can 7lm

[CAN _ 7LM]

هى :خرجت فى العيد واتفسحت
والتانيه: اتخطبت وشبكتها بكرا
وصاحبتها: نازلة الساحل يومين تغير جو عندها اكتئاب
وانا واحدة بتمتحن من ايام الفسيخ يعنى مش باقيه ع الدنيا 💔😂

ما هو مافيش ابأس من انك ما بتعملش حاجة فى. العيد عشان عندك
امتحان وفى نفس الوقت ما بتذاكرش ويكأنك فرفوش و بتعيد معاهم 😊😁

Happy Eid ❤

[CAN _ 7LM]

الحمد لله خصلت امتحانات 😌😌
وبالنسبة للناس اللى up to level دول مالناش دعوة بيهم😂

[CAN _ 7LM]

Life isn't fair

[CAN _ 7LM]

لقيت اخر مشاركة عن الامتحانات
وحاليا انا سهرانه عشان عندى امتحان بردو
الواحد بيخلص امتحانات عشان يدخل فى امتحانات جديدة
مال الجو مترب هنا ليه

[CAN _ 7LM]

بحب قبل ما انام العب شوية فى الموبايل
وغالبا بكتب ده تانى مكان بحب اكتب فيه
بجد مهما غبت بحب ارجع اقرأ مشاركاتى تانى
كان فى مشاركة كنت عاملاها تذكار اما اشوفها
افتكر حاجة معينه وحاليا نفسى اعرف ايه الحاجة دى
بس بتفكرنى دايما قد ايه عدى علينا ايام
فرحانين من لطف واستجابة ربنا لينا انا ممتنه لحاجة زى دى
حتى لو مش هتذكرها بكون فرحانة ان برجع بعد فترة طويلة الاقى
الحاجة اللى بحبها هنا ياريت متتقفلش حاجة زى كده
^^^^^^^^^^^^^^^^↑^^^^^^^^^^^^^^^
الحاجة الوحيدة اللى تقدر تسيطر بيها ع نفسك انك تمشى عكس تيارها
وقتها هتتأكد من اى قرار هتاخده بعيدا عن الاهواء
تصبحو ع خير ❤

[CAN _ 7LM]

كنت داخلة عشان اتكلم شوية عن اللى جوايا
بس مافيش وقت
عندى حياة فى امتحاناتى
كلاكيت المرة الخمسين
^^^^^^^^^^^^^^^^^^^^^
مافيش حاجة بتمر مرور الكرام كله بيسيب اثاره وهو ماشى
تصبحو ع خير ❤

[CAN _ 7LM]

بالرغم من ان سنين كتير بتعدى و الدنيا بتلف
و حياتنا بيتغير فيها حاجات كتير
بس بنلف و نرجع للمكان ده تانى
فى رابط جوانا بيحن للذكريات اللى هنا
وبيشتاق بالكتابة فيه كأنه بيرجع بالزمن من اول وجديد
اسأل الله ان تكونو جميعا بخير

[CAN _ 7LM]

من فترة كنت بحاول ادخل الفورم
لقتنى نسيت الباسورد و بعدها
لقتنى افتكرته لوحدى لان ده الباسورد
الوحيد اللى مش بستخدمه فى اى حاجة
و ده يدل ان كل حاجة هنا مميزة صعب تتنسى
رمضان كريم عليكم و على حبايبكم

[CAN _ 7LM]

الواحد كل اما بيمر بمواقف فى البلد دى
يحس فعلا انها معمولة لناس معينه
كل خطوة فيها صعبه كل طموح صعب
و مافيش تقدير للناس اللى تستحق
فعلا مش بينجح فى مصر غير السفه و التفاهة
و الناس اللى ملهاش لازمة
دولة مبنيه على المناظر و المبانى الحلوة بس من جواها فارغه
على قد ما الواحد بيحب البلد و فيها الناس اللى بيحبهم
بس هى مصعبه علينا كل حاجة
يارب اخرجنا منها على خير

[CAN _ 7LM]

الدعاء الجانب الخفى للامان بالنسبالى لأن مافيش فيه منطق مافيش معاه مستحيل
لأنه الله ❤