رحلة فى اعماق أديب \ة ومعنا ؟؟؟؟؟؟

[ابتسامة الزهر]

] اليوم اقدم لكم حوارى مع عضو له قلم مميز ونشاط ملحوظ فى ارجاء المنتدى ومعروف عنه ان جميع كتاباته حصرية نبض نقي ينزف مدادا شلالات متدفقة من فيض العطاء أبجديات متفردة تتناثر عبر سطور اللغة وألحان معزوفة بتغاريد الحب يدونها القلم على السطوور لكن اغرب ما قرأت له خاطرة بعنوان "خاطرة اعتزال" ولأول مره اعرف أن الكاتب أو الشاعر ممكن ان يعتزل الكتابة سنغوص داخل اعماق العضو نجم وزهرة ومسافات فراق اولا نرحب بالعضو اهلا وسهلا ومرحبا نقدم لك مشروب الليمون عشان معروف عنك العصبية هههههههههه مش فاهم ليه مصممين تقولوا عنها عصبيه طيب ما تسموها حماس كان حسام وابراهيم حسن بردوا كده وبيقولوا عليهم كده عموما متشكر لليمون وجاي في وقتوا تسلم ايدك يارب وعشان تكون اسئلتنا خفيفة عليك اهلا بيكي مشرفتنا الكريمه واختنا الفاضله ومتشكر والله للتقديمه القيمه دي في حق العبد لله البسيط ده كرم كبير منك ده حقك علينا فلا ننكر جهودك نبدأ اسئلتنا 1 - فى اخر خاطرة لك كتبت فيها انك قررت الأعتزال ياترى قرارك ده كان افلاس لقلمك ام موت احساس ومشاعر أم اسباب اخرى الحمد لله والفضل لله فعل الكتابه اصلا موهبه من عند ربنا وبالنسبه لقراري تقدري تقولي عليه ( رد فعل ) مني ومؤكد ليا كل الحق فيه والدنيا كلها فاهمه وعارفه ده 2 - من رد الأعضاء عليك وردود الأفعال التى اوضحت انهم متابعين لقلمك فهل ستعاود التفكير فى قرارك وتتراجع فيه لا مع كل الاحترام لكل الاخوه وكل التقدير والشكر ليهم طبعا على لفتة كرمهم انما القرار ده لا رجعة فيه على الاطلاق أصل الضرب في الميت حرام ! 3 - يوجد اقلام تكتب كثيرا وتعبر بقلمها عما يجول فى خواطرها مين من هؤلاء الأعضاء استطاع ان يستفز قلمك كل قلم قوي على الوجود والحفاظ على مستواه مؤكد بيستفزني جدا مش استفزاز بالمعنى انما تقدري تسميه غيره أدبيه مسموحه ومطلوبه ولو هقول أمثال في فئه انما أخاف انسى ذكر حد وانابحب اتابعهم ومؤكد هما عارفين نفسهم بس عشان مش اقول اسماء وانسى . 4 - كما تتابعك ألأعضاء فأكيد أنت الأخر تتابع اقلام مميزة من من الأعضاء تشعر انه يكتب بأحساس الشعراء فيترك اثر فى نفسك كل قلم قادر على العطاء وامتاع الغير هو يكتب باحساس ولكن لا اعترف بأحد على النت شاعر نحن فقط مجرد هواااااااااااااه كلمة شاعر لها ملايين المجالات ولا تطلق هباءا منثورا كلنا على النت نحاول ونجتهد نعم ولكننا هواه ولسنا شعراء والوصول لتلك المرحله امر طويل وصعب وشاق واعترف علنا لن يصل له احد على النت سبب ذلك جهلنا جميعا باللغة العربيه ومع الاحترام للكل ما رأيك فى هذه الأقلام قوة انثى طبيب الهوى القلب الصامت كريم عاصم جبل عالى السفيرة عزيزة قوةانثى قلم راقي هزمه الشجن فغلفه الحزن ولو الامر اختلف لتفوق اكثر طبيب الهوى قلم جيد القلب الصامت قلم قوي ولكنه حزين جدا غالبا في الكتابه كريم عاصم قلم جيد جبل عالى قلم مظلوم جدا برغم انه عالم من المواهب واختفى برغم قدرته على العطاء لأن عوامل كثيره أبعدته السفيرةعزيزة قلم أنيق ومحترم ولكن يعيبه انه مقل باعماله جدا 5 - نحن لسنا شعراء ولذلك ساستخدم تعبير كلمات ما هى اقرب الكلمات التى كتبتها وتهتز لها الكلمات المحسوسه الكلمات الخارجه من اعماق القلب بلا تكفل الكلمات التي لها مواقف وظروف هناك كلمات اقولها دوما بيني وبين نفسي وهي في احدى خواطري الحصريه التي لم تنزل هنا مقطع منها وعشان خاطرك برغم اني كنت وعدت وقررت ما هنزل شيئ تاني عنوانها وداعا وداعا يا زمان الحزن سأقهر كل أحزاني ولن أبقى مع زيف يعانق درب أوطاني ولن أبقى كمرثية بلا موج وشطآني أنا رجل بلا حظ أنا عمر بلا ثواني أنا مرثية