كالعاده حصريات ( ح ص ر ي )

[نجم وزهره ومسافات فراق]

اكتب ياقلمي عن الناس
اللي تبيع الخداع في كاسات
ناس فنانين ترزيه
ومتظبطه المقاسات
والخيبه مش عيبه
بدون قيمه واحساسات
يا مفلسين شكلكم مش حلو ابدا خلاص
معدوم بكم احساسكوا يا حضرات
يا محسوبين أحياء علينا للاسف
افعالكوا خلتكوا كما الاموات
ضمايركوا تحت اقدام غيركوا بترموها
عايشين في مولد ما انتوا بهلوانات
قلمي نوى يكشفكوا يا فاشلين
هو انتوا ايه ف الدنيا ايه الاثبات
الزفه شغاله وحاله غريبه ومريبه
وآهو كلوا مولد رقاصين ورقاصات
ما هو احلى حاجه في الزمن ده الخداع
لعبة مصالح يا حلاوه خد وهات
اللعبه صبحت قديمه وماسخه كده بايخه
خفوا بقى شويه يا اراجوزات
دوي يا قلمي فوق القمه واكشفهم
ولو هتسألهم : ما هتلاقي كده جوابات
بيعوا ضمايركم ما احنا ف زمان الزيف
ولا عدشي تكليف ماهي كلها مجاملات
طول ما القرود بتتنطط هتتظبط
وضايعه يا عداله مع التفاهات
مفيش غضب ولا عتب ولا عدشي اي حياء
اصل الرياء علني بلا حسابات
طأطأ وريكا وغراب البين بنواياهم
دول معدومين الفكر والحسنات
فوق المنصه يا قصة قبح متجمله
حاله ومتقندله ما تلاقي فيها ثبات
امتى ضميركم يعود ليكم يا رقاصين
وبحكم مين الفساد يصحى كده ويبات
امتى ضميركم يصرخ فيكوا بس خلاص
ويعود لكوا الاحساس بعد ما مات
مهما يطول الضلام لازم ألاقي نهار
أبيض , نقي , شفاف / بلا اشتغالات
والحق لازم يعلا مهما شفنا خداع
والظلم لازم تكون له كسحه مع نهايات
عجبي على منافقين لكل القيم
عجبي على الملاعين مع المتاهات
حتى في عز الموت تشوف النفاق
والزفه شغاله رجاله مع ستات
بين اسطوانة غش واسطوانة فساد
تلاقيها نفس الشكل الاسطوانات
قلمي يارافض ضماير ميته جدا
اكتب ويمكن يصحوا بعد الممات
اكتب وعبر وقول بالكلمه فوق المدى
واوعاك تخاف منهم ما هو اصلهم خرافات
واحد يقول لك انا وبفلسفه بايخه
والتانيه ترقص وراه واهي كلها حركات
الله اكبر عليهم فعلا ( هناء وشيرين )
كانوا زمان حلوين ف اعلانات
والأخ شكشك يقولك أنا الحاوي
والحاج ستاموني يقول افيهات
يا عيني يا عيني دا مولد تمام
والنصبه شغاله مع البركات
يا عيني يا عيني ريحه مليحه
عملوا علينا من الفسيخ شربات
ريحه مليحه مريحه وكلها فصيحه
مش ورد بلدي دا لكن جاي من الشرابات
الله اكبر يا عالم والله انا فرحان
فشرت نوادر جحا نوادرهم البهوات
دي خاطره ساخره ورد يا حبيب
وهطلب التثبيت كده من سكات
يا عم حبيب مليون مشاركه اهديني
ينوبك ثواب لله اخوك كله نشاط
والاهدعي عليك بالنهضه يا غالي
قضي لي حاجتي عشان انا ليا معجزات
وقلمي لازع ولاسع كرباج ولا بيرحم
هستنى تمانين وسام وشوال مشاركات
عايز ردود ف الجون كده منك
ونجوم كتيره مع مدح وكمان لايكات
اسكت بقى يا قلمي واهمد شويه
عامل لي شاعر يا اخويا اتهد يا ابن الذوات
سلام وانتظروني مع فكره جديده
حصريه متظبطه ( كالعاده حصريات )




في كلمات تخص اخي واد حبيب
على طريقة المداعبه الادبيه والتنظيم لا اكتر
اشكركم جدا

[اميره الشعر الشجين]

ههههههههههههه حلوه

دام الابداع والتميز

[ساحر الأحزان]

كلمات جميلة من قلم جميل

يعرف كيفية توصيل الكلمات

والتناغم فيها

جميل يا نجم

يدوم النشاط منك

[βÄşmα ♥]

كلماآت رآئعةة
مششكور علي جمميل ماآ قدمت لناآ
بانتظآر المزيد من الابداآع ~

[Lamees]

كلمات جميلة واسلوب جميل
رائع اخي يدوم النشاط

[واد حبيب]

وانا اتيك عليها لنكات
وكمان اثبتهالك يا نجم

[ابتسامة الزهر]

كلمات ساخرة
ابدعت فيها بقلمك المميز
والذى يعيش اللحظة ويبدع فيها
وفى انتظار افكارك
تقديرى لك ونجومى

[نجم وزهره ومسافات فراق]

اقتباس المشاركة الأصلية كتبت بواسطة اميره الشعر الشجين ههههههههههههه حلوه دام الابداع والتميز

نورتي يا اميره
ميرسي ليكي

[نجم وزهره ومسافات فراق]

اقتباس المشاركة الأصلية كتبت بواسطة اميره الشعر الشجين ههههههههههههه حلوه دام الابداع والتميز

نورتي يا اميره
ميرسي ليكي

[نجم وزهره ومسافات فراق]

اقتباس المشاركة الأصلية كتبت بواسطة ساحر الأحزان كلمات جميلة من قلم جميل يعرف كيفية توصيل الكلمات والتناغم فيها جميل يا نجم يدوم النشاط منك

نورتني ساحر الغالي
ميرسي ليك ياباشا