عايش فى الضلمة .

[أحمد الخزرجى]

عايش فى الضلمة .

لا تكييف شغال ولا حتى مروحة ..
لا عارف أعمل حاجة ولا أقضى مصلحة
100 سؤال جوايا مين اللى طفى النور..


لو الوزارة تعبانه نجبلها دكتور ..
الولاعات فى الشارع بقت اشارات مرور

فجأه النور جه قولت أجيب اللاب ..
وانا باجرى النور قطع ولبست فى الباب ..
وقعت أوام على الأرض قولت ابو ام دى عيشه هباب

مين ابن التيت اللى طفى النور ..
سمعت أخويا وهو جى ومش شايف قدامه ..
وان النور يجى ياعينى ده اكبر احلامه

لبس فيا ووقع جمبى

قومت جريت زى المسروع عايز ادخل الحمام ..
لقيت نفسى فى المطبخ وخبطت فى الرخام ..
حسيت بدماغ غريبة قولت اشطا تمام ..
مش لاقى للمصيبة حل غير انى انام

قولت اروح الأوضة

مشيت ماشية غريبة مشفتهاش أكنها على الموضة..
دخلت من الباب ادور على السرير الدنيا كلها سودة..
لقيت صوت امى بتقولى رايح فين جاتك شكه..
قولتلها داخل انام قالتلى ارجع يا اهبل انت كدا بره الشقة ^_^

[توحد ارواح]

هههههه
الاسلوب جميل و بسيط جدا
و بيعبر عن واقع عايشينه
بس واقع مضحك بطعم المراره
مش عارفين نضحك
و لا نبكى على ما وصل اليه حالنا
الصيف اللى فات
كان النور بيقطع كل يوم مره
انما الصيف ده حاجه فظيعه
ربنا يلطف بينا وييسر لنا امورنا

راااائع و طريف
شكرا اخى
فى حفظ الله

[أحمد الخزرجى]

اقتباس المشاركة الأصلية كتبت بواسطة توحد ارواح هههههه الاسلوب جميل و بسيط جدا و بيعبر عن واقع عايشينه بس واقع مضحك بطعم المراره مش عارفين نضحك و لا نبكى على ما وصل اليه حالنا الصيف اللى فات كان النور بيقطع كل يوم مره انما الصيف ده حاجه فظيعه ربنا يلطف بينا وييسر لنا امورنا راااائع و طريف شكرا اخى فى حفظ الله

شكرا للمرور العطر

[Lamees]

ههههههههههههههههه
جميل جدا وصف دقيق
لمعاناتنا مع النور
اسلوب جميل وخفيق
يدخل القلوب
شكرا للطرح