أفكار تراودني وتلقاني صنعت الشعر اعجوبه منمقة وبمعاني وداعا 6- لقد كتبت كثير فى الا قسام الادبية هل تعتقد انك اضفت جديد فيها الكاتب بطبيعته طماع دائما ولا يعترف بدرجة معينه ولأنني لست كاتب فلا أعرف تصنيف نفسي مؤكد الحكم للقراء أو لمن يتابعوني على وجه التحديد أما أن أصنف نفسي أمر صعب كثيراااا 7 - قرانا لك بعض القصص ولكن فجأة توقفت ما سبب توقفك يظهر ان السؤال كان صعب الجواب عليه 8 - ابتسامة الزهر مشرفة الأبداعات بعد دمعة حائرة هل تعتقد أنها وضعت فى المكان المناسب ؟ بالفعل لا توجد من تأخذ مكان دمعه غيرك بقوة تواجدك من ناحيه وبقوة قلمك من ناحيه وأحترم جدا من أختاروكي لأنهم أصابوا جدا بهذا الاختيار وفعلا أنتي وضعتي تماما في المكان المناسب الاسباب حتى لا يقول أحد أنني أجاملك انتي قمتي بانقلاب بقسم الخواطر وجعلتيه حصري وقت أن كانت الاخت الكريمه روكه غائبه ووقت أن كان الاخ الفاضل واد حبيب تواجده وتفاعله قليلون نظرا لظروفه الخاصه به أحدثتي انقلاب باقسام الخواطر حتى كان أقرب للحصري وأعتقد من اختاروكي اختاروكي لهذا السبب وفي النفس الوقت أنتي من أكثر الاخوه هنا تفاعلا وردودا اذا الاختيار موفق وبقوه ويبقى استمراريتك بقوة تواجدك وتفاعلك وهل تستطيع ان تملأ مكان دمعة حائرة ؟ ومع احترامي لدمعه وبرغم قوة دمعه وثقلها ولكن نظرا لقلة أعمالها بالفترة الأخيرة أنتي تستطيعي أن تتفوقي عليها أنا لا أشهد لكي أو ضدها هي اخت وانتي اخت ولكن فعل الكتابه له الاولويه دمعه كانت ترد كثيرا جدا نعم ومجتهده جدا نعم ومتعاونه مع الكل نعم وووو ولكنها اهملت قلمها جدا برغم انها لو استمرت وحافظت لاكتسحت ولكن اكرر دمعه ظلمت واهملت قلمها كثيرا وانا اقول كلمة حق بعيدا عن اي شيئ ولي نصيحه اختي ابتسامه اياكي والغرور وسيري على درب دمعه في نشاطها ولكن لا تسيري على دربها في بخلها الكتابه وظلمها لقلمها لانه الخطر الافظع لو بقيتي هكذا سيكون لكي شأن أكبر أنا أتوقعه بأمر الله . وما أوجه الشبه والأختلاف بينهما من وجهو نظرك ؟ اجابة بدون مجاملة وبعيدة عن الدبلوماسية الاخلاق التفاعل الفكر النشاط التعاون انتما قريبان ومتشابهان جدا وان كنت عاتب على دمعه وبقوه وهي تعلم ذلك ولن اجاملها لانني عاتب عليها جدا لانها ظلمت واهملت قلمها وحرمتنا منه انتما قريبان مع فارق انكي تكتبين كثيرا وهي مقله جدا وهذا الفارق يعود لصالحك ويبقى ضدها .. انا جاوبت بلا مجاملات عند الكلام عن الشعر الغي اي مجامله علما بشيئ انتي وهي اختين احترمكما كثيرا ومن هنا اقول لدمعه انتي ظالمه لنفسك ولقلمك ولقراءك وفكري في المعنى بهدوء ستعرفي الاسباب اشكرك جدا على رأيك فى ّ 9 - يقولون ان الشعر موهبة فهل هو موهبة فقط ام دراسة ام الاثنين معا الشعر موهبه ربانيه بالدرجة الاولى ولكن الموهبه تحتاج دراسات تحتاج قراءات تحتاج اطلاع تحتاج ابتكار مفردات ومعاني جديده الموهبه ماؤها الممارسه والتثقيف فشاعر بلا ممارسه وتثقيف كبحر بلا ماء تماما . 10 - من ضمن قرارك ان ستكتب الشعر داخل المواضيع سواء فى القسام العامة او النقاش برأيك هل ستجد التفاعل من الاعضاء مثل الأقسام الأدبية ؟ أم سيكون اهتمام العضو بالموضوع الأساسى فقط دون الشعر؟ لا طبعا كتابتي الشعر بالموضوعات هو لتنمية موهبتي ومتعتي بعيدا عن الاقسام الادبيه وموضوع التفاعل هو امر من عند ربي من يععجبة الموضوع سيرد ومن لا يعجبه لن يرد هذا يعود لتوفيق ربي مهما حاولنا ولكن طبيعة القسم الادبي غير العام لانه حصري وهذا مؤكد ليس في صالحي من ناحية الردود ولكن تقدري ان تقولي من يحب قلمي سيتابعه لو حتى بآخر العالم وأيضا هو اختبار قدرات لنفسي يكفيني فخرا وشكرا لله أنني أول عضو بمنتدى بنات مصر ان يقوم بعمل موضوع نقاشي فيه خاطره وتابعته بموضوع آخر والقسم موجود للتأكيد على كلامي .. 