اشمعنى يآ رجل !

[Sєяєєη●•ʚɞ]

هاى / ازيكم السؤال دة فكرت فيه بشوفه بيتكرر كتير ونفسى اعرف اجابتة سواء انثى او رجل وحطيتله تفسير كدة اشمعنى البنت ممكن تقبل انها تاخد حد اعلى منها فى الشهادة وبتشجعه وبتكون مبسوطة ؟ وليه الولد مش بيقبل ياخد اعلى منة فى الشهادة وبيخاف انها ممكن تذله فى يوم من الايام وبيفضل يحبط منها ومن قدراتها؟ انا هنا مش بعمم بس بشوفها كتير حتى لو دكتور ودكتورة لازم يحسسها انه احسن منها وانها مابتفهمش ههههه طيب وهل دة مثلا بيرجع لطبيعه البنت اللى ربنا خلقها انها عارفة ان الرجال قوامون على النساء فبيكون جواها احساس طبيعى ان الرجل افضل منها فبالنسبالها عادى ان جوزها اعلى منها وعلى فكرة الاحساس دة لازم يكون طبيعى انهم افضل عشان نحس منهم بالامان والثقة والحماية لان لو مش كان جوانا الاحساس دة او ربنا مش خلقة جوا كل انثى كان عمرها اما حست احساس ان جوزها هو مصدر الامان والحماية والسند ليها اللى وجوده معاها بيحميها حتى لو كان ضعيف والاحساس دة ربنا حاطة جواة انة اقوى منها عشان يقدر يحميها مش عشان يستقوى عليها زى مافى رجاله فاهمة مفهوم القوامة غلط وهل مثلا الراجل عشان جواه المفهوم دة وانة افضل منها مش بيقبل انها تكون احسن منة ..امممم مش عارفة ودى نقطة بشوفها كتير ياترى عندكم رد !!!

[الرحــاال المٌتَمرد]

فى البدايه خليني بس أقولك أننا بقينا مٌستضعفين "إحنا إتغيرنا خالص"
::
مفروض إن الراجل بيختار الزوجه كـ شخصيه قبل أى شىء تاني
في إللى هٌما شهادات متوسطه وعندهٌم ثقافه وإدراك بـ أمور مٌش عَند غيرهم
مِن أصحاب الشهادات العليا .
وبالتالي مفروض أنا كـ شخص هختار إللى يٌناسبني بعيداً عَن شهادتها
إللى بردوا مٌمكن تبقى أعلي من شهادتي "مفيش مشكله" .

مٌمكن البَعض يظٌن زي ما قولتي إنها هتحسسٌه دايماً أنها أفضل مِنٌه
ودول معندهومش ثقه فى نفسهم و بيبحث عن دور البطوله حتي فى أختياراتٌه لـ الزوجه , وبيكون الأختيار غلط لانٌه إختار الأقل على حساب فرض شخصيته .

ومِش هضيف شىء عَن إللى قولتيه بـ النسبه لـ طبيعه البنت ورؤيتها إنها عاوزه دايماً الأفضل , حتى لو أفضل منها . دا شىء بيسعدها .

ودي مِش ثقه بنفسها قد ما هي طبيعه جواها و قناعه بأن الأفضل هيحقق لها الافضل .

شٌكراً على الطرح القيم يا ميس سيرين .

[booody99]

اولا دينيا رسولنا الحبيب تزوج السيدة خديجة وهي أكبر منه واكثر منه مال وكانت تقرأ وتكتب

وهذا لم يثني الرسول عن الزواج منها ودعمته وكانت له الأمان والزوجة الصالحة ده من ناحية دينية

لكن من ناحية شخصية ومجتمعيه بقى ^_^

أولا الراجل فينا يخاف يتقدم لفتاه أعلى في التقدير العلمي واهلها يرفضوه
وده بيحصل كتير فعلا وممكن من حق الأهل لخوفهم على بنتهم
ولذلك البنات بتشد حيلها عشان العريس يبقى معاه شهادة كبيره
فالراجل بيقول ملهاش لازمة الأحراج وكده وممكن يبقى عرضه للكلام

وأيضا لما تكون الفتاه أعلى في المستوى العلمي بتقول للراجل انا بفهم اكتر منك
ودي أكتر حاجه بتأثر في الراجل وتقوله انا احسن منك وكده وتحب هي الي تمشي كلمتها
وهنا بتصطدم رغاباتها مع طبيعية الرجل وتحصل المشاكل...

