~ بـ العاميه "العاملين بالخارج" ~!

[الرحــاال المٌتَمرد]

السَلاَمٌ عَلَيكٌم ورحمةٌ الله وبركاتٌه ..

موضوعنا اليوم عَن : العاملين بالخارج

كٌلنا عارفين وضع البلد وحالها , ومحدش بيلوم أى شاب بيسافر علشان يوفر لنفسه و لـ أهلٌه ودا مِن خلال السفر ورغم المٌعاناه لكن كٌل شخص عنده هدف وحلم بيحاول يوجد الحل والوسيله لـ الوصول لـ الهدف دا مهما بلغت صعوبه الوسيله .

كٌل الكلام دا جميل وكويس , ومفيش مِنٌه ولا عليه أى إعتراض .

لكن إن المٌغترب علشان يحافظ على أكل عيشٌه وعلشان عارف وضع بلده كويس فـ يفرط في كرامتٌه أو يتنازل عَن جٌزء منها تحت أى مٌسمي أو لـ أى مٌبرر
فـ دا إللى أبداً مٌش ممكن أقبله أنا شخصياً .

وضع البلد فى الداخل بينعكس على أبنائها فى الخارج :

أيوا لو البلد مستقره وبتحافظ على كرامه مواطنيها فى الداخل
فـ أكيد العالم كٌله هيحترمهم بس دا لو هٌما نفسهم بيحترموا نفسهم
وبيحافظوا على كرمتهم وبيرفضوا أى إهانه أو تقليل مِنهٌم .

هكلمكم عن تجربتي الخاصه :
سافرت بلد ماعرفش فيها مخلوق ,, من وقت ما حطيت فيها رجلى وانا كٌل المٌساعدات إللى إتقدمت لى هو مسكن وكمان مكنش المسكن الكريم .

بعد يومين من الراحه بدأت أدور على شٌغل وكان بيتعرض عليا شغل كتير
بس أنا برفض لـ أسباب كتير أهمها إن الشٌغل مِش مٌناسب ليا مادياً أو طبيعه العمل نفسها ,, مش بقول كدا علشان انا برفض أشتغل شغل معين
لان الشغل مش عيب , والعيب هو إن الإنسان يعتمد على حد يساعده ويوفر له إحتيااجاته .
لكن أكيد كل شخص بيبحث لنفسه عن الأفضل .
والحمد لله إشتغلت فى شركتين والإتنين أفضل من بعض .
وتركت الشركه الأولي لـ سبب لٌه علاقه بالإقامه وقتها .
بطريقتى وبإسلوبي قدرت أخلى الناس تحترمني وتتعامل معايا بالاسلوب إللى انا عاوزه , مش الإسلوب إللى هٌما متعودين يعاملوا بيه أى واحد مصري .
وكٌنت بشوف المصريين بيتعامل معاهم أزاى , كٌنت بضايق جدا .
ومازلت حتى لما بشوف اى مصرى بيتنازل عن حقه أو بيسامح فيه
علشان خاطر لٌقمه العيش بـ كلمه وأحاول أفهم مِنه ليه مايسبش الشغل دا
ويشوف له شغلانه تانيه "لانه متبهدل فيها والمقابل شويه ملاليم" .
الردود بتختلف لكن معظمها فى إطار إنك مش إبن بلد علشان تعمل مشكله مع حد , "لان كتير مفكر انه علشان ياخد حقه ويرفض الاساءه معناه كدا انه بيعمل مشكله " .

رغم ان المصريين هنا لا غني عنهم وهما العماله اللى أسست البلد وعلمتهم معظم الحِرف لكن بتختلف المعامله بينا وبين السوريين على سبيل المثال
الاخوه السوريين ليهم كل احترام وتقدير لكنهم لاجئين , يعني مش بيخدموا البلد وبياخدوا المقابل ,, زي المصريين مثلا .
لكن السوري بيتعامل بإحترام كبير مقارنه بـ التعامل مع المصريين .
وبردوا هرجع واقول إن السوري بيحترم نفسه كويس وبيقدرها فـ بالتالى الناس بتحترمه , الموضوع مش كله له علاقه بالبلد اللى جه منها او بوضعها
ولا كان السوري بيتعامل بشكل غير .

مِن هنا هنقول :

* الرزاق هو الله ,, ماتسامحش فى حقك ولا تقبل بـ الإساءه تحت أى مسمي

* إحترام الناس ليك عٌمره ما كان بس لموطنك أو لـ درجتك العلميه دا نابع مِن إحترامك لنفسك وإسلوبك فى التعامل مع الناس .

* طبيعه العمل عٌمرها ما كانت عيب , سواء كٌنت عامل نضافه أو بواب عماره
شخصيتك بتفرض إحترام الجميع ليك .

* مفيش حاجه إسمها أنا مِش فى بلدي فـ عادي أسمح لـ دا ولــ دا إنٌهم بقللوا مِن كرامتي علشان خاطر أنا بستفيد مِن الشٌغل دا .

