" بــــآبــ مقفــــــل "

[Şα3Đ..♥]

بابي مقفل

بابي معصلج مش راضي يفتح
بابي مكشر مش راضي يفرح
بابي مقسي عليا المطرح
ما اهو طول عمره باب مقفل

بابي علي طول فيا معاند
بابي ده بلوه وأساه جامد
اصرخ ابكي افضل ساكت
لا بيتهزز ولا يسترجل

بابي كالونه نوعه رخيص
بابي مبيخلاش من التفعيص
وشكلي هلم هدومي ف كيس
واهج واسيبله البيت وارحل

بابي ده لا تيك ولا سينديان
بابي من النوع الخربان
بابي مكحكح باب عدمان
بابي ده ابن كئيبه ومأصل

بابي مفصلاته سابت
واعقابه اتاكلت واهي دابت
بابي بيفضل علي طول ساكت
بابي الهم هراه واتفتل

بابي بقي لون خشبه شاحب
بابي اخره يبقي موارب
وازاي بس هيبقالي صاحب
وانا طول ما اهو بابي مقفل

بابي باينو عاجبه الحال ده
وانا مفييش حيل لمناهده
ماهو يا يحن عليا ويرضي
يا هاسيبله المطرح واعزل

اهو بكره احوش قرشين
واشتري باب ميكونشي حزين
او اغير حتي الكوالين
واطلع بئه بمزاجي وانزل

[حلم عمري]

كلمات جميلة اوووي
بتعبر عن معني رائع
انا رايي ان انت تغير الباب خالص ههههههه
تسلم علي الطرح
بانتظار كل جديدك

[Words Whisper]

في رواية ( عابر سرير )
كان رسام يُكثِر رسم الجسور والأبواب -زيان-
أحدهم رأى الأبواب فقط تمثل حال [وطن]
وماكانت أبوابه إلا لفاجعة !!~


بكل حال فالأبواب مجرد كناية عن [حال] ..~


طرح راقٍ
شكراً ..
دوام التوفيق ..

[Şα3Đ..♥]

اقتباس المشاركة الأصلية كتبت بواسطة حلم عمري كلمات جميلة اوووي بتعبر عن معني رائع انا رايي ان انت تغير الباب خالص ههههههه تسلم علي الطرح بانتظار كل جديدك

متشكر جدا علي اهتمام حضرتك
اتمني ان تكون الكلمات بتعجبكو
وشكرا علي كلامك

[مش واقفة على حد]

طرح رائع وتسلم ايدك

[تناهيد الغرام]

تسلم ايدك
لك تحياتي