11- تتكلم دائما عن قلمك وحصرياتك وفى كل فترة تجدد من نفسك احيانا تكت فى السياسة او عاطفى او وطنى فهل ده تجديد لنفسك ؟ ولا اثبات ذات ؟ ولا تحدى لأحد ؟ ولا ايه بالظبط؟ لو تذكري اختي عبد الحليم حافظ رحمة الله عليه مع الفارق طبعا فترات حياته كلها كانت متنوعه ففتره يغني عاطفي وفتره يغني للثوره وأخرى يغني قصائد طويله وأخرى اغنيات خفيفه وأخرى ادعيه دينيه الموهوب الجيد هو من يبتكر كل فتره ويدخل نفسه بقالب معين ويحاول اكتشاف قدراته لاثقال تنميته 12 - ماهى اقتراحاتك بالنسبة للأقسام الأدبية ؟ يظهر برضة سؤال صعب او العضو لم يراه 13 - بالنسبة للمسابقات الأدبية كثيرا ما تشارك وفجأة وبدون مقدمات تعلن انسحابك ياترى ما سبب هذا ؟ هل هو اعتراض على شىء او تجد كلاماتك ضعيفة بالنسبة لأخريات او الخوف من الفشل فى المسابقة او اسباب اخرى هتكلم ومؤكد كلامي ممكن يزعل حد اغلب المسابقات ومش كلها طبعا فيها روايح مجاملات وبصراحه مشكلتي بحب التنافس الشريف بس بحزن لما اشوف ناس اصلا بلا تواجد بالمنتدى ومع اخر يوم للمسابقه الاقي ليهم اعلان اشتراك بالمسابقه والاغرب يفوزوا ! والموضوع اتكرر اكتر من مره وده ناقوس خطر وواضح ان فيه شيئ مش مفهوم وانا مش بفتي او بتهم حد لو حصلت لجنه على كلامي تشوف وتعرف هتتأكد عمري ما قلت كلمه بدون مستند والموضوعات والمسابقات لجنه مشكوره تتعمل وتعاين كلامي وانا مستعد بس لجنه سريه وده زاد واتكرر وبأقسام كتيره بالمنتدى وبعلن علني ده ناقوس خطر هيعمل عوامل سلبيه فظيعه يا اخواننا يا مسؤلين المسابقات محتاجه ابتكار المسابقات فعل تحفيز انما عشان ناس ومع الاحترام للكل تكون مختفيه نهائي وبلا ردود اصلا على موضوعات الناس النشيطه ويدخلوا ويفوزوا ويتكرر الامر بأكتر من شكل وبأكتر من قسم وفي اكثر من مره لا كده في شيئ مش مفهوم ! في خلل في خلل في خلل بقولها علني لوجه ربنا نراعي ربنا الخلل واضح وبيكبر وبيزيد بقوه وبطلب رقابه حياديه بس دون ما تتحدد يعني تكون مختفيه وتتابع بنفسها وبخاطب الساده المسؤلين يقتحموا كلامي ده ويعملوا لجنه من الناس اللي عندها ضمير وبتخاف ربنا ويشوفوا هل نجم بيخرف ولا بيتكلم بجد وبناء عليه يقرروا وعندي فكره ياريت يتعمل بيها وفرصه ضمانا للعداله بالتوازي اي عضو مختفي بلا تواجد لا يقبل اشتراكه اصل حرام ناس نشيطه وميته تفاعل بالمنتدى وناس بكرر وبأكد يمكن اصلا مش بيردوا على حد ولا ليهم حضور بالمنتدى اصلا يدخلوا اخر يوم ويعلنوا اشتراكهم ويفوزوا !!!!!!!!!!!! امر مريب مع الاحترام للكل امر هيكون له ردود محبطه اكتر ولو بتنادوا بتفاعل فعلا يرضي ربنا لازم يكون في حياديه بكرر علني الامر زاد عن الحد وحرام حقوق ناس تتهدر عشان ناس تانيين وانا بقول ده لوجه ربنا وعلني دون ما اجامل او ما شابه ولو حد من الساده الكبار شايف كلامي غلط يقلب ويدور ويتابع هيعرف ويتأكد من الواقع وبالدلايل الملزمه ! انا قلت كلمتي الاخيره دي مش هجوم على حد انما عشان لما ينطلب نشاط يكون موجود شيئ من المتابعه من الساده الكبار ضمانا لعدم التلاعب وده قبل ما يكون لحقوق الناس يكون مراعاة لربنا .. من هنا يا اختي ابتسامه لما انا كعضو استشعر ده واكتر من مره بيصيبني الاحباط مع التشكيك واعتقد اي مخلوق مكاني هيقول زي ما بقول بالظبط واتمنى الصح يمشي ع الكل سواء . وفى النهاية نشكرك على رحابة صدرك وتشريفك لضيافتنا ونورت وانا متشكر اختي الفاضله ابتسامه على دعوتك ليا بالقسم وبتمنى لك التوفيق يارب واتمنى اكون جاوبت وبكل الصدق دون مجاملات بناء على طلبك ليا .. وانتظرونى مع شاعر\ة فى موضوع جديد [/FONT]

