&ازى تكون عندك تناكة بس با أتكيت &

[~♥ Queen sozan♥~]

أسعد الله مسائكم ,,

بجيب انا من الاخر عشان تدعولى بس

يالة بقة ركزو ,,
,,

اولا: كيف تعرف الشخص التنك

سماعكوا بتقولوا من طريقة كلامه

لا انا هقولكوا ازاى تعرفزه من قبل ما يتكلم حتى

1- الشخص ده واثق الخطى يمشى ملكا
تنك حتى فى مشيته
وكأنه بيقول يا ارض اتهدى ماعليكى قدى

2-بصته تحس انها هتخرم الحاجة اللى بيبصلها مش حسد لا هههه
امال ايه
تلاقيه بيبص للحاجة دى او الشخص ده بقرف

3-طريقته فى الجلوس:
طبعا حاطط رجل ع رجل 124 ساعة

4-الوقوف:
حاطط ايده فى جيبه

5-نيجى بقا للكلام:
هنا بنقسم الناس التنكة لنوعين

نوع صامت
و
نوع رغاى

هكلم عن النوع السهل الاول
النوع الصامت

ده بيظهر تناكته من خلال الاتى

البصة
الوقفة
القعدة
المشية

انما الكلام لا
ورغم انه يخيل لبعضنا ان النوع الصامت هو الاصعب فى التعامل معاه
وهو فعلا اللى دايما بيغيظ الناس
لانك مش بتعرفى تاخدى منه حق ولا باطل
ماهو ساكت بس شغال تناكة بتعبيرات وشه او حركات جسمه
الا ان طريقة التغلب ع هذا الشخص سهلة جدا
بس الناس مش عارفاها
ازاى بقا
الجرى
ايه
ايوة الجرى
الجرى نص المجدعة
سيبيه وامشى
طيب افرضى اننا مجبرة اقعد معاه لغرض ما
اعمل ايه
اتلهى فى اى حاجة
اعملى نفسك مش فاضية
مش لاقية حاجة اتلهى فيها اعمل ايه

الحل الاخير للمضطر الكبير
هو
التجاهل التام
اعتبري كأنك قاعدة لوحدك
اظن دى سهلة


نيجى للنوع التانى:
التنك الرغاى
ده بقا صعب
خاصة للناس اللى بتضرب لخمة او اللى كلامهاقليل
الشخص ده تلاقيه عامل ازاى
طول ماهو قاعد
بيتفاخر ببطولاته
وبانقاذه للبطة كيري كيرى من بق القط توم
لا وايه
بعد ما يخلص حكى
هتلاقيه فتح موضوع جديد
بس بذكاء
بيفتح الموضوع ده من كلمة سيادتك قولتيها
عشان يبقى حواره مهم ويفضل مسيطر ع تركيزك
والنصايح ميتوصاش
قال يعنى عامل نفسه المفتش كرومبو
وانتى طبعا ياما ضاربة لخمة
ياما مش فاهمة حاجة من اسلوبه الفلفسى اللى غالبا بيكون حافظه
من اى نشرة اخبار جوية

ياما قاعدة تردى عليه وتهاتى
وفى الاخر
لا حياة لمن تنادى
هو مستمر بالكلام
وسائل الثقة بينهمر خروجا مع لعابه
ايه القرف ده
ما علينا حيرتينا ايه الحل بقا
.
عايزين تعرفوا الحل
هو حل هيفور دمه
.
.
.
,

خلي الشخص ده اثناء حكيه لمغامرات البلاى شتاشن بتاعته
واثناء رغيه اللى عمال ع بطال
وقومى ببساطة مطلعة الموبايل بتاعك
ورنى ع اى وحدة صاحبتك
وافتحى فى الكلام
طبعا انتى كدة ضيعتى عليه هدفه الا وهو الحفاظ ع تركيزك معاه

فى ناس هتقولى بس انا مش قليلة الذوق للدرجة دى
ياختى اتعلمى
يعنى عاجبك وضعك قدام ناس قاعدة ترغى ترغى
وعاملين فيها فاهمين
وانتى اصلا ممكن تكونى فاهمة اكتر منهم بس لسانك مش مساعدك
اكيد لا
طيب اسمعى الكلام بقا وانتى ساكته

...

وكلاص كدة ربنا يعنكم بقة هههه

سلامو عليكم ..

[dяєαм..|♥]

هههههه عين العقل والله ي سوما
بجد نصايح جامده
تسلم ايديكى بقى ^^

[اسيل الفلسطينية]

يعطييــك الـــف عـــآآفيــــه
مااننحــــرم من جديدك

[دمعه حائره]

ههههه
حلوة النصايح تسلمى سومه

[صافي]

ههههههههههههههههه تقريبا دي نصايح للولاد

3-طريقته فى الجلوس:
طبعا حاطط رجل ع رجل 124 ساعة

هههه ع فكرة مش اتيكيت خالص البنت تحط رجل علي رجل واساسا عيب المفروض تحط رجلها الشمال وراء اليمين ومش هتلاقي بنات كتير بتعملها

4-الوقوف:
حاطط ايده فى جيبه
ههههههههههههه

5-نيجى بقا للكلام:

هنا بنقسم الناس التنكة لنوعين

من رايي ان النوع الصامت اكثر جاذبيه

حلو اوي يابنوته ضحكتيني
بلتوفيق دايما

[الأميرة رودي]

هههههههه هيا التنامه موجوده فيهم من غير توجيهات ياختى
توبيك جمييييل جداا
ونصايح حلوه ممكن يستفيدو منها الجنسين
تسلم الايادي ياسوما
موفقه يارب