الحلقه الرابعه من ( حوار جرئ ) مع ( morshooo )

[phalsteen]

اهلا وسهلا بيكم جميعا
الآن في آخر حلقات حوار جرئ


اعتذر للاعضاء اللي كانوا المفروض هيبقوا ضيوفي في الحلقات الجاية
ونظرا لظروف تخصني لوحدي هيتم وقف البرنامج


طبعا عاوزين تعرفوا مين اخر ضيف
وخصوصا اني مأعلنتش علي الحلقة زي المفروض

بس طبيعي علشان ينتهي البرنامج


ضيفي هو اخويا الفاضل احمد مورشو
مشرف اليوميات



morshooo




اهلا بيك في حوار جرئ


اهلا بيكى وسعيد بوجودى فى حوار جرىء


تقريبا دي اول مرة استضيفك في حوار
ولا استضفتك قبل كدة ؟

صباح الزهيمر ^_^
لا تقريبا دى اول استضافه فى برنامج ليكى


انت مبتزعلش من نفسك لما تكون استضافتك لاحد الاعضاء
هي سبب الخلاف او تكبير الموضوع اكتر
او المشكله تزيد لحظر عضو او خلافه ؟

الموضوع مش موضوع زعل من نفسى لكن .
اظهار حقيقه الخلافات بين الاعضاء ودا قولته قبل كدا
ان لما يكون فى خلاف بين عضوين الكلام الى بيكون بين باقى اعضاء المنتدى
كله تخيلات وبنلاقى شغل حكاوى القهاوى اشتغل
وكلها تاليف وبعدين كل واحد عشان ينقل الكلام لحد تانى
لازم يحط لمسه خياليه من عندة ^_^
فعشان كدا بحب لما يكون فى خلاف استضيف العضوين
او عضو منهم يوضح وجهة نظرة .


عملت اعتذار في اليوميات مرة لشاهين
بسبب خلافه مع المنشاوي ع ما اذكر
ليه انت شايف نفسك طرف في الموضوع ؟

الموضوع كان اتنقل من خلاف بين عضوين بسبب
اختلاف وجهات نظر لـ اختلاف اخلاقى .
فى اعضاء كتير ماشفتش الكلام الى اتكتب وقتها فى توبيك
كان منزله المنشاوى وكان كلام مكنش يصح انه ينزل حتى لو
فى خلاف بينهم وقتها كنت كلمت شاهينـ وكان باين عليه
تأثيرة بالكلام الى شافه فى التوبيك فقولت انزل اعتزار
بالنيابه عنى وعن اليوميات وعن ادارة بما انى مشرف تابع للادارة .


ياتري سبب غياب كبرياء هو سر مسابقة اختيار مشرف لليوميات
يعني انت لية محتاج مشرف ما انت منتشر في القسم اهو
وعامل اللي عليك
ليه عاوز حد يغلس عليك ^_^ ؟



لا المسابقه مش عشان كبرياء مش موجود والا حاجا
لسبب بسيط ان مش من حقى انى اقرر دا
يعنى مش من حقى اقول عايز مشرف بدال كبرياء حتى لو مدخلش لفترة كبيرة
المسابقه اتعملت عشان يتم ترشيح مشرف اقدمه لادارة المنتدى .
واتمنى الادارة تاخد بالتقيم الى هيتم فى مسابقه القسم .


المسابقة كانت بأتفاق بينك وبين الادارة
ولا انت من خلالها هترشح اللي انت محتاجاه ؟

انا قولت ان المسابقه لترشيح عضو لادارة المنتدى عشان يكون مشرف على القسم
فمعتقدش ان كان لازم اقول يا جماعه انا هعمل مسابقه وعايزكم توافقو عليها
وانا بتمنى لو الادارة عايزة ترشح عضو فى قسم تعمل زى اختبار او حاجا
زى مسابقه عشان ترشح الافضل .
ونبعد عن ترشيح عضو يكون بيشتغل بقاله اسبوعين تلاته واعينه مشرف
وبعد كدا العضو دا بيختفى او مبيعرفش يتعامل مع القسم كمشرف .
ودا كان من عيوب اختيار المشرفين فى فترة من الفترات قبل كدا .


غيرت توقيعك ليه
كنت كاتب جايلك يا اسود
للدرجة دي زهقت
ولا ايه السر ورا دا بئا
ناوي خلاص تعتزل وتفرحنا فيك
ولا اقتنعت اني الاقوي؟

التوقيع لسه مغيرة من يومين وكنت حاطط
صورة للبايرن بمناسبه حصوله على دورى الابطال ^_^
شيلتها من التوقيه وحطيتها فى الرمزيه .
الموضوع مش زهقت والا لا بس انا شايف ان من حق
الاعضاء الجداد ياخدو فرصه الحصول على الاشراف
يعنى انا ضد ان مشرف يفضل طول حياته مشرف على قسم
انا بشوف فى اعضاء مميزين فى اليوميات وليهم حق الحصول على
الاشراف منهم ( شيماء و نفرتيتى ) يمكن انتو اكتر اتنين
ملتزمين بتقديم برامج فى اليوميات وممكن يكون مفيش عندكم
امل انكم تبقو مشرفين للقسم فى ظل وجودى انا وكبرياء .


