حملة دبسنى شكرأ للدكاترة فقط ( عيادة الدكتورة Words Whisper للاستشارات فى كل حاجه )

[حَرفُُ هجآءّ]

السلام عليكم ورحمه الله وبركاته

البرنامج ده كان وليد اللحظه ومنه هى اللى اوحتلى بالفكرة

ميرسى يامنه اووى اهو من مجرد هزار اتعمل برنامج

وانا شايفاه من وجهه نظرى انه حلو ومفيد فى نفس الوقت

يمكن كتير مننا لما بيروح للدكتور مش بيعرف ياخذ رحته معاه

ويبقى نفسه يسأل اسئله كتير وبيتكسف

وهنا الدكاتره طلابه ومع ذلك استفدت من حلقة طارق كتير

واكيد الحلقة دى كمان مفيدة وممتعه

النهاردة ان شاء الله حلقة هتكون جميله

مع عضوة جميله اووى

وهى فعلا من المقربين لقلبى مع ان معرفتى بها بسيطه اوووى من خلال المواضيع

فقط

العضوة

Words Whisper

اسماء فى طب بشرى

واكيد مش هتبخل علينا بحاجه

ولا ايه ياسمسمه ؟

وطبعا مش هوصيكوا بقى عايزين ناخد خلاصه الدراسه بتاعتها

واهى منها كمان اسماء بتراجع قبل الامتحان

اللى بقى عايز يعرف ايه اعراض الزائدة مثلا

بديلكم مثال يلا عيشوا بئى مع الدكتورة

ابدء انا

انتى فى سنة كام ؟

anatomy


او التشريح

كان ايه موقفك او ما شوفتى جثه ادامك ؟

ازاى اختبر حساسيه الطفل من مأكولات معينه ؟ وايه المأكولات اللى بتسبب الحساسية

عند الطفل ؟

انطلقوا بئى

[Words Whisper]

مين بس كدب عليكم وقالكم اني دكتورة =))
أنا في الكلية دي على ماتفرج بس =))



هو الأناتومي بيكون جارات مش جثة كاملة زي زمان وكدا
يعني أعضاء متقطعة في برطمانات كدا ومحفوظة بفورمالين
أول مرة دخلت المشرحة كنت فاكرة انه هيغمن عليا لما الدكتور يجيب الجار
وعمو جاب الجار والعظم كمان ومش جرالي حاجة
أي نعم نفسيتي اتقلبت شوية بس مش اغمى علي ومر الموقف بسلام
في الأول كنت بقرف من العظم وأقعد أغسل في ايدي كتييير
بس خلاص بئا بمسك البون عادي جدا وبعده أغسل ايدي بالصابون عادي واكل
وكان عندي جمجمة كنت مسمياها ( جو ) كنت بحبه أوي وببوسه عادي =))
وحطاه على المكتب كدا وبنام وهو معايا ..


بالنسبة للحساسية حسب معرفتي ومعلوماتي ::
هو الحساسية لأكل معين بتتعرف مبدئيا من ظهور الأعراض
والأعراض بتظهر بعد الأكل بفترة بسيطة
الأعراض بتشمل الجهاز التنفسي والهضمي و الجلد
مش شرط كلهم بس هما اللي بتظهر عليهم أعراض الحساسية
زي الغثيان و المغص و طفح جلدي وانتفاخ الشفتين
وأكتر الأعراض اللي سهل بيها مباشرة معرفة الحساسية هي الأعراض الجلدية
عامة سبب ظهور الحساسية عند الأطفال أكتر من البالغين
هو أن الأجهزة الدفاعية ( المناعة ) مش بتكون اكتمل نضجها في الأطفال
وعشان يتم تجنب الحساسية يبئا لازم تجنب الأكل اللي بيسببها
بس عشان يحصل منع نوع من الأكل وخصوصا للأطفال اللي بيحتاجوا تغذية كويسة يبئا لازم توفير بدائل و التأكد من وجود حساسية للنوع دا من الأكل
ودا ممكن يتم باختبار الدم وبيتعرف من الأجسام المضادة
أكتر الأكلات اللي بتسبب حساسية عند الأطفال ::
- حليب الأطفال المجفف والحليب البقري عامة
- البيض ( الجزء الأبيض )
فيه بئا أمراض دم بتكون مرتبطة بحساسية من نوع أكل معين
زي مرض أنيميا الفول وطبعا هنا بيكون خطر على الحياة أكل البقوليات
فالطبيعي أصلا بعد الولادة يتعمل فحوص دم للطفل ..


أنا فيه حاجات قعدت اتأكد انه دا معناها بالعربي
فيارب بئا يكون الكلام بسيط ..


شكراً منة و أسيل ..

[تيتشر نفشه ツ]

اقتباس وكان عندي جمجمة كنت مسمياها ( جو ) كنت بحبه أوي وببوسه عادي =)) وحطاه على المكتب كدا وبنام وهو معايا ..

سمسم
انا ابتديت اشك فيك ِ واخاف منك
ومدلعاه وبتنامي جنبه وبتبوسيه كمان

بس حلو الكلام الي قلتيه عن الحساسيه جداااااا
وانا أسألتي بعتهالك برايفت بئآ هههههههه

ليا باك تاني

تسلم ايدك ياأسوله على التدبيسات دي
كفايه انك تخلي سمسم تتكلم

[Words Whisper]

اقتباس المشاركة الأصلية كتبت بواسطة تيتشر نفشه ツ سمسم انا ابتديت اشك فيك ِ واخاف منك ومدلعاه وبتنامي جنبه وبتبوسيه كمان بس حلو الكلام الي قلتيه عن الحساسيه جداااااا وانا أسألتي بعتهالك برايفت بئآ هههههههه ليا باك تاني تسلم ايدك ياأسوله على التدبيسات دي كفايه انك تخلي سمسم تتكلم

=))
لا مش تخافي =))
طب والله كنت بحبه كان سكره خالص
بس هو مش كان بتاعي فرجعته لصاحبته =(
كنت سالفاه من دكتور صاحبة ماما اسمها منى ..


