مكتبة النكت المصريه (متجدد باستمرار)

[Rogena]

الاول نكت:vb19:

مره المدرس سأل الاطفال فى الفصل الى يفتكر نفسه غبى
يقف ... بعد شويه وقف تلميذ ...فساله المدرس و ليه بقه يا سيدي بتفتكر نفسك غبي ..فرد عليه التلميذ اصلي محبيتش اشوفك واقف لواحداك يا أستاذ

- مره واحد ابنه طلع من الأوائل عمل ايه ؟؟؟؟ شفروه

- مرة أتنين صحاب راحوا للحلاق واحد حلق والتاني غويشه

جماعة بيحششوا ... فجت كبسه... كل واحد اسـتخبه في شوال جه الظابط ضرب الشوال الاول برجله خرج واحد منهم و اعد يكاكي وعمل نفسه فرخه ضرب التاني خرج واعد يدن وعمل نفسه ديك ضرب التالت مخرجش ضربه تاني مخرجش ضربه جامد المره دي خرج وقال له شوال بطاطس بطاااااااطس انت مابتفهمش

يتبع محادثه بعد ما اشوف ردودكو الجميله:vb19:

[warm heart]

ههههههههههه

جميلة اوي يا ريجينا

مسينية باقي النكت

تحياتي

زوزو المصرية

[محمد خطاب]

موضوع جامد جدا يا ريجينا

وانا مسحت نكتة الصعيدى الصعيدى والخمس شياطين لانها غير لائقه

ومستنيين تكملة الموضوع وياريت يستمر يا ريجينا

وتكون النكت جديدة

تحياتى ليكى

[Rogena]

شكرا على المرور
وان شاء الله اللجي احسن

[Rogena]

ده محادثه مضحكه:vb19:يا رب تعجبكم

واحد ماشي في الشارع قابله واحد تاني شكله مش على بعضه قاله: لو سمحت من فضلك قلعني الجاكتة
نعم؟!
قلعني الجاكتة بسرعة
حاضر..حاضر وراح مقلعه الجاكتة
لو سمحت بقه فكلي زراير القميص
لاااا دانت زّودتها اوي..كده تاخد برد يقلب بنزلة شعبية حادة تاخد أجلك
من فضلك فكها..بسرعة ارجوك
ُافففف..وادي زراير القميص خلاص فكتها..دا كان يوم إيه المهبب ده, ها أي اوامر تانية؟
أيوه قلعني بقه القميص
يا سيدي عييب..مايصحش كده, دإحنا فى الشارع خللي عندك دم
أرجوك..أرجوك بسرعة..مافيش وقت
دي وقعت إيه المهببه دي, أنا كان إيه إللي جابني من الشارع ده..وادي القميص ..هاااا..إيه تاني!!
إرسملي على ظهري خطوط بالطول وخطوط بالعرض
حسبي الله و نعم الوكيل..إنت مجنون ياراجل أنت؟؟!
من فضلك..أرجوك
رسمتلك زفت بالطول وزفت بالعرض
رقملي بقه المربعات إللي إتكونت على ظهري بالأرقام من 1 إلي 40
يا صبر أيوووب..بقه إنت معطلني كل ده علشان تلعبني سيجه على قفاك؟! بسرعة لو سمحت..أرجوك رقمهم..من فضلك مش قادر أديني رقمتهم.. لو سمحت بقى أهرشلي في المربع رقم 33 :vb19:

[محمد خطاب]

هههههههههههههههههههههه


جميله جدا جدا يا ريجينا

المربع رقم 33

ده شخص رخم رخامه

ههههههههههههه

تحياتى ليكى

[Rogena]

تحياتي ليك على المرور الجميل

[Rogena]

واحد قاعد في خمارة لقى اتنين مساطيل بيكلموا بعض
- انت ساكن فين
- في مدينة نصر
- معقولة؟ وانا كمان .. فين في مدينة نصر؟
- في المنطقة الأولى شارع النصر
- الله وأنا كمان، في عمارة كام؟
- شقة 35
- لأ مش ممكن ، وانا كمان
الراجل هيتجنن، سأل الجرسون ايه الحكاية؟
- متاخدش ف بالك دول واحد وأبوه بيسكروا هنا كل يوم




مره فيل كان على علاقه بنمله فحب ينهي العلاقه
قالتله النمله** ارحمني وارحم الفيل الي في بطني


اب كسلان بيقول لابنه كسلان اوم افتح الباب لامك

قاله: ماتروح تفتحلها انت مش دي تبقى مراتك

قال الاب اوم يا ابني دي امك

قال الابن: وتبقي برده مراتك اوم انت افتحلها

طيب هي طالق اوم بقي افتح


واحدة حامل فى ثلاث توائم

يوم الولادة الدكتور بيطلع العيل الأول لقاه نايم وساكت قعد يضريه على وشه حتى صرخ الطفل ركنه على جنب

وطلع الطفل الثانى لقاح زى أخوه قعد يضربه لما فاق وركنه

جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس

الممرضة جت تكمل لقت الطفل الثالث طالع براسه بالراحة وبيسألها

هو الراجل اللى بيضرب العيال مشى ولا لسة





يارب عجبتكو

[محمد خطاب]

واحد قاعد في خمارة لقى اتنين مساطيل بيكلموا بعض
- انت ساكن فين
- في مدينة نصر
- معقولة؟ وانا كمان .. فين في مدينة نصر؟
- في المنطقة الأولى شارع النصر
- الله وأنا كمان، في عمارة كام؟
- شقة 35
- لأ مش ممكن ، وانا كمان
الراجل هيتجنن، سأل الجرسون ايه الحكاية؟
- متاخدش ف بالك دول واحد وأبوه بيسكروا هنا كل يوم






ههههههههههههههههههههههه


جميله جدا جدا يا ريجينا

روعه فعلا والله

سلمت وسلمت يداكى

[سموحة]

هههههههههه والله موتني ضحك اضحك الله سنك