اطفال بتسوق تكاتك

[big bốss]

هل اصبحت السواقه سهله الى هذه الدرجه ؟

هل اصبحت ارواح الناس رخيصه الى هذا التمن ؟


كيف لطفل لم يبلغ ال 13 و يسوق تكتك و معه ارواح ناس و يمشي وسط

سيارات النقل و السيارات السريعه

اين الشرطه و القانون ؟

اين شرطه المرور ؟

اين صوت الحق هل من اجل المال نفعل و هل هذا مبرر ؟

[دمعه حائره]

انا شوفت الحكايه دى فى فيلم ماتخليتش تكون حقيقه
اكيد اهمال من الحكومه والشرطه ازاى يتساب بالشكل ده
التوك توك عموما مش مصرح بيه داخل المدن كل ده مخالف
وممكن يكون فى القرى او المناطق العشوائيه
اكيد ظاهره مرفوضه

[اسيل الفلسطينية]

للاسف هذه الظاهرة منتشرة بكثرة بسبب الاهمال والتسيب من الاهل اولا
ومن القوانين وادارة السير ثانيا كيف تسمح لمثل هذه الفئة المخاطرة بارواحهم
وارواح الغير وكم سمعنا عن حوادث اختطف فيها الموت الكثير من الابرياء
نتيجة لهذا التسيب والاهمال المسألة ليست حرية شخصية طالما الضرر يلحق بالمجتمع كله
والكلام ايضا يشمل بعض السائقين ايضا ولس الاطفال فقط
هناك فئة من السائقين فقدوا ادنى الاخلاق في القيادة وعدم الالتزام بالقوانين
وكانت نتيجة ذلك حوادث مرعبة وضحايا كثر
مشكور اخي نور يعطيك العافية

[ღ Gի๐sτ ღ]

طيب مسألتش نفسك واحد زى دة عنده 13 سنة اية اللى يخليه يسوق توك توك ؟
ماهو اكيد اهله حالتهم المادية صعبة ومفيش فلوس وبالتالى بيشتغل فى اي حاجة يقدر يشتغلها

يسوق توك توك ..تقولوا فين الشرطة والقانون !!
يتجه للبلطجة وبيع المخدرات تقولوا فين الشرطة والقانون !!

طيب يعمل اية عشان ياكل عيش ؟ مش كل حاجة تفرضها على المواطن بالغصب والقانون
الحكومة تعمل اللى عليها وتقدم الواجبات لكل الشعب ومواطن زى دة يعيش حياة كريمة من غير مايحتاج
بعدها ابقى اتكلموا عن الشرطة والقانون .. انما مش يبقى ولا لاقى ياكل بسبب اهمال المسؤلين فى البلد
ولما يشتغل فى حاجة صعبة عليه بس غصب عنه عشان ياكل منها عيش تستخدموا اسلوب القانون عليه وبالتالى هايسيب الشغل ويتجه للمخدرات وبردوا هاتقولوا القانون ومصيره هايكون السجن او الموت !!

شوف ردى دة وافهمه كويس بعدها عد بقى كام من عشرات الاف الشباب حياتهم اتدمرت بسبب اهمال المسؤلين عنهم وغصب عنهم يلاقوا نفسهم بين الشوارع والمخدرات رغم انهم من جواهم كويسين ولكن الظروف لما تحكم بحجة القانون
دة اللى بيطلع من هندسة مش بيلاقى شغل فى البلد عايز اللى بيبقى لسة طفل يعرف يشتغل !

الحكومة بتهمل الشباب دول وبنيجى نقول القانون ،، الطبيعى انك تقول فين الحكومة اللى دورها انها ترعى كل واحد ويتقوم صح ولما يكبر يفيد المجتمع ! بمعنى ( نرعاه مش نطبق عليه القانون )
لأنه مش مذنب ولكن اهمال الحكومة هى اللى وصلته للحال دة فى وقت هو محتاج فيه الرعاية
دة مثال بسيط ،، فيه كتير جدا من الناس الظروف بتغيرهم للأسوء بسبب الاهمال دة

[احساسى صحيح]

