يوميات نور ...( لن اعيش فى جلباب ابي )

[big bốss]

النهارده هحكلكم موقف حصل

هو مشكله بنعانى منها فى معظم الاسر خصوصآ فى الصعيد

ليا واحد زميل كان مضايق و مخنوق النهارده فبسأله حصل أيه ؟ مالك

المهم هو متجوز و عنده اولاد بس لسه اطفال صغيره و والدته و عنده ارض

و معاه ولد كبير المهم الولد دا هو الى بيساعد والده و شيال هم الارض و الزرع

معاه و متكل عليه .

الاب فى الشغل صباحآ و اخر اليوم بيساعد ابنه فى الارض

و الابن شايل الارض و الزرع

طبعآ اى حاجه بيحتاجها الابن الاب بيدهاله

بس الى حصل بقا حالة تمرد

الابن قال لوالده انا عايز اشوف الدين عايز اشتغل و اقبض فلوس من عرقى

عايز اسافر زى الناس ما بتسافر و تشقى و تتعب عايز اكون نفسي بنفسي

عايز يكون ليا فلوس اصرف منها من تعبي مش اقول هات يا بابا

طبعآ الاب صدم و حاول معاه انه يرعى مصالح البيت

فالابن رفض حتى توصلت الامور الى ان الاب سافر غصبن عنهم

علشان يشتغل

طبعآ هديت الراجل و كدا

بس فكرة مين الغلط و مين الصح

دى مشكله منتشره فعلآ فى بيوت كتير

الابن هنا مش غلطان من منظوره عايز يشتغل و يحس انه راجل و يصرف من جيبه

و يكون نفسه و يعتمد على ذاته مش عايز يفضل دايمآ يمد ايده لابوه

و الاب هنا شايف نفسه صح لانه عايز ابنه يساعده فى البيت لانه خلفه ورباه و علمه

علشان يساعده و يسند عليه


طبعآ المبررين صح و مش هنقدر نحكم مين الغلط

انا عن نفسي مش قادر احكم

بس فيه حاجه الانسان لما شايف انه له حق على ابنه لازم يعمل حساب ان ابنه له حق عليه

الانسان المفروض يحسبها و يدرسها صح مش يخلف و يجيب عيال وراء بعض

و مش عارف يعنى ايه تربي ابنك صح

مش شايف غير انه يوكله و يشربه و يجبله الى هو عيزه و يبقى كدا ادى الامانه الى عليه

و ابنه له حق الطاعه و الولاء

لاطبعآ كلها افكار غلط و للاسف بتخلق مشاكل من فراغ و من سؤ تخطيط

عايز اعرف رايكوا انتو كمان

[واد حبيب]

شوف يا نور
انا كنت بعمل كده بس ايام الدراسه كنت بساعد والدي في شغل الارض هوه كان بيروح الشغل الصبح وبيرجع اخر النهار بكون انا عمل كل حاجه في البيت والارض وكنت باخد اللي انا عوزه من البيت اي حاجه كنت بقول عليها كنت بخدها لدرجه اني اخواتي كانو بيقولو محمد المميز بينا
برغم من ده كله كنت بطلع اشتغل برده وبجيب اللي انا عوزه كله
بس لما خلصت دراسه قولت عوز اسافر في الاول اهلي رفضو موضوع السفر ده
لكن انا كنت مصمم اني اسافر علشان اكون نفسي
كان املي الوحيد من السفر ده اني اعمل ليه ولخواتي بيت جميل كده زي بيوت الناس
اهلي لما لقوني مصصم علي السفر شجعوني علي السفر وشجعوني اني اعمل حاجه لنفسي ومستقبلي
بس المشكله مش انك تسافر اي دوله وخلاص لزم علشان تسافر تختار دوله تقدر تحقق فيها احلامك
انا دلوقتي الحمد لله تقريبا كده عملت اللي انا عوزه كله وعملت مستقبلي من شغلي وغربتي
وجاااااااااااااااري عمل اهم حاجه من ده كله الجواز يعم نور هههههههههههه

[شاعر واسير الحب]

المستقبل الان موجود بين تفكيرك واختياراتك الصح
اذا اردت السفر اختار بلد لايوجد بها مشاكل وان تقضي اوقات السفر في عمل انت بتحبة
اما حكاية الرفض من الاهل من تخوفهم علي الفرد
لن تعيش في جلباب ابي الان منتشرة ومجودة ولكن في الاتجاة الصحيح بعد ان يتم مواجهة الصحيحة والاقتناع الصح من الاهل والابن ويكون هناك القرار
دمت بخير

[ويبقى الأثر]

شوف يانور ده حال كل الاسر المصريه
ان يكون فى ابن سواء الاكبر او الاصغر او الاوسط
اللى بيكون اقرب للاب فيهم انه يمشى على خطاه زى مابتقول
يعيش بجلباب والده لان دى ارضه او دكانته واللى مفروض هيكونو ليه بعد وفاة والده

