الحلقه الاولى من دعنا نتحاور مع morshooo

[احسـ طفله ــاس]

السلام عليكم كيف الحال اكيد بخير نبدأ معاكو بأول حلقه من برنامج دعنــــــــــــا نتحــــــــاور مع morshooo فى ضيافه طفله المنتدى من غير مانطول عليكوا فى المقدمات نسيبكم مع المقابله وموضوع النقاش عن (بـــر الــوالدين ) .................................................. .............. ازيك ياحج (متفكرش انى بقولك كدا ع اساس انك حجيت ولا حاجه بالعكس انا قصدى ع الشعر الابيض اللى فراسك والمخ المفوت دا ) دا على كدا شباب وبنات مصر كلهم حجاج ^_^ المهم بقى موضوع الحلقه عن بر الوالدين وعصيان الابناء ربنا يبعدنا عن العصيان ^^ اتفضل الاسئله خش برجلك اليمين ماهو بر الوالدين فى رأيك وكيف يحققه الابناء والله بر الوالدين بيكون ظاهر من ايام الطفوله ومع مرور الوقت بيكون جواهم احساس ببر الوالدين انا بشوف ان لو فى عصيان اتجاة الاباء بيكون السبب الوالدين ودا بيكون ناتج ممكن من التفرقه فى التربيه بين الابناء يعنى ممكن نشوف والد او والدة بتعامل ابن معامله مختلفه عن الاخر ودا بيكون الكره والعصيان اتجاة الوالدين . تحقيقه بيكون عن طريق الوالدين ازاى اقدر من خلال التربيه انى ازرع جواة بر الوالدين ودا كمان هيحصه اكتر لو الوالد بار باهله فى الاساس فاكيد انا كا أبن لوالدى لما بشوفه مهتم بوالديه اكيد هطلع بار بيهم هل تعتقد ان الابناء يحققون بر الوالدين كما هو واجب الله اعلم كل واحد وليه ظروفه وليه شخصيته بس انا مبحبش اشوف الدنيا سودا زى ما بيقولو ازا كان فى ابناء غير مهتمين ببر والديهم اكيد فى الكثيرين بيتمنو انهم يعملو كل حاجا لاهلهم عشان يرضو عنهم يمكن مشكلتنا دلوقتى ان الشباب او الابناء فى سن المراهقه مبيبقاش قدامهم الحته دى ( بر الوالدين ) . ويمكن بنشوفهم بيمشو كلامهم على اهلهم حتى لو فى الغلط بس دى مرحله اكيد وكلنا بنمر بيها . مارايك فى الابناء الذين يرفعون صوتهم فى ابائهم فى ابناء كتير على فكرة بيعملو كدا يمكن الاغلبيه فى مرحله المراهقه . ويمكن فى كمان فى مراحل تانيه ودا بستغربله جدا بجد يبقى الواحد معدى الـ 30 والا الـ 40 وتلاقيه ماسك والدة او والدته ونازل فيهم كل حاجا ^^ ومبيخدش باله ان الى بيعمله فيهم دا هيجى يوم واكيد هيتعمل فيه من اولادة . مارأيك فى الاب والام الذين يجرئون ابنائهم عليهم (مش يجرئون كدا بردوا ) انا قولتلك العيب فى التربيه فى اباء بيخلو اولادهم اصحاب القرار فى البيت مثلا فخلاص الابن بيطلع لازم كلامه يتنفذ مهما كان هو صح والا غلط ودا اكيد بيكون عيب من الاباء . هل تعتقد الدلع الابناء سبب فى جرئتهم على ابائهم دلع ازاى فى دلع ان اخلى ابنى مش محتاج حاجا ودا مش عيب يعنى مثلا اطلعه رحلات اطلعه رحلات مع اصحابه اجيبله وسائل ترفيهيه فى البيت اشتركله فى نادى ادخله لعبه معينه كل دا بقينا نحطه تحت بند ( دلع ) مع ان كل دا اى أب بيعمله مع اولادة بس كل أب وامكانياته الماديه . مارأيك فى طيبه الام الزائده مفيش ام مبتكنش طيبه مع اولادها ويمكن الام بتكون الاقرب لاولادها عن الوالد بحكم انها معاهم دائما وبعدين مين فينا مكنش محتاج حاجا من والدة ومرحش لمامته عشان تخلى الوالد يعملها كلنا بنخلى امهاتنا الوسيط بينا وبين والدنا ^_^ هل ترى ان الاب يجب عليه ان يكون غليظ الطبع اكيد بس مش بشكل مستفذ يعنى مش يكرة الاولاد فيه ولكن فى جزء اسمه التربيه يعنى فى صح وغلط وعقاب ومش معنى عقاب يعنى ضرب لا اكيد فى 100 وسيله اعاقب بيها اولادى زى مافى 100 وسيله اشجعهم انهم يكونو كويسين وناجحين فى حياتهم . مارأيك فى ان يكون الاب حنونا دا الطبيعى الاب مستحيل هيكرة اولادة وقولت لازم الاب يستخدم مبدء الصح والغلط والعقاب مع اولادة عشان مانرحش لحته ( عصيان الابناء ) مارأيك فى تعصب الابناء وحب معارضه ابائهم من سن 14 الاعتراض بيفضل لحد الـ 20 كمان ^_^ دى مرحله المراهقه ودا وضع طبيعى كل شاب بيلاقى نفسه بيكبر وكله بيعامله انه كبر وبقى راجل زى ماكانو بيقولو . بس زى ما قولتلك قبل كدا دى مرله وكلنا بنمر بيها وعلى فكرة اهلينا بيكونو عارفين الكلام دا . وايه رأيك فى غيره الاخوات ربنا يبعدها عننا ^_^ بصى فى كتير جدا بلاحظ ان الاخوات لازم يكون فيهم واحد بيغير او طماع او انانى .... الخ ودا بشوفه كتير جدا وبيحصل مشاكل كتيرة بسبب الحكايه دى والمشكله هتلاقى ان الاخ دا بيفوق بعد فوات الاوان بعد ما يتعب والا يحصل نصيبه بسبب طمعه زى ما بنشوف فى الافلام ههههه بس فعلا دى الحقيقه الى فى مجتمعنا . وايه رأيك فى الاسئله تمام مميزة جدا واتمنالك التوفيق .................................................. ..... وفى النهايه اشكر مورشو على الحلقه الجميله والاجابات الاجمل بس العضو لا نورتينى يامورشو ويارب الحلقه تعجبكوا افتحوا نفسى دى اول مره ليا فى برنامج مش تسدوا نفسى انا طيوبه تحياتى طفله المنتدى شكرا لяϊηĉєṣṣק هى اللى صممت الخلفيه والهيدر

