" إن بعض الظن إثم " عن ~ تجربة

[so0oka]

ّ~ مســـــاء الفل ~

"إن بعض الظن إثم "

حسيت بمعني الآية دي بجد ... تجربة حصلتلي من فترة قريبة جداً

" مريت بتجربة حلوة بس انتهت .. لما انتهت كنت محتاجة لحد يقف جمبي ساعتها وكنت متصورة ان الشخص ده المفروض هيكون اقرب انسانة ليا وهي تؤام روحي صديقتي العزيزة بعد ما خلصت التجربة دي كنت اكيد محتاجاها أووي ... استنينت يوم واتنين وتلاثة ووصلت لاسبوع .. ملقتش أي إهتمام .. استغربت قولت برضو يمكن أكون انا اللي غلطانة .. قولت اقولها ممكن تكون مش حاسة اني محتاجة ليها .. اشتكيت ليها قولتلها محتجاكي اوي .. قالتلي هتصل بيكي النهاردة ونتكلم ( لاننا مش ساكنين في منطقة واحدة )
استنيت الاتصال علي احر من الجمر .. فات يوم واتنين .. حسيت اني مش مهمة عندها .. اني اديتها اكبر من حجمها عندي ... حسيت اني مجروحة أووووي .. حسيت اني معرفتش اختار صح .. قولت لأ لازم ألفت نظرها لإهمالها .. مع العلم انها كانت أول مرة تعملها معايا .. ولأني بحبها لومتها وزي ما شخص غالي عندي قالهالي " العتاب هدية الأحباب" .. بعتلها مسج فيها "وانا بعيط" : { علي فكرة يا صاحبتي .. الاهتمام مش بيطلب ابداً .. وعدم الاهتمام بيجرح وبيوجع أووي } .. قولت هتفهم أنا أقصد ايه ؟؟ .. بعدها في نفس اليوم تقريباً اتصلت بيها .. ولقيتها للاسف بتقولي : ايه يابنتي الكلام ده ؟؟ ... هو انا قصرت معاكي في حاجة ؟!!.. قولتلها لا أبداً .. مجرد مسج عادي .
يــــاه ع الاحساس ده .. احساس محستش بيه قبل كدا .. كانت أول مرة ابقي واثقة أوي في حد كدا .. وثقتي بيه تروح .. المهم : قولت مش هينفع اسكت اكتر من كدا .. بعتلها مسج تاني قولتلها : يارب تكوني فهمتي اللي اقصده ... واتصلت بيا .. قالتلي : أنا فاهمه كل حاجة بتقوليها بس هتصل بيكِ كمان شوية عشان ناو مشغولة جدأ .. قولتلها ماشي .. واتصلت بيا .. اتكلمنا كتير اشتكيتلها لومتها من كل حاجة عملتها وجرحتني.. ردت عليا قالتلي : انا عملت كل ده عشان اعرفك انه مهما حصل هتقدر تنسي أي حد الا صحابك .. فعلا أتفاجئت قولتلها : بس انتي سبتيني في الوقت اللي كنتي محتجاكي جداً جداً فيه قالتلي : غصب عني .. انتي عارفة اني عمري ما اتخلي عنك في وقت زي ده .. قولتلها : انا كنت بحبك وبقيت بحبك اكتر بكتيـــر دلوقتي .. "

فعلا بجد كبرت في نظري جـــــــــــــداً

علشان كدا بقول " إن بعض الظن إثم "

علشان كدا متحكمش علي أي حد من غير ما تسمعه

بتمني تقولولي رأيكوا في الإنسانة دي وانا كان من حقي ازعل منها ولالا ؟

يارب اكون مش رغاية ومش تقيلة علي قلبكوا

تحياتي ،،

[دمعه حائره]

اى علاقه لما بتكون مبنيه على الصدق والحب بدون اى غرض او مصلحه
مافيش اى مشكله بتقدر تهدها
لازم نلتمس العزر لاى انسان سواء قريب اوغريب
ربنا وحده عالم الغيب
وبلاش سوء الظن لانه من اسوأ الحاجات اللى ممكن تخلق مشاكل
وتخلينا نخسر الناس
فضفضه جميله وتحمل عبره كبيره
وخليكى متمسكه بصديقتك الصداقه بقت نادره جدا الايام دى
منوره المنتدى

[so0oka]

ميرسي يا جميل .. ده من ذوقك

ربنا يخليلي اجدع صديقة عرفتها

[-esraa-]

فعلا
ماينفعش نرمي تهم ويبقى ظننا سيء بالناس
لاننا مش عارفين ظروف واحوال الناس ولا عارفين تفكيرهم
مهما حصل لام نحسن الظن بيه ,,
وكم من واحد ساء الظن باحد وبعدها نددم

وواضح عليها انها صديقة جميلة جدا وبتحبك
ربنا يخليكوا لبعض ,,

ربنا يوفقك يا جميلة ,,

[اسيل الفلسطينية]

اكيد الصداقة الحقيقية غاليتي لايمكن ان نتخلى عنها
والتمس لاخيك العذر دائما والمؤمن الصالح ينظر بعين طيبة ونية صادقة
والحمدلله ان صديقتك لم تخيب املك فيها ودام الود بينكما

[Words Whisper]

حتى لو مش كان دا سبب غيابها
فكل بني آدم له ظروفه
ومادام الطبيعي انه صديق بجد وبيقف معانا وقت مانحتاجه
يبئا لما يكون بعيد أكيـــــــــــــــد فيه سبب ونلتمس العذر
لحد ماحاجة توضح عكس دا ..


الله يديم بينكم الود فيه ..


تسلمي ..