لكن لو الابن شاف انه ممكن ينجح فى عمل تانى بعيد عن والده عادى
لكن بعد دراسه طبعا ويثبت لوالده بعد كده انه كان صح لما خالفه
لكن مش يروح يجرب عمل ميعرفش عنه شئ لمجرد بس الرفض ورفع رايه العصيان على وضع مش عاجبه

دى رأيى ودمتم

[روح صامتة]

على فكرة الموضوع دا هوة اللي خلى الناس تسيب القرى وتروح ع المدن ..
هو ان الشباب نفسها تشتغل ف مكان وتكون نفسها وتاخد فلوس ,,
وان الارض عايزة حد يرعاها ..
بكده القرى هتتشال خالص ,, انا رائي ان الولد دا لازم يوفق بين الاتنين ..
على ما ربنا يفرجها عليه لازم يجيب حد يساعد باباه ..
لانه حلمه لازم يكون برد واقعي ,, ولازم يقدر باباه..
بص انا دا رائي ,, لان انا مش هديك راي اقترح قبل كده
ربنا يوفقك .. ويوفقه ,,
ارق تحياتي

[Lamees]

مش غلط ابدا ان الابن يستقل عن ابوه
هي دي الطبيعة ان كل شخص يستقل بشغله وحياته
ويحس انه عمل حاجة لنفسه من عرق جبينه
ولازم الاب يعرف ده وميعارضش ابنه في مستقبله
ولازم الابن برضه يساعد والده كلما سمحت ظروفة
عشان هو ليه حق عليه
كنت هنا
روني

[الابتسامه المصريه]

الابن عنده حق

والاب عنده حق

انا بخلف عيال ليه علشان يكونوا معى وقت الحاجه ليهم
هى مشكله فعلا
لان الابن حقه ان يشوف مستقبله
لان بعد عمر طويل لابيه هتتوزع الارض على اخوته
واكيد نصيبه مو هيكفيه

يعيش هو واولاده وبيته وعايز يعمل حاجه لاولاده

فالاب لايزعل ويعرف ان دى سنة الحياة
يجيب حدا يراعى الارض معى ابيه
وهو يشوف طريقه ومستقبله

[مشتاقه للجنه]

بصراحه من حق كل شخص الأستقرار وصنع مستقبله

بما يحبه هو ...
مع ان فكرة ترك الاب وحيد غلط وممكن يكون الأب شايفها
نوع من أنواع الجفاء ولكن يجب ان يعرف ام كل له ميوله وحياته
ربنا يوفقك يا نور

ولكن

[big bốss]

اقتباس المشاركة الأصلية كتبت بواسطة واد حبيب شوف يا نور انا كنت بعمل كده بس ايام الدراسه كنت بساعد والدي في شغل الارض هوه كان بيروح الشغل الصبح وبيرجع اخر النهار بكون انا عمل كل حاجه في البيت والارض وكنت باخد اللي انا عوزه من البيت اي حاجه كنت بقول عليها كنت بخدها لدرجه اني اخواتي كانو بيقولو محمد المميز بينا برغم من ده كله كنت بطلع اشتغل برده وبجيب اللي انا عوزه كله بس لما خلصت دراسه قولت عوز اسافر في الاول اهلي رفضو موضوع السفر ده لكن انا كنت مصمم اني اسافر علشان اكون نفسي كان املي الوحيد من السفر ده اني اعمل ليه ولخواتي بيت جميل كده زي بيوت الناس اهلي لما لقوني مصصم علي السفر شجعوني علي السفر وشجعوني اني اعمل حاجه لنفسي ومستقبلي بس المشكله مش انك تسافر اي دوله وخلاص لزم علشان تسافر تختار دوله تقدر تحقق فيها احلامك انا دلوقتي الحمد لله تقريبا كده عملت اللي انا عوزه كله وعملت مستقبلي من شغلي وغربتي وجاااااااااااااااري عمل اهم حاجه من ده كله الجواز يعم نور هههههههههههه

ربنا معاك و يوفقك

ان شاء الله

هو الشاب الجدع الى مفروض يخطط لحياته كلها و يدرسها صح

[big bốss]

اقتباس المشاركة الأصلية كتبت بواسطة شاعر واسير الحب المستقبل الان موجود بين تفكيرك واختياراتك الصح اذا اردت السفر اختار بلد لايوجد بها مشاكل وان تقضي اوقات السفر في عمل انت بتحبة اما حكاية الرفض من الاهل من تخوفهم علي الفرد لن تعيش في جلباب ابي الان منتشرة ومجودة ولكن في الاتجاة الصحيح بعد ان يتم مواجهة الصحيحة والاقتناع الصح من الاهل والابن ويكون هناك القرار دمت بخير

فعلآ التمردد على البيت و الخروج من الشرنقه دى ظاهره صحيه

و مش منتقده

بس لازم يدرسها و يخططها صح

بالتوفيق يا شاعر