فعلا يا نور دى اصبحت ظاهرة واضحة جدا
خاصا فى مصر
بل الادهى ان الاطفال اللى بيسوقوا اقل ما ذكرت انتا بكثير
لانى رأيت من هم بسن 9 سنوات واقل ايضا وباعصاب حديدية
هى دايما المناطق الفقيرة بتكون فيها كل شىىء غير طبيعى
وغير مألوف ودى حاجة اصبحت عادية جدا فى مصر الان
بالنسبة ليا الاطفال أمان اكثر من الكبار
لأنك لم تواجة سواقيين التوكتوك او تتعرف عليهم بطريقة مقربة
سائقى التوكتوك عموما من اغلبيتهم سوابق ومسجلين فا الاطفال ارحم بكثير
يمكن تكون دى وجهة نظر مختلفة ولكنى انظر لها من تلك الزاوية
لأنك لو سمعت عن حوادث التوكتوك,, فيها حكايات لها العجب وتجعل الشعر يشيب
.
شكرا نور ع اطروحتك
دمت بكل خير
تحياتى .

[ٻڼوُﭠہ مَصَــ♥ـــرُﭜہ]

للاشف هذه الظاهرة منتشرة جداً
وهذا اهمال الحكومة والشرطةة
وايضاُ القانووون وايضاً هناكـ
حوادث كثيرة و هذه منتشرة جداً
وهذا ايضاً بسبب اهمال الاهل !!
لان هذه الظاهرة محتاجة نقاش
ويجب ان تكون هناكـ قوانين
كى لا يحدث حوادث او اى شئ
.....................
بجد موضوع محتاج النقاش
تسلم يا نور عليهـ

[Lamees]

اكتر حاجة فيها اهمال هي ارواح الناس
وهي جات على التكاتك طب قول يمسكوا البلطجية والنشالين الاول
بلد مافيهاش سائل ولا مسئول
انت عارف بالتحديد المشكلة فين
ان التكاتك لحد دلوقتي مفيهاش ترخيصات
زي العربيات وكده وكمان انها بتمشي في المناطق العشوائية
بعيدة عن المرور ومفيش رقابة في الاماكن دي
وربنا يستر

[big bốss]

اقتباس المشاركة الأصلية كتبت بواسطة دمعه حائره انا شوفت الحكايه دى فى فيلم ماتخليتش تكون حقيقه اكيد اهمال من الحكومه والشرطه ازاى يتساب بالشكل ده التوك توك عموما مش مصرح بيه داخل المدن كل ده مخالف وممكن يكون فى القرى او المناطق العشوائيه اكيد ظاهره مرفوضه

فعلآ هو ظاهره مرفوضه بس تنامت و كبرت بسبب انعدام الحكومه و غياب القانون

شكرآ منه

[بلدنا في القلوب متشاله]

مش اول مره نشوف شباب صغار مطلعوش من البيضه بيسوقوا تكاتك

فعلا حاجه تخوف..

واكيد دي ظروف بتخلي الواحد يعمل اي حاجه عشان يجيب فلوس..

بس دي اكيد حاجه غلط المفروض الشرطه تخلي بالها منها....


شكراا

[big bốss]

اقتباس المشاركة الأصلية كتبت بواسطة اسيل الفلسطينية للاسف هذه الظاهرة منتشرة بكثرة بسبب الاهمال والتسيب من الاهل اولا ومن القوانين وادارة السير ثانيا كيف تسمح لمثل هذه الفئة المخاطرة بارواحهم وارواح الغير وكم سمعنا عن حوادث اختطف فيها الموت الكثير من الابرياء نتيجة لهذا التسيب والاهمال المسألة ليست حرية شخصية طالما الضرر يلحق بالمجتمع كله والكلام ايضا يشمل بعض السائقين ايضا ولس الاطفال فقط هناك فئة من السائقين فقدوا ادنى الاخلاق في القيادة وعدم الالتزام بالقوانين وكانت نتيجة ذلك حوادث مرعبة وضحايا كثر مشكور اخي نور يعطيك العافية

التسيب و عدم وجود قانون و اغفال المسئولين

هو ما ادى الى انتشر تلك الظاهره

شكرآ اسيل