انا يتقالى انتى قنطة !

[~♥ Queen sozan♥~]

ينفع كدة بزمتكم

انا هشتكى بابا ليكم بقة بما انو مش هيعرف

الاول هو الجمال بتتاكل يعنى ولا بتتركب بس

طول عمرى اعرف انها بتتركب وعمر ما سمعت انها بتتاكل

فا واحد صاحب بابا اتصل علية وبيقولو اجبلك لحمة جمال معاية !

فا بيسئلنى انا واخوية اخوية سكت

وانا قالتلو بابا بلاش الاكل لى مسمعناش عنو دة

انا مش عيزة اموت مسمومة يا حاج

راح قيلى منتى بنت قنطة متبقيش تاكلى منها !

المهم انا مش عارفة يعنى اية بس اخوية وشوشنى وقالى دى شتيمة رحت قيمة

وجيت اقعد نت احسن

اية الابهات دى

وجمال اييييييييييييييييية لى بتتاكل دى انا حسة انى نايمة وبحلم باين

الله يسمحك يا بابا ... ولما انتو عيزين تشتمونا بتخلفوناااااااااااا لية بس

[۩۩ elMagic ۩۩]

ههههههههه
عادي دا بابا الكبير
وبيغلس على بنوتهه الصوغننه
وقنطة دى انا مأعرفهاش الحقيقه
وحتى بحثت عنها قولت يمكن كلمه مشهوره ولا حاجه
ملقتش اى نتيجه غالبا هي جات كده
وخرجت منه وهو كان يقصد قطه مثلا ولا حاجه
وبعدين جمااال ايه دى اللى تتاكل
انا أصلا مبحبش لحم الخرفاان

[Lost Pearl]

هههههههههههههههههههههههه اول مرة اسمع الشتيمة دي

مكنتش اعرف انها شتيمة الا من كلامك

بس اه لحم الجمل بيتاكل

و بينقض الوضوء كمان

بس مبحبوش >> متاكليهوش بقي ههههههههههه

و معلش خليها عليا الشتيمة دي

[عاشقة الهدوء]

هههههههههههههههه ياحرام بابا شتمك وقالك ياقنطه ياحببتى
قنطه دى يعنى انك بت مسمومه مش بتاكلى ههههههههههه وكل حاجه بتقرفى منها بمعنى أصح
مش أكيله وتفهمى فى مذاق الآكل ههههههههههه روحى بئه عوزاكى تبهدلى باباكى أنا بهدى النفوس بس هههههه
ولحم الجمال أيوه بيتاكل ياجاهله هو فى أحلى من أكل الجمال وحلاوته وكمان اللحم بتاعه فى سعره غالى جداااا
بس زى ما لوجى قالت بينقد الوضوء كما ذُكر فى حديث للرسول عليه أفضل الصلاة والسلام يعنى ألى ياكل لحم
الجمل لازم يتوضاء بعده أن كان على صلاه وياريت نلاقى أساسا لحم جمال ونعيش عليه دا قليل جدا ألى بيدبح
ويبيع لحم الجمال فهمتى بئه ياقنطه هانم هههههههههه

[Lost Pearl]

ههههههههههههههههههه حقا يا هبة

يبقي انا more قنطة يا سوزي

مبحبش الجمبري و لا الحاجات دي ههههههههههه

و ماما تعد تقولي ،، ده حلو و غالي في ناس مش بتعرف تجيبه انتي مبتفهميش

متزعليش يا سوزي انتي مش لوحدك اهو

[Mo7aMaD 3aLa2]

هههههههههه حد ميعرفش قنطة

قنطة اللى هى هبلة يعنى او تفكيرها مثلا غبى شوية او يعنى فيها سنة عتة :d

معروفة الكلمة دى بصراحة مش عارف ازاى يقولك كدة

يلة مش مشكلة عديها =))

[~♥ Queen sozan♥~]

اقتباس المشاركة الأصلية كتبت بواسطة mo7amad 3ala2 هههههههههه حد ميعرفش قنطة قنطة اللى هى هبلة يعنى او تفكيرها مثلا غبى شوية او يعنى فيها سنة عتة :d معروفة الكلمة دى بصراحة مش عارف ازاى يقولك كدة يلة مش مشكلة عديها =))

لا كلو كوم وتعليقك كوم فى ايييييية يا دفعة انت ما صدقت ههههههههه

والله يسمحك كلامك دة هروح الم هدومى واسيب البيت

وتسلم على التوضيح ههههههه

[~♥ Queen sozan♥~]

اقتباس المشاركة الأصلية كتبت بواسطة عاشقة الهدوء هههههههههههههههه ياحرام بابا شتمك وقالك ياقنطه ياحببتى قنطه دى يعنى انك بت مسمومه مش بتاكلى ههههههههههه وكل حاجه بتقرفى منها بمعنى أصح مش أكيله وتفهمى فى مذاق الآكل ههههههههههه روحى بئه عوزاكى تبهدلى باباكى أنا بهدى النفوس بس هههههه ولحم الجمال أيوه بيتاكل ياجاهله هو فى أحلى من أكل الجمال وحلاوته وكمان اللحم بتاعه فى سعره غالى جداااا بس زى ما لوجى قالت بينقد الوضوء كما ذُكر فى حديث للرسول عليه أفضل الصلاة والسلام يعنى ألى ياكل لحم الجمل لازم يتوضاء بعده أن كان على صلاه وياريت نلاقى أساسا لحم جمال ونعيش عليه دا قليل جدا ألى بيدبح ويبيع لحم الجمال فهمتى بئه ياقنطه هانم هههههههههه

هو ممكن يكون كلامك صح لان فعلا مش باكل اى حاجة ههههههههههه
بس يا هوبة يعنى انتى بتهدى النفووووووووووووس اوى انت كمان
يعنى اقاراحك اية الم هدومى واروح عند جدتى غضبانة مثلا ههههههههههههه

[~♥ Queen sozan♥~]

اقتباس المشاركة الأصلية كتبت بواسطة ۩۩ elmagic ۩۩ ههههههههه عادي دا بابا الكبير وبيغلس على بنوتهه الصوغننه وقنطة دى انا مأعرفهاش الحقيقه وحتى بحثت عنها قولت يمكن كلمه مشهوره ولا حاجه ملقتش اى نتيجه غالبا هي جات كده وخرجت منه وهو كان يقصد قطه مثلا ولا حاجه وبعدين جمااال ايه دى اللى تتاكل انا أصلا مبحبش لحم الخرفاان

اة ما انا عارفة انو عادى ههههههههههه
وهعدية يعنى انا مقدميش غير كدة بس
اصل سعات بيقول كلام مش فى القاموس ههههه

أحبيبى يا بابا .. وتسلم يا احمد انت لى فيهم والله

[~♥ Queen sozan♥~]

اقتباس المشاركة الأصلية كتبت بواسطة lost pearl هههههههههههههههههههههههه اول مرة اسمع الشتيمة دي مكنتش اعرف انها شتيمة الا من كلامك بس اه لحم الجمل بيتاكل و بينقض الوضوء كمان بس مبحبوش >> متاكليهوش بقي ههههههههههه و معلش خليها عليا الشتيمة دي

خلاص عشان خطرك المرادى بقة يا لوجى ههههههههه
بس كويس عرفت انها بتتاكل اهو
منكم استفيد والله
منورنى يا قمرى