[ساحر الأحزان]

أستضافة جميلة الاء مع مرشو

هو بعد الحوار دة تبقى طفلة

تبقى منى الشاذلى تعرفيها؟

بر الوالدين واجبة على الأبناء طالما لم يطلبو منهم الخروج عن طاعة الله

حوار جميل

منورين

[احسـ طفله ــاس]

اقتباس المشاركة الأصلية كتبت بواسطة ساحر الأحزان أستضافة جميلة الاء مع مرشو هو بعد الحوار دة تبقى طفلة تبقى منى الشاذلى تعرفيها؟ بر الوالدين واجبة على الأبناء طالما لم يطلبو منهم الخروج عن طاعة الله حوار جميل منورين

انت اجمل
المجملات هاتبدأ
منى شاذلى مين بس لالالا انا مش فلول ومش متبرجه زيها كدا :d:d:d
اه طبعا شوف يامورشوا عم الشيخ اتعلمو بقى

[دمعه حائره]

بدايه جميله ياالاء
والاسئله والحوار كان جميل جدا
نورت ياموروشو واستمرى فى البرنامج ربنا يوفقك

[morshooo]

اقتباس نورتينى يامورشو

كان ممكن افضحك وانزلك ( امسك )

بس يله انتى غلبانه ^_^

بشكرك على الاستضافه الجميله

وتوبيك ان شاء الله هيكون مميز دائما

[countess]

حوار مميز
الأجمل انك شكلك هتاخد ي كل حلقه لها عنوان من حياتنا الإجتماعية تناقشيها ’’

تشكرات ع الحلقه ي طفلة المنتدى ؛؛

[Ŗăήćy]

برنامج جميل جداَ يا آلاء
عجبنى موضوع الحلقة
وإجابات أ/احمد جميلة جداً كمان
تسلم إيدك ياقمرى,,واستمرى بقى
مستنية جديدك دايما

[ابراهيم دياب]

حوار رائع الاء

وضيف محترم واسئلة رائعة

اعجبنى الحوار جدا

بداية رائعة وموفقه بأذن الله

شكرا لكى ولضيفك الراقى

دمتم بكل مودة

[العاشق الذى لم يتب]

وأنا كمان أشكر الاخت اللى عملت الهيدر
وأشكر مرشو زعيم المذيعين
وكمان طلع زعيم المحللين
ماشاءالله عليك عاقل زيادة عن اللزوم
تسلم اخى الكؤيم
إجابات قمة فى التعقل والرزانة والتوضيح
وماشاء الله عليك داأنت مااطلعتيش طفلة المنتدى
طلعت عجوزة المنتدى أصدى خبيرة المنتدى
أتنبأ لك بمشروع مذيعة توك شو ناجحة ومتألقة
أسئلة جريئة ومتععدة
وبرنامج دمه خفيف وزى العسل
تسلمى اختى وبالتوفيق
وسعدت بوجودى معاكم
مودتى

[احسـ طفله ــاس]

اقتباس المشاركة الأصلية كتبت بواسطة دمعه حائره بدايه جميله ياالاء والاسئله والحوار كان جميل جدا نورت ياموروشو واستمرى فى البرنامج ربنا يوفقك

انتى اجمل
ان شاء الله ادعو النت مش يفصل بس :d