الفسيخ أفلس جيبى وأوجع بطنى

[العاشق الذى لم يتب]

السلام عليكم أزيكم ياحضرات دعواتى ليكم وأمنياتى ويارب مايكونش حد صرف الفلوسات ووجعته بطنه من الرنجة والفسيخ والبصلات طبعا كان النهرده موسم أكل الفسيخ والبصل ومايصحش نقول عليه عيد وكما يحلو للكثير أن يطلق عليه عيد ويلتمسوا الاعذار ويقولوا مسميات ماأنزل الله بها من سلطان مرة يطلقوا عليه عيدالربيع ومرة عيدشم النسيم وجدتى كانت بتسميه عيد الملوحة ودى لغة أهل الصعيد تقصد عيدالفسيخ هو صحيح أخوانا المسيحين لهم الحق يقولوا عيد لأنه فى عقائدهم أنه عيد القيامة أى بعد ماصلب سيدناعيسى عليه السلام أحياه الله وقام من الموت وطبعا هذا حقهم أن يحتفلوا بأعيادهم ونحن نهنئهم ونقول لهم كل سنة وانتواطيبين ولكن لايوجدفى الاسلام غير عيدين وهما اللذان أقرهما لنا رسولنا محمد صلى الله عليه وسلم وهماعيدالفطر وعيد الأضحى وماعاداهم فهو بدعة ولايجوز لمسلم أن يسلكها وهنا ليس هذا ماأردت أن أفضفض به ولكن أستوقفتنى أحدى جارتى هداها الله وإياكم عملت خناقة أى معركة كبيرة وحلفت براس أبوها ياأما المسكين جوزها يجيب الفسيخ ياأماهتاخد العيال وتسيبه يخبط راسه فى راس أمه وخليها أمك تنفعك ياأبو جلنبو أبوجلنبوا ده يبقى أحد الكائنات الحية فى البحر وبالرغم من انه كل الاسماك تخاف منه إلا أن وعندنا أحنا فى الصعيد بيطلق على الغلبان اللى زى حلاتى اللى لابيهش ولاينش المهم مااطولش عليكم جارتى غضبت خالص ومسكت الموبايل وطلبت واحدتكتك علشان يوصلها لبيت أبوها قلت لها حرام عليك ياشيخة تعننى على جوزك الغلبان وعيالك فى يوم مزفر زى النهارده ومزفر دى معناها أينما توجهت بأنفك تهل عليك رائحة الملوحة والرنجة والبصل لدرجة ثقب الأزون عندنافى اسيوط اتخرم خرم كبير وقعد ينزل منه حاجات أول مرة أشوفها غريبة وعاملة زى الزفت بتاع الاسفلت ومن شوية نزلت كمية كبيرة اتصلت ببتوع المحليات قلتلهم تعالوا شيلوا الهباب ده من عندنا رد كبيرهم وقال مين قال ليكم تاكلوا 5طن بصل أخضر وزيهم فسيخ أحمر أحنا ماعندناش معدات تشيل شوفتوا ياحيايبى موسم الفسيخ بيعمل إيه فى بلدنا سيبتكم بعافية أخوكم رفعت

[۩۩ elMagic ۩۩]

شوف مش احنا اهوو فـ الصعييد
وطبعا هى معروفه بناسهاا اللى تلاقيهم
ياكلوا اللى محدش بيقدر ياكلوا
زى الفسيح والحاجات بتاعت شم النسيم دي
وانا مبطيقهااش ولا عمري أكلتها قبل كده
ولااستحمل ريحتها حتى
ولا حتى حد فـ البيت بيحب الحاجات دي
الممنوعاات دي مبتدخلش بيتنا خاالص
ولا هتدخل فـ يوم من الايااام
وحتى الخروجه مخرجتش النهاارده ولا عملت حااجه
لان مليش مزااج أعمل حااجه
مش عارف مين بصلي فيهاا

[العاشق الذى لم يتب]

اقتباس المشاركة الأصلية كتبت بواسطة ۩۩ elmagic ۩۩ شوف مش احنا اهوو فـ الصعييد وطبعا هى معروفه بناسهاا اللى تلاقيهم ياكلوا اللى محدش بيقدر ياكلوا زى الفسيح والحاجات بتاعت شم النسيم دي وانا مبطيقهااش ولا عمري أكلتها قبل كده ولااستحمل ريحتها حتى ولا حتى حد فـ البيت بيحب الحاجات دي الممنوعاات دي مبتدخلش بيتنا خاالص ولا هتدخل فـ يوم من الايااام وحتى الخروجه مخرجتش النهاارده ولا عملت حااجه لان مليش مزااج أعمل حااجه مش عارف مين بصلي فيهاا

تسلم اخى وتعيش سعيد وبلا ممغصات
هى مجرد عادات وموروثات وبدع وتقاليع ماانزل الله بها من سلطان
والله اخوك زيك بالزبط
ولاخرجت من البيت ولااكلت اى من تلك الاصناف
ولكن معظم القوم فعلوا ربنا يحفظ اهلينا فى كل مكان
شرفتنى ونورتنى
مودتى

[ساحر الأحزان]

لا الفسيخ عامل معاك شغل اليوم

جيبك افلسها ووجع بطنك

حد قلك تجيبة

استلقى وعدك منة بقى

جميل ياحج موضوعك

موفق

[العاشق الذى لم يتب]

اقتباس المشاركة الأصلية كتبت بواسطة ساحر الأحزان لا الفسيخ عامل معاك شغل اليوم جيبك افلسها ووجع بطنك حد قلك تجيبة استلقى وعدك منة بقى جميل ياحج موضوعك موفق

والله اخوك مش من هوات اكل الفسيخ
ربنايسامحها ام العيال
راسه والف سيف لازم تاكله
بس اخوك طلع جامد اوى وحلفت بالتلاتة لايمكن
ادخله البيت
شرفتنى ونورتنى ياغالى
مودتى