الحلقه الخامسه من ( أخبار اعضاء بنات مصر )

[morshooo]

بسم الله الرحمن الرحيم

اهلا بيكم فـ

( أخبار اعضاء بنات مصر )

والان مع الاحداث

MoHaMeD SaaD ( مصلحه المنتدى هى مصلحتى )

" 7oda " ( الف سلامه )

خارج عن القانون ( اختلاف وجهات النظر مع طارق )

Mahmoud Mohie ( باى باى يا قسم النقاش )

ღ Big BOSS ღ ( اهلا بقسم النقاش )

طائر الشرق ( انا مش زعلان )

والان مع التفاصيل

MoHaMeD SaaD

س / شايف ان الغاء قسم الاغانى كان فى صالحك والا لا ؟ وشايف ان قسم اليوتيوب مش فارق كتير عن الاغانى ؟

قسم الاغاني مكنتش عاوزه يتلغي
وانا بصراحه مكنتش مقصر
وكنت برفع كل الجديد والحصري
لكن هو اي حاجه ف مصلحه المنتدي هتبقي مصلحتي
واعتراضي او عدم اعتراضي مكنش هيفيد بحاجه
لان ده كان قرار طارق واخده

بس عاوز اقولك علي حاجه
ان اليوتيوب مجاله اوسع
يعني الاغاني كان مقتصر علي الاغاني بس
انما اليوتيوب اي حاجه
اغاني
ميوزيك بس
كوره
مواقف مضحكه
يعني اليوتيوب اشمل
بس انا حاليا مرتاح مؤقتا ف اليوتيوب
بس مش شغال عن ما كنت ف الاغاني بصراحه
الاغاني كان 16 قسم فرعيين
انما ده قسم واحد
يعني توبيكين يوميا بس
بس يلا
مش مشكله
المهم اننا موجودين مع بعض

" 7oda "

س / حمدالله عـ السلامه عايزين نعرف كنت فين الفترة الى فاتت ؟ وياترى الفترة الجايه هنشوفك والا يومين وهتختفى ؟

الله يسلمك يا مورشو ,

والله مكنتش فِ حته بس كنت بمرِ فتره تعب والحمدلله احسن دلوقتى واديني معاكو من جديد ان شاء الله

خارج عن القانون

س / عايزين نعرف منك نتائج المسابقه وكان فى اختلاف فى وجهات النظر بينك وبين طارق اية الحكايه ؟

نتيجة المسابقة زى ما الناس كلها عارفه هى
المركز الاول
الماجيك
المركز التانى
بيور
المركز الثالث
سيلفر اسبكتر
المركز الثالث مكرر
احمد

حلو يا مورشو انك قولت اختلاف فى وجهات النظر ومصنفتهاش تصنيف تانى
طارق هو وعضو تانى لما حلو المسابقة فسرو جملة بشكلة غير تفسيرها الطبيعى
وبالتالى النتيجة كانت فى غير صالحهم
مع انه لو كان سالنى وطلب تفسير الجملة كان زمانه طلع المركز الاول
وفى مسابقة السباكة اللى هو عاملها
لما جئت حلتها حسيت انها فيها حاجه غلط
وفعلا لما بعتله بساله عن الحاجه ديه
نزل توضيح ولو مكنش نزل التوضيح ده كان زمانى بعتله الحل غلط
يعنى ع سبيل المثال من قبل التوضيح كانت نتيجة احد المستويات هى
5.5 بس بعد التوضيح اصبحت النتيجه هى 5 بس
(الارقام طبعا غير حقيقيه)
واحب انى انوه هنا ع ان طالما المعطيات صح يبقا الناتج لازما يطلع صح
وهو لو كان سالنى عن المعطيات زى ما انا سالته كان زمانه طلع الاول
وفى الاول وفى الاخر ده اختلاف وجهة نظر وليس اختلاف شخصى
واعتقد انه اكد على ده بانه خلانى صاحب عماره فى مسابقة السباكة

Mahmoud Mohie

س / محمود من مشرف جديد على النقاش لترقيه مشرف مميز وفجأة اتشلت من النقاش ؟ ايه السبب ؟

أنا الحمد لله تمام ..
انت أخبارك .. والكل ؟؟ يارب بِخير ..

مُشرِفْ جَديد ع النِقااش ..
بِـ خطة كنت أود تنفيذها .. وكنت ذكرت أغلب
مَلامحِها معاك ف الحلقة اللى فااتت ..
بس شاءت الظروف إنى أمتنع عن أى شىء ..
ظروف نَفسية أولاً غير جَيدة ..
ثانياً : دخولى هيكون مُذبذب الفترة الجاية ..
بِمعنى انه مش هيكون دخول لِعمل حاجة مُعينة ..
ممكن يكون دائم لكن مُتوتر وده فى حد ذاته
لا يُعتد به ..!
((أنا مَنْ طلب الإشراف على القِسم ولم أكن مُكلف من أحدْ))

((أنا طلبت ترك الإشراف لِنفس الأسباب))
(+)
انى تواجدى فى المنتدى هيكون لأقسام غِير المنقول -فقط-
قِصص بقلم الأعضاء - الأقلام - الإبداعات - وإن توافر الوقت
فلا مانع من دخول اليوميات ..!
كمان طلبت ترك قسم القِصص العام ..
والبقاء فى قصص بِقلم الأأعضااء فقط .. لكنـ :
مينفعش أكون مُشرف لقسم فرعى بدون الرئيسى ..
عشان كده مِنة هتشوف أى مُشرف يِمسك القِسم العام الفترة الجاية..
(سَبق صَحفى أهو)

شُكراً مورشو ..
والجَميع ..