طبعا ده الغالب مش الكل وهي من نظرة المجتمع بتختلف

فالراجل بيقول ملهاش لازمة كسرة العين دي ههههههههه

موضوع كويس جدى وفي أسباب تانية بس دي أهمها

كل التحية والتقدير

[اسيل الفلسطينية]

الجواب غاليتي اننا لابد ان نعترف باننا نعيش بمجتمع ذكوري بحث
يعني نتقبل فكرة ان يكون الرجل اعلى مرتبة في التعليم على اساس انه الرجل وله القوامة
ونرفض ونستهجن فكرة ان تكون المرأة اعلى من الرجل او الزوج في التعليم
ودائما الرجل الذي يقترن بزوجة اعلى منه بالتعليم يعيش دائما بصراع واحساس بالنقص
وان لم يكن من داخله سيكون من المجتمع المحيط به
هذا مجتمعنا وهذه نظرتنا ومعتقداتنا وليس من السهل تغييره في يوم وليلة
وايضا ممكن تختلف من رجل لاخر على حسب بيئته وطريقة تفكيره
تحياتي لك

[Arco Baleno]

بصراحه لا اهتم ابدا بي المستويات الدنويه والدراسات والعلم وليس كل علم يتم تعلمه يطبق
لذلك ليس العلم من يحدد مراتبنا وعلاقاتنا وارتباطاتنا
فلا فائده للعلم ان كان علم قول بلا عمل
والرجال كلهم في عيني سواسيه
ولا اهتم بمناصبهم وعلومهم لانها لاتعني لي شي ولا تهمني بشي
ما يهمني فقط ان ارتبط بقلب اخترته واحببته لان سعادتي ليست في رتبته
التعليمه سعادتي في المحبه الابديه التي ستحقق اعلى مراتب السعاده


شكرا على الموضوع اختي

[big bốss]

ماشاء الله يا سيرين

موضوعك دخل اعضاء اول مره اشوفهم فى القسم هنا ^_^

بركاتك


ثانيآ موضوع ان الراجل ميتقبلش ان المرآه تكون اعلى منه سواء حبيبته او زوجته

بسبب تقاليد و اعراف المجتمع الى بتستحقر البنت و ان الولد افضل منها

فمعنى ان البنت اعلى من الولد يبقى دا عيب و غلط و حرام

المشكله فى تفكير الناس

مش فى تفكير ادم بس

يعنى ممكن تلاقى ام بتعترض و تقول لابنها ازى تتجوز واحده اعلى منك

موضوع قيم سيرين

موفقه دومآ يارب

[Sєяєєη●•ʚɞ]

اقتباس المشاركة الأصلية كتبت بواسطة الرحــاال المٌتَمرد فى البدايه خليني بس أقولك أننا بقينا مٌستضعفين "إحنا إتغيرنا خالص" :: مفروض إن الراجل بيختار الزوجه كـ شخصيه قبل أى شىء تاني في إللى هٌما شهادات متوسطه وعندهٌم ثقافه وإدراك بـ أمور مٌش عَند غيرهم مِن أصحاب الشهادات العليا . وبالتالي مفروض أنا كـ شخص هختار إللى يٌناسبني بعيداً عَن شهادتها إللى بردوا مٌمكن تبقى أعلي من شهادتي "مفيش مشكله" . مٌمكن البَعض يظٌن زي ما قولتي إنها هتحسسٌه دايماً أنها أفضل مِنٌه ودول معندهومش ثقه فى نفسهم و بيبحث عن دور البطوله حتي فى أختياراتٌه لـ الزوجه , وبيكون الأختيار غلط لانٌه إختار الأقل على حساب فرض شخصيته . ومِش هضيف شىء عَن إللى قولتيه بـ النسبه لـ طبيعه البنت ورؤيتها إنها عاوزه دايماً الأفضل , حتى لو أفضل منها . دا شىء بيسعدها . ودي مِش ثقه بنفسها قد ما هي طبيعه جواها و قناعه بأن الأفضل هيحقق لها الافضل . شٌكراً على الطرح القيم يا ميس سيرين .

منور يا ايمن والله
واحلى حاجة انك حريص انك تحتل الرد الاولانى وبتحجزة هههههههههه
كلامك مختلف وبالنسبالك الموضوع عادى بس انت من الناس القليله لانى بشوف الغالب كدة مش بيقبل تكون اعلى منة ودى مش حاجة تعيبة ولا حاجة خصوصا ان فيه ستات ممكن يذلوا ويتباهوا بكدة فيقول اخدها من قاصرها بقا
وفى نوعيه تانية بيفضلوا يحقروا فى اللى قدامهم عشان مش يحسسوهم انهم احسن منهم
فليه بدل اما يحقروا فى بعض يشجعوا بعض
انا شخصيا نفسى اشوف جوزى وولادى احسن ناس فى الدنيا ودورى انى اشجعهم مش احقر منهم
وممكن تلاقيهم زى بعض فى الوظيفة وبردوا بيحقر منها طب ليه ماعرفش !!
نورتنى والله يا ايمن واتبسطت بردك ..

