حوار مع معقد

[ابتسامة الزهر]

دول بيقولو ا المغنى حرام حتى كمان التليفزيون أقفل بابك على شباكك عيش مع نفسك عيش مسجون قلت طب أقدر أسمع راديو قالوا مش فارق كله مجون قلت اسمح لى أقرأ جريدة قالوا كلام فارغ أو دون قلت أنا نفسى أشرب أزوزة قالى حيكون عليها دهون حتى كمان البنك حرام ان كنت مسلف او مديون قلت وفين راح أحط فلوسى قال البيت ده مكان مضمون قلت أخاف والنبي ليضيعوا قالوا مُقدر منذ قرون قلت مراتى كسلانة تصلى قوم طلقها كله يهون قلت عندى طفل وطفله قال اضربها بأيد الهون قلت مشاعرى ما تتحملشى قالى مشاعر ايه يامجنون دى الستات عورات فى البيت تخرج بس فى يوم العيد قلت الشغل يجوز لحريمنا قال الشغل مصيبة اكيد اوعى تخش استديو مصور هما اشد الناس فى النار قلت تقصد الاصنام قالى واش دراك ياجبان انت ها تفهم اكتر منا ؟ واحنا البرره ولاد ابرار قلت بطاقتى عليها الصورة قالى اخلعها بلاش تحتار والبرواز فى البيت متعلق قال لى نضمك للأشرار قلت اسمح لى اصلى فى بيتى عندى مشاغل ليل ونهار قالى صلاتك مش مقبولة ربك ما بيعرف اعذار احسن سيبها وبطل تركع يابنى طريقنا ما فيهش هزار قلت الدين بيقول اتعلم قال اتعلم فى القرأن قلت الدولة حتبقى مشايخ قالى ومالو وحتى الجان قلت ومين راح يبنى بلدنا قالى وايه لزمة بنيان قلت ومين حيطبب ابنى قالى الطب النبوى ضمان قلت الطب كمان اتطور قالى ده بدعة ما كنش زمان قلت عدوى بيتربصلى عنده سلاح نووى وطيران قال التقوى حاتقضى عليهم اهجم والبس له قفطان قلت ملاحظ انك نايم شوفلك شغلة فى اى مكان قاللى الرزق حا ييجى لوحده هو حا يوصل وانا نعسان ثم الوقت معايا قصير طول الليل فى صلاة وقرآن قلت الشغل كمان ده عباده قالى حديث واهى وضعفان قلت ظلمتوا الدين وياكم فُوق بقا واصحى وكون انسان قال سنقيم الحد عليك كونك تدعوا للعصيان

[العاشق الذى لم يتب]

والله يأخ ابتسام أنت غلطان طبعا غلطان
ليه أصلا تقابل الأشكال دى
ياراجل حرام عليك واضيع وقتك معاه
وكمان تفضل تقله أسرارك وتعرفه مراتك مابتصليش
وكمان تقوله معاك ولد وبنت
بصراحة ماتزعلش منى أنا واخدعلى خاطرى منك ياأخ أبتسام
والله أنا اتقهرت على الآخر
من عمايل ابن الإيه المعقدده
ياناس هو فيه عقد بالشكل ده
بس أنت تستاهل من ساعة ماسيبت الخواطر
وروحت الابداعات وانت اتغيرت خالص
مودتى

[عاشقة الهدوء]

كلمااات رووعه وأسلوب أنيق ومضمون قيم وصائب
شىء صعب فى هذه الآيام تذمت بعض الآشخاص فى الدين
يُعلموه للناس بطريقه تُعقد لهم الآمور وتصبح الحياه فى أعينهم بائسه ليس لها طعم ولا لون ؟؟؟
فكما علمنا الله ورسولنا الكريم علينا أن نعمل بكتابه ونمشى على سنة نبينا والدين يسر وليس عُسر
وخير ألامور الوسط أن نتعامل فى حياتنا بوسطيه ونحن على علم ويقين بأن الحلال بين والحرام بين ؟؟؟
نقرأ ونتعلم بأنفسنا معنى الدين الصحيح والتعامل السليم ولا ننثاق وراء أشخاص تجعلنا نكره الدين ونمشى فى أتجاه
أخر معاكس مصيروا الضياع ؟؟؟ أبدعتى يا ابتسامه وتألقتى تقبلى تقييمى البسيط مووفقه ربنا يحفظك

[Lamees]

الدين يسر وليس عسر
كلمات قوية ورائعة تنساب وتتغلغل في اعماق من يفهم المعني
مزيد من الابداع تحياتي لكِ ومزيد من العطاء الدائم المتجدد
روني

[خارج عن القانون]

كلمات اقل ما يقال عليها انها رااااائعه

بجد تسلم ايدك عليها

[روح صامتة]

تحفة تحفة تحفة بمعنى الكلمة
انت لميتي الموضوع بشكل راق جداااا و لخصت افعال المتاسلمين
المتاجرين بالدين والله رائعة
احلى حاجة الصياغة عجبتني
تسلمي ي جميل ع الموضوع
خمس نجووم
ارق تحياتي

[الابتسامه المصريه]

حوار روعه وجميل

مقفلين الدنيا

مع ان الله امرنا بالسعى
فى الحياة الدنيا
الله عليكى بسومة
رائعه هذه الكلمات وتعجز احرفي ان اشكرك كلمات في قمه الذوق الرفيع تبوحين هنا بنزف واحساس اجمل يحسها قلبك هنا اقف احتراما وتبجيلا ً لما خطته يمناك

[اسيل الفلسطينية]

دام التألق ... ودام عطاء نبضك
كل الشكر لهذا الإبداع
لك مني كل التقدير ...!!
مع باقة من ورودي العطرة ..

[شظايا عمر]

للاسف وياكتر المعقدين

ناس عقلها متركب شمال ده لو في عقل اساسا

بجد اللي يكون مع ربنا يرتاااح جدا

واللي يفهم دينه صح يرتاح ويعيش احسن حياه

ربنا يهدي الجميع ويصلح حال الجميع


اختي ابتسامة الزهر

بصراحه ابدعتي جدا ... جميله جدا كلماتك هنا

ومناسب جدا العنوان ... وعبرتي باسلوب حلو

احييك من قلبي فعلا علي كلماتك

رائعه بمعني الكلمه

دمتي بكل خير وسعاده

خالص تقديري وتحياتي

[دمعه حائره]

الدين يسر وليس عسر
والامثله دى بتكره الناس فيه
لازم كل واحد فينا يكون مثال للمسلم المجتهد اللى بيسعى دايما
انه يطور من نفسه ويدعو للهدايه بالاسلوب الطيب
وصفتى الحاله بمنتهى المهاره والروعه فى اختيار الكلمات
تسلمى ابتسامه رائعه بجد