[نجم وزهره ومسافات فراق]

انا متشكر ليكي جدا اختي ابتسامه
على دعوتك الطيبه ليا
وبتمنى اكون قدرت اجاوب بوضوح بناء على طلبك


وكمان بعتذر لسقوط السؤالين دول وفورا هجاوب


قرانا لك بعض القصص ولكن فجأة توقفت
ما سبب توقفك ؟

القصه امر صعب جدا
محتاجه مواقف حقيقيه
وانا عشان اكتب قصه لازم تكون حصريه وحقيقيه
وللعلم انا محضر كام قصه انما لكل شيئ وقت عندي
ومتعة كتابة القصه
لاتقل عندي عن متعة كتابة الخواطر الشعريه
التوقف بيعود لاسباب كتير
ممكن ترقب
ومحتمل بعيد صياغتهم
ويمكن اكتر من شيئ
انما لو هيكون في دوافع
ان شاء الله تنزل قصصي




ماهى اقتراحاتك بالنسبة للأقسام الأدبية ؟
اهم من الاقتراحات
ان الاعضاء كلهم يحسوا احساس واحد
هيفرق كتير جدا
لو الاعضاء حسوه
تأكدي تماما
القسم ده هيكون شعلة نار لا تتوقف
ومش تنسي شيئ مهم جدا
ان القسم حصري

