كـــدبــه إبــريـــل

[Şα3Đ..♥]

قررت اكتب سياسه
قولت اشوف انطباع الناس ايه

ياريت محدش يزعل
بس تقريبا هو ده اللي حصل وبيحصل
وده رايي
والاختلاف لا يفسد من الود قضيه

كـــدبــه إبــريـــل



هل الهلال في مطلعه
والفجر كان الدليل
تعالوا يا خلق اسمعوا
الكدبه من ابريل
كدبوها وبيصدقوا
وكبروا بتهليل
كفياك يا ابريل كدب
كفاياك وبطل ندب
ولا انت غاوي تهد
تواريخنا بالتضليل
لا انت اللي سال دمك
ولا اندبح صوتك
انت اللي كان همك
تنسبها لـ لسكوتك
ده انت اللي كان صيتك
ممنوع من التهليل
لا عمرك فيوم سهرت
ف ركن من الميادين
ولا نمت ع الاسفلت
مسلوب من البطاطيين
ده انا موتت و اتغسلت
وملقتش حد يشيل
ولما اندفن جسمي
ويا حروف اسمي
ونسيتوا قوام رسمي
كترت الاقاويل
ده قال ده كان بلطجي
والتاني قال ثورجي
وانا جوه كفي سجين
ونسيتوا انها شورتي
واتقطعت صورتي
ولا جت ف يوم سيرتي
ف مسيره او تأبين
بس انا مش هلومكوا
اللوم علي القائد
هو اللي بيسوقكوا
وف ثانيه يكون حاود
ما تنضفوا عقولكوا
ليه بس يحكمكوا
ولا انتوا قررتوا
ان انتوا تبقوا قطيع
طب ما القلم بيغلط
وده لا نبي ولامعصوم
ومسير ايامنا تثبت
انه هيغلط يوم
وكلامي له ميت دليل
واهو كلكم شايفين
علشان رئيسي عويل
حاكمينه ناس تانيين
اما كلامي للريس
قالوا ياما انك كَيٍّس
من امته وانت كويس
من امته ونت الريس
ده انت حايلا بديل
حاول تدير المركب
قوم وامسك الدفه
مش كل اللي عاوز يركب
ويقول هاخد لفه
حاول تسيطر تكسب
ده الشعب هو المكسب
حاول لحد ما تتعب
متبقاش ضعيف الحيل

يمكن تكون مظلوم
والعيب فاللي حواليك
بس مثيرك يوم
تتحاسب لوحديك
فكر تبات محروم
هتدعي كام دعوه
علي ظلم بات بيدوم
ورماك بدون مأوي
فكر ف حالك يوم
ما هتنسال بكره
اصل عملك ده كوم
ومعاك للاخره

[ابتسامة الزهر]

هو ده حال الشعب دلوقتى
رئيس بالأسم والحاكم واحد تانى
له عارف يقول اه ولا عارف يقول لا
والشعب هو المظلوم
كلمات جميلة عبرت فيها بشعورك
تقديرى لك

[ساحر الأحزان]

كدبة ولا حقيقة

والناس عايشة فيها

اسلوبك جميل يا محمد

عبرت بجميل اسلوبك

عن وضع حزين

الناس حاسة بية

[الرحــاال المٌتَمرد]

لعل كذبه إبريل أولى لوحات السياسيه
ولكني أتوقع أن لا تَكون الأخيره ,,
سعد .
عَزف مٌتفرد وقلم موهوب
سلمت سيدي لهذا الرصد
تحياتى وتقديري لك مع التقييم

[اسيل الفلسطينية]

دام التألق ... ودام عطاء نبضك
كل الشكر لهذا الإبداع
لك مني كل التقدير ...!!
مع باقة من ورودي العطرة ..

[Şα3Đ..♥]

اقتباس المشاركة الأصلية كتبت بواسطة ابتسامة الزهر هو ده حال الشعب دلوقتى رئيس بالأسم والحاكم واحد تانى له عارف يقول اه ولا عارف يقول لا والشعب هو المظلوم كلمات جميلة عبرت فيها بشعورك تقديرى لك

ربنا يهديه ويهدينا للصواب يارب
متشكرجدا علي متابعاتك الدائمه
ودي لحضرتك

[the Virgin]

كلمات جميلة بجد ..

.. بس لازم نقدر مهما ان كان الفترةالي مصر فيها..

والاعداء من كول مكان مش عايزينها تقوم وبقايا النظام وتعبينه ..

بس ان شااء الله ربنا حامي مصر ..


الف شكر . . .

[Words Whisper]

ولو العيب من اللي حواليه
ماهو اللي خلاهم حواليه
يبئا بردو ذنبه
وبردو ذنبنا ان وصلنا اختيارنا في الاخر
بين 2 بس هيضيعوا البلد ..


طرح قيم
شكراً ..
دوام التوفيق ..

[Lamees]

كلمات رائعه.. اسلوب طرحها راقي

جميله بكل مافيهامن احساس..

[الابتسامه المصريه]

اسمح لي ابدي اعجابي بقلمك وتميزك واسلوبك الراقي وتالقك

بكلمات معبرة حقا