كاتب في مدونتك
انا فرحك اخر الشهر اللي جاي
مبروك بئا
تفتكر التاريخ دا هيبقي نهاية لتميز مورشو في المنتدي ؟

لالالالالالالالالا
والف لالالالالالالالا
مورشو هيتولد من جديد ^_^
لا معتقدش ولو كانت دى نهايه التميز
مش هتكون هى السبب اكيد .


قولت انك مش لازم تتفاعل في كل اقسام المنتدي
وانك كأنك في وظيفة ومطلوب منك عمل معين
فمش شرط ان دا يتحول لباقي الاقسام
وكفاية عليك قسمك بس ؟

تمام قولت الكلام فى صفحاتى
ولسه مقتنع بيه لحد دلوقتى
محدش يحاسبنى كعضو نشيط فى انحاء المنتدى
او يقولى انتا مش منتشر فى المنتدى ليه
لسبب بسيط انا دورى مشرف يوميات الاعضاء
يبقى حاسبنى على نشاطى فى قسمى فقط .


لو طلبت منك توجه نصيحة او رساله
لعضو معين هنا
ياتري مين وايه مضمونها بئا ؟

مفيش حد معين ولكن النصيحه للجميع
اتمنى الجميع يعلم ان دا فى الاول والاخر
منتدى .


وجه نصيحة لكل رواد قسمك
علشان يستفيدوا من خبرتك في القسم ؟

اهلا بيكم جميعا ^_^
زى ما بكتب فى بدايه كل مواضيعى
اقولهم سعيد جدا بوجودكم فى اليوميات
ويمكن الفترة الاخيرة شايف ان فى اعضاء
اهتمو بتقديم برامج باليوميات ودى حاجا كويسه جدا
قسم يوميات الاعضاء هو القسم الوحيد
الى محدش هيشكك فى مواضيعك لانها بقلمك
سواء حكيت حكايه او اكلمت عن حاجا
او عملت استضافه .

نورت حوار جرىء


منور باصحابه بس مش قوى يعنى


وبكدة تنتهي الحلقة وتنتهي معاها برنامج حوار جرئ
في رعاية الله

[big bốss]

استضافه جامده يا سما

لنجم من اعلام المنتدى

كلامك صحيح يا مورشو انا متفق فيه معاك

بس صدقنى فيه مواضيع بتنتهى و انت بتحييها ^_^

شرير من يومك

يلآ الف مبروك يا برنس

علشان تتوب بقا و كفايه خليك فى البيت و احنا نحل محلك ههههههههههههه

حلقه جميله

[SiLver Spectra]

دا لقاء مع عماد اديب المنتدى هههههه
منور و الله يا مرشد ..المرشد الاعلى لقسم اليوميات

ليكي مستقبل اعلامي في الاستضافات يا نفرتيتي..في المنتدى طبعا قصدي

[۩۩ elMagic ۩۩]

جاامد جدا الحواار داا
منور ي مرشدي
ربنا معاك ويوفقكـ ي برنس
تسلمي سمــا لمجهودكـ المميز
بالتوفيق دايما ان شاء الله ,,

[Words Whisper]

حلقة حلوة
مع ضيف أنا شايفه انه طبيعي كان ييجي هنا
وأسئلتك جميلة أ.سما ..


شكراً بئا لـ أ.مرشدي و أ.سما ..
دوام التوفيق ..

[اميره الشعر الشجين]

دام الابداع والتميز

[mony ma7moud]

بجد استضافة رائعة منك للكبير
morshooo بجد كان في منتهي
الجمال انا استمتعت بية كتير
واتمني التوفيق لكليكما دام
الابداع والتميز والنشاط
ان شاء اللة
مودتي

[ساحر الأحزان]

حوار طلع جميل وهادى

وباين مرشو اخد بالة من حلقتينك الى فاتو

وقال اعمل حلقة هادية

واسئلتك معاة جت على نار هادئة

اسعدتونا بجميل الحوار

موفقين

[morshooo]

اقتباس المشاركة الأصلية كتبت بواسطة ღ big boss ღ استضافه جامده يا سما لنجم من اعلام المنتدى كلامك صحيح يا مورشو انا متفق فيه معاك بس صدقنى فيه مواضيع بتنتهى و انت بتحييها ^_^ شرير من يومك يلآ الف مبروك يا برنس علشان تتوب بقا و كفايه خليك فى البيت و احنا نحل محلك ههههههههههههه حلقه جميله

منور يا معلم

وسعيد بمرورك

وعقبالك يا معلم

لما نفرح فيك ^^

[morshooo]

اقتباس المشاركة الأصلية كتبت بواسطة silver spectra دا لقاء مع عماد اديب المنتدى هههههه منور و الله يا مرشد ..المرشد الاعلى لقسم اليوميات ليكي مستقبل اعلامي في الاستضافات يا نفرتيتي..في المنتدى طبعا قصدي

انا احترت معاكو

عماد والا عمرو والا وائل والا طونى ^_^

منور اطارك