لقاء حصرى مع طالب دحيح

[Hearts Whisper]

اهلا بيكم معانا اليوم وحوار خاص مع طالب غلبان من المذاكرة زعلان وخايف يجيله يوم الامتحان ويرجع منه ندمان اه منك يا زمان والنعمة انفع احم احم نعود للواقع >> وهنا نلتقى بضيفنا اهلا بيك معانا ؟؟ اهلا بحضرتك اتفضلى ميرسى اوى عرفنا بقا بنفسك ؟؟ انا حموكشة واسم الشهرة الدحيح عندى 18 سنة طب قولنا ايه حلمك دلوقت ؟؟ عايز انجح واجيب كلية حلوة بس اعمل ايه مش بعرف اذاكر غير 23 ساعة بس هجيب انا كلية حلوة ازاى قولولى اجيبها ازاى (يا ابن المفترية 23 ساعة دانا بكتير 3 ساعات ) فى عقلى طوبعا :d بس انا شايفة ان 23 ساعة كتير اوى على المذاكرة ولو انتا عايز تبقا احمد زويل مش هتذاكر 23 ساعة دول لا والله دول قليلن اوى كمان وبعدين احمد زويل مين دا الى اكون زيه احمد زويل ميعرفش يذاكر 23 ساعة دول الى زيه دول عايزين يغدوا يفكروا هيعملوا ايه انا بدخل فى السبوبة على طول المذاكرة امال ايه (انا حاسة انى بكلم بلطجى مش طالب ثانوية ) ودا فى سرى طبعا احسن اتضرب يعنى انتا شايف ان المذاكرة الكتير دى افضل من انك تفكر على كدا بقا هنلاقيك فى المستقبل عالم من نوع خالص ^^ اه امال ايه دانا هبقا التوب فى العالم دا مش هيكون حد زيى بس احاول بس ازود 23 ساعة دول احسن هضيع والله يا وديع (وديع مين كل الانوثة دى ووديع ) هقولكم تانى يعنى فى سرى طيب ربنا يعينك بقا وتحاول تزودهم قولنا بقا طول السنة بقا كنت بتروح المدرسة ولا ايه نظامك مدرسة ايه انا معرفش اصلا مين المدرسين الى عليا انا من الدروس للبيت ومن البيت للدروس المدارس دى بقت حرام دا حتى المفتى قال كدا اسألوه انا هكدب يعنى المفتى قال المدارس حرام طيب يا سيدى تصدق بكدا هتريح نص طالبة البلد ههههههههه يلا يا جماعة افراج نرجع بقا لموضوعنا قولنا قولنا مالك كدا مكتئب يعنى رغم انك بتذاكر كتير اوى ماشاء الله انا مش بحسد انا بقر بس عندى امتحان اضحك يعنى والله هسقط طيب قولنا مش بتحس بغيرة وبحقد منزمايلك على تفوقك وكم المذاكرة دى اه والله لما بقابلهم فى الدروس بحس كدا بس انا مش بقا فاضيلهم اصلا بعد ادور على الاسئلة الى هسأل فيها المستر اسقط يعنى لا ياعم ولا تسقط ولا حاجة ركز فى مذاكرتك وربنا يوفقك وكفاية كدا انا حاسة انك هتقوم تصربنى وبكدا يكون لقائنا خلص ونتمنى تكون رسالتنا وصلت ورسالة لكل طالب اوعاك تبطل دح اوعاك تحاول تفهم احفظ وانتا هتنجح طول مانتا بتتعامل مع المناهج المصرية هع هع هع اجرى انا احسن تيجوا تزرونى فى امن الدولة ههههههه

[اميرة الحب الضائع]

حلقة جميلة جدا
وحلو اوى الطالب الدحيح بس دا اكيد مكنش بيزاكر داكن بيبلطج على الكتاب

احيكى

[M.B]

23 ساعه علي النعمه لو قعدت 23 دقيقه علي بعض اذاكر يبقي انجاز ههههههههههههههه

تسلمي

[محمد خطاب]

هههه 23 ساعه ماشاء الله

المهم فى ناس تقعد على الكتاب نص ساعه بتركيز افضل من ناس تفضل ماسكة الكتاب 24 ساعه بدون تركيز وعمال يردد الكلام زى الببغاء وخلاص لكن بردوا فى حاجات فى المناهج لازم تحفظ .

عشان كده يجب علينا اننا نوازن بين المواد العلميه التى يجب ان تحفظ والاخرى اللى تفهم والاخرى اللى تفهم وتحفظ وده دور المدرس هوه اللى يقولك دى تحفظ ودى تفهم ودى تحفظ وتفهم .

شكرا على الطرح المميز جدا ,,,

[حَرفُُ هجآءّ]

ده بلطجى مش طالب خالص
حلقه جميله ياشيماء

تسلمى

[Hearts Whisper]

اقتباس المشاركة الأصلية كتبت بواسطة اميرة الحب الضائع حلقة جميلة جدا وحلو اوى الطالب الدحيح بس دا اكيد مكنش بيزاكر داكن بيبلطج على الكتاب احيكى

ههههههههههههه انا بقول كدا برضوا حبيت اعم لجو للموضوع
نورتينى يا عثل

[مِسكُ الشَهادة]

والله في ناس في ساعة تفهم كل حاجة وفي ناس محتاجة إسبوع حتى تفهم حاجة ههههههه
حوار شيق ولطيف
مشكورة يا أختي ربنا يكرمك

[Hearts Whisper]

اقتباس المشاركة الأصلية كتبت بواسطة killer eyes 23 ساعه علي النعمه لو قعدت 23 دقيقه علي بعض اذاكر يبقي انجاز ههههههههههههههه تسلمي

هههههههههههههههههههه ايه يا عم الى هيوصلك لى دا
دا عالم من نوع خاص هههههههههههه
نورتنى يا كابتن

[Hearts Whisper]

اقتباس المشاركة الأصلية كتبت بواسطة محمد خطاب هههه 23 ساعه ماشاء الله المهم فى ناس تقعد على الكتاب نص ساعه بتركيز افضل من ناس تفضل ماسكة الكتاب 24 ساعه بدون تركيز وعمال يردد الكلام زى الببغاء وخلاص لكن بردوا فى حاجات فى المناهج لازم تحفظ . عشان كده يجب علينا اننا نوازن بين المواد العلميه التى يجب ان تحفظ والاخرى اللى تفهم والاخرى اللى تفهم وتحفظ وده دور المدرس هوه اللى يقولك دى تحفظ ودى تفهم ودى تحفظ وتفهم . شكرا على الطرح المميز جدا ,,,

اه طبعا التركيز اهم حاجة بس مش اى حد بيتبع كدا
وفى طالبة حتى لو اتحددلهم هتحفظ ايه وهتفهم ايه
بيستخدموا الحفظ فى كل حاجة

ميرسى اوى اوى لمرورك وكلامك
اسعدتنى

[Hearts Whisper]

اقتباس المشاركة الأصلية كتبت بواسطة Ļẻtסĩ√ ده بلطجى مش طالب خالص حلقه جميله ياشيماء تسلمى

هههههههه اه طالب من نوع خاص هههههههه
نورتينى يا اسيل