[الرحــاال المٌتَمرد]

اقتباس المشاركة الأصلية كتبت بواسطة sєяєєη●•ʚɞ منور يا ايمن والله واحلى حاجة انك حريص انك تحتل الرد الاولانى وبتحجزة هههههههههه كلامك مختلف وبالنسبالك الموضوع عادى بس انت من الناس القليله لانى بشوف الغالب كدة مش بيقبل تكون اعلى منة ودى مش حاجة تعيبة ولا حاجة خصوصا ان فيه ستات ممكن يذلوا ويتباهوا بكدة فيقول اخدها من قاصرها بقا

وأنا وضحت فى أول ردي إن مفروض معيار الإختيار يكون على الشخصيه نفسها
مِش على الشهاده والمرتبه الإجتماعيه .
لان فى مَن هٌم أقل شهاده ووضعهم المادي أفضل فـ هِنا يكون العامل المٌساعد على "التباهي" يكون مادي مِش تعليمي .
الشَخص إللى بيٌحسن الإختيار مش بتواجهه المٌشكله دي .
وكمان بالنسبه لـ البنت مفروض تدرس كويس الشَخص إللى هتتجوزه علشان ترتاح معاه .

والطيوب لـ الطيبات يا بركه .


وعذراً بأه لـ "الرغي"

[Sєяєєη●•ʚɞ]

اقتباس المشاركة الأصلية كتبت بواسطة booody99 اولا دينيا رسولنا الحبيب تزوج السيدة خديجة وهي أكبر منه واكثر منه مال وكانت تقرأ وتكتب وهذا لم يثني الرسول عن الزواج منها ودعمته وكانت له الأمان والزوجة الصالحة ده من ناحية دينية لكن من ناحية شخصية ومجتمعيه بقى ^_^ أولا الراجل فينا يخاف يتقدم لفتاه أعلى في التقدير العلمي واهلها يرفضوه وده بيحصل كتير فعلا وممكن من حق الأهل لخوفهم على بنتهم ولذلك البنات بتشد حيلها عشان العريس يبقى معاه شهادة كبيره فالراجل بيقول ملهاش لازمة الأحراج وكده وممكن يبقى عرضه للكلام وأيضا لما تكون الفتاه أعلى في المستوى العلمي بتقول للراجل انا بفهم اكتر منك ودي أكتر حاجه بتأثر في الراجل وتقوله انا احسن منك وكده وتحب هي الي تمشي كلمتها وهنا بتصطدم رغاباتها مع طبيعية الرجل وتحصل المشاكل... طبعا ده الغالب مش الكل وهي من نظرة المجتمع بتختلف فالراجل بيقول ملهاش لازمة كسرة العين دي ههههههههه موضوع كويس جدى وفي أسباب تانية بس دي أهمها كل التحية والتقدير

منورنى والله يا بودى وكلامك حلو وذكرك لمثال السيدة خديخة
ودة بردوا بلاحظة بس مش شرط انها اعلى منة فى المستوى التعليمى يعنى تمشى كلمتها عليه والست اللى تعمل كدة تبقى ناقصة وعاوزة تفرد عضلات وخلاص
بس مافيش واحدة بتعرف تفرد عضلاتها ع الراجل ولان الست بطبعها ضعيف الا بقا لو كانت كاسرة عينة بتصرف عليه مثلا هههههههه مش عارفه
وفى ستات بردوا بتلاقيهم مستقوية
واحسن حاجة انك موافقنى الرأى لانى فعلا بشوف الموضوع دة كتير وبستغربه
نورتنى كتير وشكرا لرايك ...

[Sєяєєη●•ʚɞ]

اقتباس المشاركة الأصلية كتبت بواسطة اسيل الفلسطينية الجواب غاليتي اننا لابد ان نعترف باننا نعيش بمجتمع ذكوري بحث يعني نتقبل فكرة ان يكون الرجل اعلى مرتبة في التعليم على اساس انه الرجل وله القوامة ونرفض ونستهجن فكرة ان تكون المرأة اعلى من الرجل او الزوج في التعليم ودائما الرجل الذي يقترن بزوجة اعلى منه بالتعليم يعيش دائما بصراع واحساس بالنقص وان لم يكن من داخله سيكون من المجتمع المحيط به هذا مجتمعنا وهذه نظرتنا ومعتقداتنا وليس من السهل تغييره في يوم وليلة وايضا ممكن تختلف من رجل لاخر على حسب بيئته وطريقة تفكيره تحياتي لك

طب والله جبتى سبب بردوا مهم
وفعلا نظرة المجتمع بتأثر كتير
مبسوطة بوجودك كتير
منورانى