اقرب من سكن !

[phalsteen]

يا تري قبل ما اموت
هلحق اصلح أي أثر وحش سبته
يا تري في حد هيقول مش مسامح ؟
يا تري انا استاهل الجنه ؟
يا تري مين هيأثر معاه غيابي
يا تري هيفتكروني لحد امته
يا تري هلاقي اللي ميملش يدعي
يا تري رصيدي في كل اللي عشته كافي !

[phalsteen]

هو ممكن ابقي وحدي ؟
حتي لو بين السجون
يعني ممكن ســــــــر دمعي
يبقي حصري للجـــفون ؟
واسمحولي مرة أشــــكي
ولو لسكان القبور

[phalsteen]

وداعاااااا

[phalsteen]

واكتشفت اني ناسيك
مهما ادور مش لاقيك
١٠٠ قصيدة وفي دقيقة
تتوه ملامحه وأعود وحيد
كنت اكبر خدعه راحت
كنت اقرب من الوريد

[phalsteen]

لم يكن الأمر سهلا سيدي
لم يكن هينا ابدا
بالكاد تنفست وبالكاد رسمت جسدا يؤيني
لم أكن سوا رماد تناثر وتكون جسمان بلا روح ولا ذكري
ايحق لي الآن الإعتراف اني شبح غامض
دفن منذ موتك وها انا الآن اعترف اني مازلت اشتهي لظلك ،، لقولك ،، لملامحك المتلاشيه وافعالك الصادقة

رغما ،، أحببتك
ورغما ،، تسكني

[phalsteen]

انا نسيت ازاي انزل صورة من الفون علي السايت
وتقريبا مبقتش فاكرة اي حاجة خالص

[phalsteen]

بين كل حرف واخر ترسم تلك الغصه القاتله
تصرخ معها السطور ، وتعجز كلماتها الصامته

[phalsteen]

كلنا اكيد هنتفق اننا بننجذب للقصه الحلوة
الحوار اللي يقدر يشدك للنهاية
خصوصا لو القصه تتحس ، قريبه من المشاهد
ممكن تتخيل نفسك بطل مشارك معاهم
عكس بعض الحاجات اللي بتتعرض حاليا
تحس انهم محال يكونوا شبهنا

نرجع لموضوعنا

كان في فيلم اسمه سيدة القصر كنت بحبه اوي اوي
بس بصراحه من حبي فيه ملقتش ليه نقد
انا مقدرش اختلف في اي نقطه فيه

فرجعت بفيلم نهر الحب

الفيلم حلو جدا

القصه للي مش عارف الفيلم بتحكي ان البطله اللي هي فاتن حمامه
اتجوزت من سياسي كبير ، بعد كدة بقا وزير ، يكبرها سنا بسنين كتيرة
حماية لأخوها من جبروت الراجل دا
وتدور الاحداث لحد ما تقابل عمر الشريف وتحبه
اها هتحبه لأنها ف الأساس مبتحبش جوزها وهتسيب ابنها


بس عمر الشريف هيكون ظابط وهيستشهد
وهترجع تاني تدور علي ابنها
بس جوزها هيقولها انه قال لابنه ان مامته ماتت وبالتالي مبقاش ابدا
ينفع ترجع

وهتنتحر البطله اخر الفيلم



انا محبتش قصه حب عمر الشريف وفاتن حمامه
رغم أنها كانت في منتهي الرومانسيه
وبصرف النظر ان كان في فجوه كبيرة في حياه البطله وجوزها
يمكن علشان السن ويمكن علشان كمان اختلاف البيئات

وكمان هي طلبت الانفصال اكتر من مرة بس جوزها كان رافض
خوف طبعا علي منظره ووضعه

بس ازاي ام ممكن حد يخيرها حتي لو الحد دا قاتل ومجرم ومعنديش قلب ببن حبها وابنها
تختار حبها !!!!!

ومتفكرش ترجع الا لما حبيبها يموت !

وجوزها مع اني متفقه انه وحش وصعب ولا يطاق
بس ازاي راجل هيقبل ان مراته تقوله تنفصل علشان بتحب واحد غيره !

وهي دي مش خيانه !

بعض المشاعر افضل لها تموت علشان مشاعر تانية متتعوضش
ويمكن النهاية كانت منطقيه رغم الظلم !

ولا انتوا ايه رأيكم !!!!