* إللى يسب بلدك كأنٌه سب عِرضك وأهلك , "رغم إني بسمع ناس بيشتموا بلدهم وبيسبوها "

* مفيش مال فى الدنيا ممكن يغنك عن كرامتك وإحترام الناس ليك ونظرتهم ليك , ليه تقيم مٌخالف وإنت تقدر تعيش معزز مٌكرم وتعمل إقامه !!


في النهايه أكيد فى نِسبه لو بسيطه بيعكسوا صوره بلدهم كويس وبيحافظوا على إحترام الناس ليهم مهما كانوا مقيمين .
لكن للاسف نسبه كبيره جداً غييييييير ..


أعتذر لـ الإطاله ,, وإلي اللقاء في حلقه جديده مِن

~~ بــ العاميه ~~

[ساحر الأحزان]

طول منت أنسان كافىء وبتحافظ على كرامتك صدقنى يا أيمن حتوصل للى أنت عايزة

طالما الثقة موجودة والأعتزاز بالنفس موجود,

هى دى المشكلة للأسف السكوت والقل من الذات وربك هو الرزاق طالما معملتش حاجة غلط لأنك كل الى بتبحث علية

هو الرزق الحلال

موفق اخى

[lady lead]

و رغم إن تقدير الذات من قِبَل المصريين كان العامل الأهم لاحتواء بلدهم بالداخل
لكنه أصبح شراع تحركه الأهواء بالخارج

خاصةً عندما يسمح البعض بالإهانة للمقابل المادي
الإهانة في الخارج بمقابل لكن الإهانة في بلدك بلا مقابل !!

حلقة مهمة و قيمة رحال
بالتوفيق دائماً
تقديري و احترامي

[۩۩ elMagic ۩۩]

هما حاجتين مهمين جدا
لو أنجزت فيهم صح هتلاقى نفسكـ جاامد بره مصـر
وهما دماغكـ وأسلوبكـ ,,
لو قدرت تثبت للنااس إنكـ عقليه يُعتمد عليها وأسلوبكـ حبب الناس فيكـ
الحياااه مش هتبقى صعبه بعد ما تثبت داا وهتلاقي نفسكـ
شغااال حلــو وتمااام ..
إدعيلنا بقآ اهو كلها سنتين ونتخرج
وطبعا هيكون البومه داا لسه موجود فى الرئاسه
فا هناخد بعضنا وهنمشي احــسن
والارزاق بتيجي من عند ربنـــا
حلو موضوعكـ ي أيمن
تسلم ي معلم ,,

[حنـــــون]

يعنى ربنا اعزنا والاسلام اعزنا
ويجى الانسان بكل بساطه ويذل نفسه عشان
خايف على رزقه
مع ان الرازق هو ربنا عشان كدا ماينفعش حد يذلنا
وهو اصلا الى بيرزقه ويرزقنى ربنا
طبعا هلاقى الف واحد يقولى انتى ماتعرفيش الغربه وماتعرفش
الاحتياج ممكن يعمل ايه كله بسبب اننا من جوانا نفوسنا ضعيفه
وخايفين على رزقنا رغم ان ماحدش بايده يعملنا حاجه غير ربنا
يبئه كرامتك وكرامة بلدك اولا
بالتوفيق ليك ياايمن
واتمنالك عوده موفقه لبلدك ^^

[العاشق الذى لم يتب]

اتغربنا كتير والله اخى وفى اكتر من بلد
بس الانسان المحترم سيبقى محترم أينماكان
وزى ماقلت فيه الكتير يقول هتنازل عن كرامتى علشان لقمة العيش وهذا تفكيره خطأ ولايمكن تتنازل من اجل لقمة العيش ابدا
لان رسولنا صلى الله عليه وسلم أخبرنا أن نطلب حاجتنا بعزة النفس
ربنايغنينا فى ديارنا
مودتى

[الابتسامه المصريه]

الانسان انسان يحافظ على نفسه

والاهم الكرامة فى اى مكان
كرامتى فوق كل شئ
ليس من اجل لقمة العيش
نزل الرزاق هو الله

بارك الله فيك

[SiLver Spectra]

موضوع قيم يا ايمن
ما تقارنش برضو بين المصري و السوري لان في الاردن اكيد في تاقرب اكبر مع السوريين اللي هما امتداد ثقافي للشام
بس عموما المصري غلبان و بيمشي جنب الحيط..

[-esraa-]

مافيش أي أحد بيرضى لنفسه الذل ابدا وانه يتهان وكرامته تضيع حتى لو مش لاقي لقمة العيش‏‏
رزق الانسان هيوصله هوا مهما حصل مش الانسان اللي هيجري ورا رزقه‏‏
بس زي ما حضرتك قلت الواحد ممكن يجبر أي أحد مهما كان انه يحترمه‏‏
موضوع قيم تسلم الآيادي

[countess]

موضوع جميل <<

وناقشت فيه شي انت لاحظتو <<

بنتظار باقي الظوآهر <<<