ايه الكسوف ده

[صافي]

كنا معزومين عند خالتو وانا دايما بيقولوا عليا متكبرة ومبتسلمش علي حد والكلام ده انا مش كده خالص بس بتكسف ودايما اختي هي الي اجتماعيه وانا لا المرة دي قلت لا بق انا هسلم ع كل الي في وشي
المهم عيله ماما كلهم كانوا موجودين واحنا من الصبح عندها وكنت حاطه عدسات نظر (قبل معمل اليزك ) وبفرك في عيني كتير راحت عدسه وقعت كنت شايفه بعين وعين لا

وجه واحد طويل وشكله مالوف قلت ده خالو رحت نطيت وحضنته وقلتله خالو ازيك واحشني ماما وخالتو كانوا جنبي ولقيتهم ماتوا من الضحك
وقالولي

اهي اهي

ده ابن خالتك

انا وقفت مكاني واتسمرت والله ووشي قلب الوان وكلهم بيضحكوا طلعت الدور التاني ومنزلتش خالص ولا اتغديت


قررت من ساعتها هبق علي طبيعتي مش هسلم ع حد كلهم وحشين

[۩۩ elMagic ۩۩]

ههههههههههه
يلا معلش بقآ ي ستى
ولا بالعكس حاولتي تبقى موازنه بين دا ودا
لا إنطوائيه اوى ولا إجتماعيه اوى
يعني زى ما قولتي بطبيعتكـ بس حاولي تكون إجتماعيه شويه
ومع الوقت هتلاقي نفسكـ تمااام ان شاء الله
يلا كل موقف محرج وانتى بصحه وسلامه بقآ
مودتـــــــى ,,

[حنـــــون]

ههههههههههههههههه
طيب ياصافى اهى جت فى ابن خالتك
الحمدلله ماجتش فى حد غريب
كانت هتبئه فضيحه هههههههههه
عسل والله ^*
مافيش احلى من طبيعه الانسان خصوصا
لو ماكنتش سيئه ^^

[beauty angel]

ههههههههه يادى الاحراج
معلش ياصافى الحمد لله صحيح انه مطلعش حد غريب
وجت على قد كدهـ هههههه
ودايما حبيبتى الاعتدال فى كل شيء افضل شيء
لا تكونى اجتماعية اوى ولا انطوائية ..
خليكى على طبيعتك
وأكيد مش كلهم وحشين ولا حاجة هههه
موفقة ياصآفى

[Lost Pearl]

هههههههههه انا لو مكانك مش هقابله تاني

الحمد لله ان الموقف عدي علي خير

و ماله الكسوف ما هو زي الفل ههههههه

[بلدنا في القلوب متشاله]

هههههههههههههههههه

ولا يهمك

وشك يقلب الوان ليه

هو موقف وعدى يعني ههههههههه

معلش,,, بس بردو حتى لو كنتي خجوله لازم تكوني فيكي شويه من الجرأه

زي ما انا بحاول كده

يلا متزعليش يا صافي

[Hearts Whisper]

هه عادى يا صافى ولا يهمك
موقف وعدى واهو ابن خالتك يا سيتى ^^
الحمد لله مطلعش حد تانى هههههه
بس مش لازم الانطوائية الجامدة دى
لازم تكونى اجتماعية شوية
ويلا حبيبتى معلش بقا ^^

[العاشق الذى لم يتب]

لا انا مش معاك فى كده اختى صافى
لازم تكونى جريئة وقوية وشجاعة
عادى مافيهاش حاجة
حتى لو اتكسفت شوية
وعمر اللى بيسلم على الناس فيه حد يقدر يقول عليه وحش ابدا
واللى تعمل كده يبقى لاماآخذة مخها طاقق
المسامح كريم
وربنابيحب التواضع والسلام
وحبيبنامحمدعليه الصلاة والسلام قال
خيركم من بدأ بالسلام
تحياتى ليك
مودتى

[morshooo]

والله يابنتى انتى الى وحشه مش هما

بقى ماتعرفيش خالك من ابن خالك ^_^

بس المهم الاحضان كانت بضمير والا مفبركاها هههههههه

اظن انتى خلاص كدا اى عزومه فيها قرايب مامتك

والا هتروحيها .

[-esraa-]

هههههههههههههه طيب أحمدي ربنا انها جت مع ابن خالتك‏‏
ما اتوقعش بعدها تقدري تحطي عينك في عينه‏‏
يلا معليش خدي بالك المرة الجاية