في زمن الاخوان ( ح ص ر ي )

[نجم وزهره ومسافات فراق]

كوسه وبلوظه مهلبيه
قول كمان
وفول مدمس بالجيلي
حاجه هتجيب لي الجنان
والحال غريب جدا مريب
وفي الجاتوه بتنجان
وأقول كمان
ما احنا ف زمانكم يا اخوان
النهضه فين يا مصدعينا
شعاراتكوا زيف مع بهتان
النهضه فين يا مرجعينا
لعصور تشتت الانسان
ما تفهمونا النهضه فين
ولا خلاص المهرجان
يا كدابين الزفه فين العفه
جاوبوني وفين راح الامان
من يوم وجودكم فوق منصب حكم مصر
والحال بقى كلوا هوان
ياللي كدبتوا بالشعارات ع الغلابه
وصدقوكوا في أمل مالوش مكان
ياللي تاجرتوا بأحلامنا وبعتوها
بتمن رخيص وبالمجان
ملعونه يا مناصب تغير في النفوس
ملاعين يا خُدام أمريكان
تاجرتوا بالاسلام على الشعب اللي ىمن
فكركم خاين وخان
تاجرتوا بالشعارات على الناس الغلابه
مولد وشغال من زمان
في زمان الاخوان
ياتعيش وتاخد فوق قفاك
ياتكون ذليل يا تكون جبان
شاطر ومرشد وخيوط الصفقه مع طنطاوي بانت
والحال بجد حزين وكتيره يا احزان
طنطاوي يا تابع نظام مليان فساد
تضمن سلامتك والمتاجره بشعب علشان الأمان
ملعونه يا خسه ونداله
في زمان الامتهان
الصفقه باينه فضيحه يا عالم
علشان عيونك يا جماعه الشعب فان
ملعونه يا افكار تبيع كل المبادئ
وتخلي كرسي الحكم دا لفاسد معاه طغيان
بانت خيوط اللعبه يا شعبي وفوق
والمسرحيه كلها باينه كمان
فاكرين طرف تالت قالوا لنا كتير عليه
هو الجماعه وطنطاوي وصفقه كلها غثيان
ما تفوق يا شعب كفاك خمول
دا كل شيئ واضح وبان
ما تفوق يا شعب انطق وقول
خليها صرخه في الميدان
ما تفوق يا شعب لازم يزول
حكم الجماعه آن الأوان
الناس دي جايه تنتقم منك يا شعب
فاركينا راح نبقى ايران
عجبي عليك يا شعب بيصدق كتيييير
ما تبصوا للتاريخ يا عالم تعرفوا لعب الشيطان
لعب الشيطان على واسع خطر واضح كبير
ملعون خبيث الفكر كالثعبان
افهم يا شعب اللعبه يا مضحوك عليك
او عيش ف حزنك كده اشكال على الوان
يا شعب مليت من عتابك يا ما فهمتك كتير
وتعود لنفس الوهم والهذيان
معقول كده بلدك يا شعب تهون عليك
والحسبه دي كلها ماليها حسبان
جايين يصفوا فيك يا شعب بانتقامهم
شوفوا التاريخ تفهموا افكار بلا عنوان
الدم والقتل المروع طبعهم
آخر ضحاياهم ( عمر سليمان ! )
يا شعب ليه تقبل صنم حاكم عليك
مع حاشيه فاسده كلها جرذان
يا شعب مستغرب انا منك كتير
والله مستغرب لحالكوا الجان
والنهضه قطع الكهربا والميا يومي
نهضة عقاب للشعب يا رعيان
نهضه تشوه صورة مصر في الدنيا
علشان طمع امريكا والاخوان
في زمن الاخوان
نفض يا شعب غبار جماعة الزيف
وارجع واعلن العصيان
يا تعيش حياه حره بشرف
يا تقبل الموت عنفوان
الثوره تاني من بعيد جايه اكيد
هتطهر الطاغي مع الطغيان
الثوره راجعه بس شكلها مختلف
ليها هدف بيراعي للانسان
الثوره راجعه لجل ترجع مصر
حره وابيه شامخه يازمان
كلمه بقولها ورزقي على ربي الكريم
طرد الاخوان له ثوره كمان
سجل ياتاريخ
واشهد يازمان


مشاعر حصريه ضد كل الافكار الاخوانيه

[اميره الشعر الشجين]

هههههههههههههههههههه هوده الكلام بلا اخوان بلا قرف خربو البلد اتخربت دماخهم يا رب احلى حاجه فيهم يا اخى انهم بيحللو الحرام ويحرمو الحلال وحصلت قدامى شخصيا

هههههههههبس جامده

وعلى راى المثل الا قال يا مستنى الاخوان يعملو نهضه تمام يا مستنى خالى يطلع من الحمام

دام الابداع والتميز اخى

[نجم وزهره ومسافات فراق]

اقتباس المشاركة الأصلية كتبت بواسطة اميره الشعر الشجين هههههههههههههههههههه هوده الكلام بلا اخوان بلا قرف خربو البلد اتخربت دماخهم يا رب احلى حاجه فيهم يا اخى انهم بيحللو الحرام ويحرمو الحلال وحصلت قدامى شخصيا هههههههههبس جامده وعلى راى المثل الا قال يا مستنى الاخوان يعملو نهضه تمام يا مستنى خالى يطلع من الحمام دام الابداع والتميز اخى

ربنا يدوم عزك يارب يا اميره
اشكرك للمرور الطيب
احترامي

[ابتسامة الزهر]

اخوان اخوان اصبحنا لا نرى غيرهم
فى كل مكان سبب فى كل ما يحدث
من قتل اظلام عطش
لا نجد اى بارقة امل فى لو قليل من الأصلاح
قلمك الاذع نجم تفوق وتميز
تقديرى لك

[نجم وزهره ومسافات فراق]

اقتباس المشاركة الأصلية كتبت بواسطة ابتسامة الزهر اخوان اخوان اصبحنا لا نرى غيرهم فى كل مكان سبب فى كل ما يحدث من قتل اظلام عطش لا نجد اى بارقة امل فى لو قليل من الأصلاح قلمك الاذع نجم تفوق وتميز تقديرى لك

اه
كل شيئ بات اخوان
وبجد
الامر زاد عن الحد وربنا يستر
نورتي شاعرتنا واختنا
احترامي المتجدد