محلاها العيشــه فـي السعــوديـــه

[Şα3Đ..♥]

محلاها العيشه ف السعوديه
وهجر الفول والطعميه
ويا محلا الجاليه المصريه
والشغل ف بلاد بره

محلاها عيشه الدولارات
ف قطر ولا ف الامارات
ويا محلا كتر الزيارات
لقرايبك والجار بالمره

فضيتوا مكاننا يا جماعه
ويا مر هجركوا لو ساعه
وسيبتوا الجنه هتبقي مجاعه
ويا مراحب بالعيشه المره

ليه انا ابني حاجات مش ليا
ويتكحموا ويمرمطوا فيا
ويا محلا العيش السعوديه
طول ما هي كانت الفيزه حره

انا عمري ما اسيب امي وابويا
ولا اجيب حتي فيزه لاخويا
انا اجيب البذره والميه
ونعمر ف الارض السمره

[Angel Smile]

جمييل اووى كلامك

طرحت الصورة من الزاويتين

يسلموا قلمك كتيير

[مشتاقه للجنه]

الله الله على الكلام الجميل الدال على الانتماء وحب الوطن

ده حتى لو معاك فيزا حره

موفق يا محمد

[الأميرة رودي]

يامحلا العيش فى مصر لو هناكل تراب
والسعوديين برده بيحبو بلدهم ويقولو يامحلا عيش السعوديه
كل واحده نهايته فى وطنه وحبه الوحيد بيكون لكل شبر فيها
جميله كلمات يامحمد والآجمل هى الخاتمه .
تســلم وموفق يارب

[زهرة الياسمين]

فعلا يامحلى العيشة في السعودية
بلد جميلة وهادية
كفاية اننا حاسين ان لينا فيها كرامة احسن من بلدنا

شكرا لطرحك
واكيد برضو مصر بلدي بحبها مفيش كلام
بس حقيقي بجد يامحلى العيش في السعودية

[العاشق الذى لم يتب]

طبعا السعودية باعتبار فيها الأماكن المقسة وفيها اداءفرض الله فأكيد الكل يريد أن يعيش فيها
لككن عيشة حريو وليس استعباد كما يفعل الكفيل
وطبعا كل العرب أخوة وربك أمرنا أن نتزاور وليس فى ذلك حرج
ولكن لم يأمرنا بأن يحتكربعضنا بعضا
ربك يغنى الكل فى وطنه
سلمت أخى ودمت كلمات معبرات جميلات
مودتى

[مش واقفة على حد]

كتير حلوة

[Words Whisper]

مهما كانت مكاسب الغربة المادية
فمعها ألف ألف خسارة أخرى دواخلنا
ويكفي للشعور بهذه الخسارة
تطاول ابن بلد على أجنبي وأن يُعامَل ألا حق له
إن شاء فليشكو لكن لاشيء له
وقد يستيقظ يوما ليجد أن كفيله قرر ألا حق له عنده ..~


راقتني
ولي أيضا تعليق عليها
لكن حتى لاأخرج على الفكرة سأكتبه بمدونتي ..


شكراً ..
دوام التوفيق ..

[تناهيد الغرام]

روعة
روعة


تسلم ايدك
لك تحياتي