نظام ( يوميات الاعضاء ) الجديد لترشيح ( مشرف )

[morshooo]

بسم الله الرحمن الرحيم

اهلا بيكم جميعا ^^

العضوة ( Hearts Whisper )

كانت عرضت فكرة جديدة عشان يتم تطبيقها فى القسم

الفكرة كويسه جدا وهتساعد الاعضاء على الابداع

وطبعا قسم ( اليوميات ) الحمد لله الاعضاء مهتمه بيه

وشايف ان فى اعضاء اهتمت بالقسم واتشجعو انهم ينزلو مواضيع

واستضافات ودى حاجا كويسه جدا .

مش هطول عليكم بس حبيت اعرفكم بــ

( نظام قسم يوميات الاعضاء )

ان شاء الله هيتم تقييم ( افضل مواضيع الاعضاء ) كل اسبوع

من خلال لجنه متجددة اسبوعيا .

يعنى خلال الاسبوع هيتم ترشيح افضل المواضيع الى نزلت فى القسم

للجنه هيتم اختيارها اسبوعيا ودور اللجنه انها تقييم المواضيع دى

وتعلن عن الافضل .

اللجنه فى تقيمها هتنقد المواضيع يعنى هتشوف ياترى الحوار

كان مفيد والا لا ياترى مقدم البرنامج قدر يقدملنا حاجا جديدة والا لا

دا بخصوص الاستضافات .

بخصوص المواضيع الاخرى .

اللجنه هتقولنا ايه فائدة التوبيك وياترى صاحب التوبيك ابدع فيه والا لا

المهم يعنى ان هيتم دخول جميع المواضيع لتقيمها واختيار الافضل .

كمان الفائز هيكون ليه جائزة اكيد مقدمه من ( قسم يوميات الاعضاء )

وهتكون عبارة عن ( 250 مشاركه ) لافضل برنامج اسبوعيا .

الهدف من تطبيق الفكرة بصراحه كذا حاجا

يمكن اهمها بالنسبالى ( ترشيح عضو جديد للاشراف على القسم )

اكيد العضو الى هنشوفه بياخد تقيمات كويسه على طول اكيد

لازم يستحق انه يكون ( مشرف اليوميات ) .

ملحوظات

1 / : هيتم عدم دخول مواضيعى للتقيم ودا مش عشان مواضيعى اكبر من دخولها تقييم بالعكس
انا حابب عدم دخولها لان اختيار لجنه التقييم كل اسبوع هتكون من اختيارى .

2 /
Hearts Whisper هتكون مسئؤله عن اعلان النتائج فى توبيك اسبوعى ودا هيكون بالتنسيق مع
لجنه التقييم الى هيتم اختيارها اسبوعيا .

3 / هيتم تحديد 4 ايام اسبوعيا الاعضاء تقدر تنزل فيهم المواضيع والـ 3 ايام الاخرين هيكونو فرصه
لاعضاء لجنه التقييم للاطلاع على المواضيع وتقيمها .

ماتنسوش فرصتكم فى ( الاشراف على القسم ) انتو الى هتحددوها

والعضو الى هيحصل على ( 1000 مشاركه ) جائزة من اليوميات

هيكون هو المرشح الاول ^_^ .

بالتوفيق

[الملكة كيلوباترا]

بجد مجهود عالى منك يااحمد
وان شاء الله تلاقى تفاعل واقبال كثير
ودوام النشاط دايما ان شاء الله
^^

[Hearts Whisper]

هوا دا الكلام يا احمد
بس مقلتليش ليه انك هتربطها
بالترشيح للاشرااااااف ^_^
مجهود مميز وفى انتظار اول اسبوع

[اميرة الحب الضائع]

فكرة جميلة ويارب يوفق الجميع

[الأميرة رودي]

والله فكره جميله
وهتشجع ناس كتير على الابتكار والتجديد ف الاستضافات
هنشوف برامج جميله اكيد
تسلم ايدك يااحمد ومتابعين معاكم ان شاء الله

[phalsteen]

والنبي فكرة
حلوة يا مورشو
احنا بنثق فيك بئا
وهندخل بس البرامج ع مسؤليتك
ولا المونتاج هيشيل وكدة

[jasmean]

حلو العرض دآ ^_^
ان شاء الله نشوف برامج جديده
تسلم علي الفكره بالتوفيق

[Words Whisper]

فكرة التقييم حلوة
عشان بردو يكون الاختمام بالقيمة أكتر من الكم
وعشان أصحاب البروجرامات والمواضيع يستفيدوا ويكونوا للأفضل ..


شكراً بئا لحضرتك
ولـ Heart ..
دوام التوفيق ..

[beauty angel]

الله الفكرة قيمة جدا ومفيدة
ربط التقييم بالترشيح للاشراف أكيد هيحفز الاعضاء على الابداع والتميز أكتر
تسلم مورشوو للمجهود المميز
وتسلمى هارت فكرة حميلة
موفقين ..

[ايام من حياتى]

فكرة جميله ربنا يوفق الجميع