ღ Big BOSS ღ

س / مبروك الاشراف على قسم النقاش وماشاء الله القسم دا محير الاعضاء كلهم حتى الادارة ^_^ ؟ هتعمل اية الفترة الجايه فى القسم ؟

الله يبارك فيك يا احمد عقبالك ^_^
النقاش قسم مهم جدا هو كل الحكايه عايز تغير شامل فيه علشان يجذب
الاعضاء له تانى زى الاول . و ان شاء الله الفتره الى جايه هبدله خالص
من قوانين لتكريم لكل حاجه و هخلق جو تفاعل و مسابقات فى القسم
و بعد ما اقبال الاعضاء عليه ان شاء الله هحوله لقسم حصريات
زى قلم الاعضاء و غير كدا فيه فكره تحت الانشاء فى دماغى
فكره قسم جديد فى النقاش بس لسه تحت الانشاء
و اتمنى التوفيق من الله لى و لكم

طائر الشرق

س / كنت متوقع خروجك من الاشراف رغم تعينك على قسم النقاش من فترة بسيطه ؟

من زمان وانا متوقع خروجى من الاشراف من قبل النقل لعلمى التام
بتقصيرى وعدم تفاعلى واكيد انا مش زعلان لقناعتى ان دوام الحال
أمر محُحال
دعواتى بدوام التوفيق لك وللجميع

تقعدو بالعافيه

[جبل عالي]

مجهوووود عاااالي ومميز جدا يامورشووو

تسلم الايادي يارب

وان شاء الله من تميز الى تميز

[دمعه حائره]

النشرة المره دى دسمه وكلها اخبار مهمه وجديده
حمد لله على السلامه ياحوده وان شاء الله اخر الغيبات
ومبروك يانور مجهودك واضح فى القسم من قبل التعيين
واكيد محى اللى طلب يتشال من النقاش وان شاء الله ظروفه تتحسن
وربنا يوفقه
موضوع المسابقه اول مره اعرفه وكمان سعد مميز فى اى قسم يشارك فيه
وطائر الشرق كاتب ممتاز ومكسب للمنتدى اتمنى يرجع يكتب ومايحرمنا من جديده
واتمنى للجميع التوفيق
شكرا موروشو

[big bốss]

اخبار حصريه جميله

تسلم يا مورشو

بس متعرفش اخبار هيثم ايه ههههههههههههه

هتات اخباره المره الى جايه

دوام التميز

[الأميرة رودي]

اخبارك جميله ياموروشو بتعرفنا بكل جديدك فى المنتدى
تسلم على التوبيك وف انتظار العدد الجاى

[۩۩ elMagic ۩۩]

الله ينور ي أبو حمييد
وحلوه جزئية
بااي باي ي نقاش واهلا ي نقاش دي
اهلا بيك ي حودا مره تانيه معانا فـ المنتدى
وإن شاء الله نشوف نشاطكـ المعتااد
بس من غير ثغرات تضيعنا
وبالتوفيق لنور متوقعله مستقبل حلو ف قسمه الجديد
ومحي انت مميز ف القصص ي معلم
بالتوفيق للجميع ان شاء الله بقآ
مودتـــــى ,,

[countess]

تشكرات ع الأخبار ي مستر <<

منورين ي شباب الأخبار <<

آخبار شبابيه النهارده هههههه

[Lost Pearl]

حلوين الاخبار النهاردة

فيها حاجات كتير بس هادية

محمد سعد >> انت منور القسم معانا حقا ،، بس طبعا 16 فرع غير قسم واحد اكيد تفرق ههههههههههه

محمود >> الف سلامة ،، و نورت ان شاء الله متغيبش تاني

عكاشة >> سوء تفاهم و عدي الحمد لله ،، و ربنا معاكو فـ المسابقات الجاية

محمود محي >> ربنا يوفقك ،، و يسهلك الظروف اللي عندك

نور >> بالتوفيق في قسم النقاش و ان شاء الله تقدر تنفذ الافكار زي ما تتوقعها و احسن

استاذ عصام >> انت منور المنتدي ايا كان اللون اكيد ،،

تسلم يا احمد ع الاخبار

بالتوفيق دايما ،،

[Words Whisper]

أ.سعد
جميل أوي ان حضرتك تفهمت القرار بهدوء كدا
وأعتقد أكثر تنظيما وراحة انه تشتغل ع قسم واحد
الله يوفق حضرتك ..


أ.محمود
عودا حميدا
وحمد لله ع سلامة حضرتك ..


أ.عكاشة
بصراحة مش تابعت المسابقة دي خالص
بس كانت قيمة من فكرتها ومبارك للي كسبوا
وأكيد مش مسابقة اللي هتعمل زعل ..


مـ.محيي
الله يصلح الأحوال
ويعدي فترة الامتحانات ع خير ..


مـ.نور
الله يوفق حضرتك بالقسم ..


أ.طائر الشرق
ان شاالله بالتوفيق لحضرتك في حياتك عامة ..


شكراً أ.مرشدي
دوام التوفيق ..

[ساحر الأحزان]

مكرك ودهائك الاذاعى

منفعشى معاهم

وأن كنت أشك ,

أنك حتطلع منها بسبق صحفى

فى أجمد عضو

نشرة جميلة

مع ناس تستحق الأحترام

جميلة مرشو

موفقين