مبقتش فارقة اي حاجة

[زهرة الياسمين]

لما حد ميكونش اتعامل معايا مباشرة وميكونش عرفني بجد

ويحكم عليا ويرسم خيالات فدماغه .. بناء على كلام ناس خانوني واتكلموا عني وحش او طلعوا سري او وصلوا كلامي

ولما يشوفوني يضحكوا في وشي وهو مجاش واجهني ولا فهم الكلام ده اتقال ازاي وليه.. او بناء على تصرف صدر مني هو معرفش ايه مبرره ومواجهنيش عشان يفهم السبب

يبقى فالحالة دي حقيقي مش هيفرق معايا اي حاجه تحصل منه وفي نفس الوقت انا لا هكرهك ولا هشتم فيك ولا هدعي عليك ولا هعمل اي حاجه

ربنا يسهلك .. اصلا مش هيفرق في حاجه اي فكرة تكونها عني او اي تصرف تعمله معايا لان حتى الزمالة مبتربطناش
مش هدافع عن نفسي ولا هقول مبعملش حاجه من ورا اهلي ولا هبرر حاجات اتحكت لك .. لان دي حاجه تخصني ومش من حق حد حتى يعرفها على الاقل حد مبيربطنيش بيه مجرد الزمالة زيك

عايز تتوسم الخير وتفهمها صح .. اهلا وسهلا .. عايز تفهم تفسيرها عشان متفهمش غلط بس تفهم تفسيرها مني انا وبعدها تقرر تصرفك هيبقى ازاي.. كمان اهلا وسهلا

عايز تفسرها على كيفك وتبني على اساسها تعاملك معايا كمان اهلا وسهلا
اصلا كل واحد شكه بيكون على حسب تفكيره

يعني ببساطه لو انت فتصرفاتك بتبقى نيتك خير لما يتحكيلك حاجه عن حد هترفض تفسره بأي حاجه غير الخير الا لو اتأكدت بنفسك واتعاملت معاه ولقيت عكس كده

انا مش همدح في نفسي ولا تكبر ولا ببرر لنفسي حاجه
بس اللي دخلوا حياتي بجد عارفيني كويس ولو كنت وحشة معاهم مكانوش فضلوا معايا كل الفترة دي

وانا بحمد ربنا عليهم .. وبكتفي بيهم
ووجودهم في حياتي كفيل بإنه ينسيني اي تصرف من اي شخص واي فهم غلط من اي حد
ربنا يحفظهم ليا وميحرمنيش منهم يارب

[سهـــر]

بقابل كتير في حياتي من النوعيه دي
دول للاسف عقليات مريضه
ما ينفعش ندعي عليهم احنا ندعلهم بالهدايه احسن
لو الواحد حط في دماغه انه اي كلمه بيقلها افترى وظلم هتترد ليه في يوم من الايام
محدش يتكلم عن اي حد بطريقه وحشه ابدا بس مفيش عقول للاسف

[-esraa-]

فعلا ناس مالهمش فايدة في اي حاجة

لما اي احد يكون بينكوا خلاف قام طلع كلام وسوء شكلك ده يبقى مستنين منه ايه ؟

العيب اولا من اللي عمال يطلع في كلام وجزائه عظيم عند ربنا
وكمان من اللي صدق الكلام ده من غير ما يعرفك ,

ربنا يهـــدي

[phalsteen]

اغلبية الناس للاسف بقت من كتر الفراغ
بترتب احداث وبتربطها ببعضها وتكون قصة
حتي لو ماكنتش موجودة غير في خيالهم المريض

عموما لو التفتنا للناس
مش هناخد غير التعب وحرقة الاعصاب
ربنا يهدي الجميع