اقتراحاتي هقول بعض افكار منها وهحتفظ بالباقي لنفسي

بما ان اعضاء وعضوات كتير بيكتبوا حصري
واه بيحصل تكريمات للكل وكده
انما اقترح كل خاطره حصريه تنزل ينزل لصاحبها او صاحبتها 25 مشاركه
واعتقد مش خساره ومش كتير
على ناس بتكتب حصري
بس طبعا مش اي كلام والسلام
لازم تكون كلمات قويه ومش حصريه وبس
لو عملتم الفكره
واظن كل عضو مسموح له بخاطره واحده كل 24 اعتقد هيحصل حالة اعصار بالقسم
مش نشاط وبس
واعتقد وبأكد ومش تدخل
25 مشاركه مش صعب ومش كتير
ومحدش يفهم اني بتكلم عشاني
انا اعتزلت
انا كلامي للصالح العام

كمان ياريت لما تحصل مسابقه
اي حد غايب تترفض مشاركتووا احتراما للناس اصحاب النشاط الاكبر والحضور الاقوى
هيرد حد يقول لي عضو ومن حقوا
هقول اوك
انما مش من حقوا ياخد شيئ ممكن يكون من حق غيروا
عايز تشترك بمسابقات وتفوز كن نشيط
اشمعنى بيظهروا وقت المسابقات وشكرا !!!!!!!!!

القضيه قضيه غريبه بجد ومش طبيعيه
ياريت نظره بشكل اقوى ليها
ومحدش يزعل
مش عيب نشوف شيئ ونصلحوا كلنا
اعتقد كلنا تيم واحد وطالما للصالح العام مفيش اي موانع

الاقتراحات كتيره اختي
يبقى اهمها على الاطلاق استمرار العداله والاعضاء يحسوا بيها
وربنا يوفق الجميع للصالح العام

وبكده اكون جاوبت على الاسئله اللي وقعت مني


بشكرك مره تانيه

[اسيل الفلسطينية]

ومااجملها من رحلة مع قطبين مميزيين وكبيريين لهما ثقلهما في المنتدى
استمتعت كثيرا بالمتابعة والغوص في اعماق اديب ليس بالامر الهين
لانه يحمل كما مضاعفا من المشاعر والاحاسيس ولذلك نجده شديد الحساسية
والاختيار كان صائبا جدا تعرفت اكثر على جوانب من شخصية اخي ادهم
فهو يمتلك من الشفافية والحس المرهف الشيء الكثير
وانا اراه بمنظور اخر غير العصبية هو انسان بكل ماتحمله الكلمة سريع التأثر وهذه ميزة وعيب في نفس الوقت
ميزة لانه لديه هذا الكم من العفوية والصراحة في التعبير وعيب لانه ربما ينعكس سلبا في اتخاذ قراراته
التي ربما تكون متسرعة احيانا وتؤثر عليه هو نفسه لكن لا يختلف اثنان على ثقل وجوده في المنتدى
وامكانياته وهو سيد الحصريات وهذا يحسب له
اعتذر عن الاطالة تقبلوا مروري المتواضع

[ساحر الأحزان]

لقاء جميل ابتسامة

بسى هو الى زى نجم دة بيعتزل

الكتابة عندة زى الميا والهو

يقدر يعيش من غيرهم

حلقة جميلة منك ابتسامة مع ضيف نشيط

وصاحب قلم مميز

تحياتى

[دمعه حائره]

حوار جميل وطبعا نجم معروف بنشاطه وقلمه الرائع
واختيار ابتسامه للابداعات كان نابع من مجهودها الواضح فى الاقسام الادبيه
وانا واثقه انها هاتحافظ على الابداعات وتطور فيها مع ايمن
اما بالنسبه للجزء ده

اقتباس وان كنت عاتب على دمعه وبقوه وهي تعلم ذلك ولن اجاملها لانني عاتب عليها جدا لانها ظلمت واهملت قلمها وحرمتنا منه انتما قريبان مع فارق انكي تكتبين كثيرا وهي مقله جدا وهذا الفارق يعود لصالحك ويبقى ضدها ..

اللى عارف دمعه من زمان يعرف انى مش بكتب كتير والكتابه عندى حاله
مش اهملت ولاحاجه ده غير ان الرغبه فى تنزيل خاطره كمان مرتبط بماعيير خاصه عندى
يعنى ممكن اكتب ومش انزل اللى كتبته
لانها هوايه
نورت الحلقه يانجم وان شاء الله ترجع تكتب اكتر من الاول
شكرا ابتسامه على الاستضافه
موفقين

[نجم وزهره ومسافات فراق]

الاخت اسيل اشكرك كل الشكر
الاخ ساحر اشكرك كل الشكر
الاخت دمعه اشكرك كل الشكر

احترامي للجميع