ساكن خيالي

[phalsteen]

ساكن خيالي ومحرومة عيني تشوفك دا لية ؟
لو هانت عليك دمهة عنيا صعب اصدق انك تبيع
صعب ابعد , اخون , ابيع
في قلبي صورتك ولا يمكن تروح
كان حلمي انت وليالي حلوة في بالي دايما
قصة ماتت قبل البداية وقبل فجر لليل طويل



ساكن خيالي يا اغلي دنيا جابتها السنين
في بالي دايما بقول ياريتني جنبك لو يومين
بشكي حالي للمغرومين
بقول فاتني وغايب من سنين
تدمع عنيا اهرب واخبي واقول خلاص ميهمنيش
وانت ليا اجمل هدية بعتها العظيم
حتة مني تاهت خلاص وسط السنين

بقلمي : نفرتيتي

[Şα3Đ..♥]

اقتباس حتة مني تاهت خلاص وسط السنين

العاميه احلي بكتييييييييييييير بصراحه
ولو ركزتي ف الشعر هيبقي اجمد والله
ومن قلبي فعلا
دي جامده

[phalsteen]

اقتباس المشاركة الأصلية كتبت بواسطة mohamed saad العاميه احلي بكتييييييييييييير بصراحه ولو ركزتي ف الشعر هيبقي اجمد والله ومن قلبي فعلا دي جامده

في الحالتين احنا لسة علي قد حالنا
بتعلم منكم
وربنا يسهل
منوراني

[Şα3Đ..♥]

هو المشكله ف بتعلم
والمشكله مين الافضل
طيب هو الافضل ده مين اللي ميزه
مفيش حد احسن من حد
حاولي يبقي فيه ثقه شويه
مفيش حاجه اسمها علي قد حالي
اي حد بيعرف يخرج احساسه بالطريقه اللي هوا بيحبها
ده بيبقي مبدع
فا لو انا رائع ف وجهه نظرك
يبقي انتي رائعه ف وجهه نظري والاخرين
بطلوا بئه
خنقتونا

[دمعه حائره]

كلمات جميله والاجمل احساسك فيها
تسلمى سما
واستمرى هانتظر كل جديدك

[ويبقى الأثر]

دايما لما نكتب بااحساس
الحروف بتطلع اجمل
وانتى احساسك جميل
تسلمى حبيبتى ويسلم قلمك
لروحك السعاده

[ابتسامة الزهر]

الأحساس الصادق
دائما هو الذى يصل الى القلوب
وانت عبرتى بكل صدق الاحساس
بكلمات جميلة