هو اي نعم مش بخاف من الجارات وعادي
بس عيوني بتتعب من الفورمالين
وكمان بيصعبوا عليا اوووي اللي في الجارات دول
يعني تلاقي كدا نص راس والعيون مفتوحة وشكلهم غلبان خالص
بيصعب عليا انهم اتقطعوا كدا
بس الناس دي خدمت البشرية مع انهم ميتين لأنهم بيساعدوا في العلم ..


تسلمي ياكوكي ..

[big bốss]

دا انتى قلبك جامد يا اسماء وربنا

دا انا مره شوفت واحد رجليه مفتوحه و العظم ظاهر ابيض طبيت ساكت


ليا كذا سؤال :

1- بخصوص الصداع الكلى و النصى ايه سبب دا و دا و ازاى نخففهم ؟

2- بخصوص المخص فى البطن أيه سببه و ازاى نخفه ؟

3- هل تطوير او تقصير الاضافر له تاثير سلبي او ايجابي ع الصوابع ؟

4- بخصوص المعده ساعات كنت بشرب ميه ساقعه ع الصبح او أكل حاجه ساقعه كانت بتتعبنى جدا المعده
عايز اعرف ايه هى حدود السليمه للتعامل مع المعده ؟
بس كدا


حلقه جامده يا اسوله الله ينور

[تيتشر نفشه ツ]

اقتباس المشاركة الأصلية كتبت بواسطة ღ big boss ღ دا انتى قلبك جامد يا اسماء وربنا دا انا مره شوفت واحد رجليه مفتوحه و العظم ظاهر ابيض طبيت ساكت ليا كذا سؤال : 1- بخصوص الصداع الكلى و النصى ايه سبب دا و دا و ازاى نخففهم ؟ 2- بخصوص المخص فى البطن أيه سببه و ازاى نخفه ؟ 3- هل تطوير او تقصير الاضافر له تاثير سلبي او ايجابي ع الصوابع ؟ 4- بخصوص المعده ساعات كنت بشرب ميه ساقعه ع الصبح او أكل حاجه ساقعه كانت بتتعبنى جدا المعده عايز اعرف ايه هى حدود السليمه للتعامل مع المعده ؟ بس كدا حلقه جامده يا اسوله الله ينور

معلش ياسمسم اركني انتي على جنب شويا :d
ايييييييييييه يابني حضرتك داخل محكمه
وخلصو كل الدكاتره الي عندك وجاي تسأل سمسمتي كل الاسئله دي
إني اعترض

[ساحر الأحزان]

منورة الحلقة يا اسماء

وطبعا مجهود جميل من أسيل

اننا نستفيد من اخوتنا


ونورتى الحلقة

تحياتى

[دمعه حائره]

اقتباس هو الأناتومي بيكون جارات مش جثة كاملة زي زمان وكدا يعني أعضاء متقطعة في برطمانات كدا ومحفوظة بفورمالين أول مرة دخلت المشرحة كنت فاكرة انه هيغمن عليا لما الدكتور يجيب الجار وعمو جاب الجار والعظم كمان ومش جرالي حاجة أي نعم نفسيتي اتقلبت شوية بس مش اغمى علي ومر الموقف بسلام في الأول كنت بقرف من العظم وأقعد أغسل في ايدي كتييير بس خلاص بئا بمسك البون عادي جدا وبعده أغسل ايدي بالصابون عادي واكل وكان عندي جمجمة كنت مسمياها ( جو ) كنت بحبه أوي وببوسه عادي =)) وحطاه على المكتب كدا وبنام وهو معايا ..

ههههه
ده انا كان هايغمى عليا من الكلام
وجو كمان الله يرحمه كان طيب وقلبه ابيض دليل انه لسه محبوب لحد دلوقتى:d
الله يكون فى عونك ياسمسم على الكليه دى وينجحك
استفدت جدا من الكلام على الحساسيه دى مبهدلانه
نورتى وهاتابع الحلقه
شكرا اسيل

[big bốss]

اقتباس المشاركة الأصلية كتبت بواسطة تيتشر نفشه ツ معلش ياسمسم اركني انتي على جنب شويا :d ايييييييييييه يابني حضرتك داخل محكمه وخلصو كل الدكاتره الي عندك وجاي تسأل سمسمتي كل الاسئله دي إني اعترض

ههههههههههههههه

عاش زينب عاش عاش


ممكن بقا اسئل الدوك

[حلم عمري]

حلوووووة الفكرة اسيل
علي فكرة احنا ممكن نجمع العيادات دي كلها في منطقة في المنتدي ونعملها مستشفي ^ _^
اه احنا عندنا الجمجمة بتاعة اخويا بس عادية احنا مرة لبسناها النضارة وصورناها ههههههه
انا الصراحة المشكلة عندي في بطني دايما بتوجعني اما اكل اي حاجة وعملت حوالي عشر تحليل وخمس اشعة
واخد علاج ترتاح ولكن ترجع توجعني تاني عجز الاطباء عن علاجي ^ _ ^
منورة يا دكتورة بالتوفيييييق ليكي ان شاء الله