حوار حزين وباكى ...وفسخين الخطوبة...الحلقة الأولى

[العاشق الذى لم يتب]

بسم الله أخوانى وأخواتى سيداتى سادتى بتوع بنات مصر الأول أقول السلام عليكم ورحمة الله وبركاته وكمان أسلم عليكم وأخبركم بأنى بعزكم أوى وبحبكم أوى آه والله بحبكم كبيركم وصغيركم وصاحب منصب واللى خاوى على عروشه زيى كده. ووقبل الكلام عاووزكم تصلو على الحبيب وتهدوا أعصابكم علشان الربنامج فيه حاجات تنرفز ياإما من المذيع اللى هو أنا والعياذبالله من قولة أنا ياإما من الضيف وأشرح لكم ليه النرفذة منى ومن الضيف منى علشان أنا واد عاطفى جدا ورومنسى جدا يعنى لو الضيف دمعته نزلت قدامى ع طول أروح أنتحر. والنرفذة من الضيف علشان مقهور أو مقهورة لأنى هستضيف الجنسين مذكر ومأنث والمصيبة إيه هم الأثنين حالتهم وحدة يعنى مروا بنفس التجربة اللى هى أتفسخت خطوبتهم. سامحونى المقدمة طويلة حبتين علشان نعرف المشاهدين نوع البرنامج والقضية اللى بيناقشها. ومع أول ضيفة معاى ومعاكم مفسوخة فسخة مش على حد هى الأخت { منحوسة من يومى } ودى صورتها أهلا سهلا بيك منحوسة شرفتينى ونورت الربنامج مرحب بيك رمنسى رفعت أنا اللى تشرفت بيك نخش فى الموضوع على طول وأسألك بإعتبارك مريتى بالتجربة المريرة دى هى حكاية نسخ الخطوبة { قصدك فسخ الخطوبة } أيوة قصدى كده أصلى بينى وبينك نون النسوة مبهدلانى خالص ومسببالى عقدة فى كل مكان أروحه ليه كف الله الشر والله ياأختى من ساعة مازلطتنى أمى وأنا منحوس خالص منحوس مين إذا كنت أنا منحوسة من يومى وده أسمى تيجى أنت تلهف أسمى على الفاضى خلاص أنا مش هلهف أسمك ولاحاجة ياستى ماعندكيش فكرة دا أنا قريت فى كتاب { أعرف بختك } أن كل ألف شخص فيهم 3 بس مانحوسنش والباقى منحوس أبدا مافيش غيرى فى الدنيا منحوسة زيي يا أستاذة منحوسة إعتقادك خاطئ ومايصحش كده والله مادام قلت كده واتهمتنى بالخطأ من أولها لأنا واخدة نفسى وماشية وسيبالك الربنامج تخبط راسك فيه الأخت المنحوسة من يومها. مشيت طبعا لسه ماسألنهاش أى سؤال فى حكاية فسخ الخطوبة وإن شاء الله هجيبها واتحايل عليها علشان نعرف سر الفسيخ قصدى الفسخ يوه فسخ الخطوبة وألتقيكم بخير فى الحلقة الجاية كان معاكم أخوكم المذيع الرومنسى قصدى الفاشل رفعت والسلام عليكم ورحمة الله

[اميره الشعر الشجين]

اخى الرجل المتواضع دوما من ياتينى بالطرح الرائع المميز حوار جميل جد ا

بصراحه الدنيا مبتقفش على حد يعنى ايه خطوبتك اتفسخت ايه المشكله يعنى هتقليلى المشكله تكمن فى القلب قلب ايه بس بلا قلب بلا بطيخ

يعنى لو فكرتى للحظه انو مش كل حاجه انتى بتعوزيها بتححق

فانت تريد وانا اريد والله يفعل ما يريد

ثانيا اصلا حتى لو وخدين بعض عن حب تسمحيلى اقولك ده غباء واعتذارى اصل ده من وجهه نظرى انا

عشا ن مبعترفش بشىء اسمه حب اصلا

بس كل الا انا اقدر اقوله اننا مفيش حاجه با ايدينا وكل نهايه بيرسمها القدر بحلوها ومرها

تسلم اخى على الحوار الرائع الجرىء

[العاشق الذى لم يتب]

اقتباس المشاركة الأصلية كتبت بواسطة اميره الشعر الشجين اخى الرجل المتواضع دوما من ياتينى بالطرح الرائع المميز حوار جميل جد ا بصراحه الدنيا مبتقفش على حد يعنى ايه خطوبتك اتفسخت ايه المشكله يعنى هتقليلى المشكله تكمن فى القلب قلب ايه بس بلا قلب بلا بطيخ يعنى لو فكرتى للحظه انو مش كل حاجه انتى بتعوزيها بتححق فانت تريد وانا اريد والله يفعل ما يريد ثانيا اصلا حتى لو وخدين بعض عن حب تسمحيلى اقولك ده غباء واعتذارى اصل ده من وجهه نظرى انا عشا ن مبعترفش بشىء اسمه حب اصلا بس كل الا انا اقدر اقوله اننا مفيش حاجه با ايدينا وكل نهايه بيرسمها القدر بحلوها ومرها تسلم اخى على الحوار الرائع الجرىء

معاك حق يااخت اميرة
مش كل حاجة الواحد بيعزها يلاقيها
وفعلا كل حاجة قسمة ونصيب
شرفتينى بمرورك
وربنايسعدك ويوفقك دوما
تقبلى تحياتى وودى

[ساحر الأحزان]

اية الشقاوة دى

لا حلوة وظريفة منك

ربنا يهدى سرهم

بالتوفيق ليك

[العاشق الذى لم يتب]

اقتباس المشاركة الأصلية كتبت بواسطة ساحر الأحزان اية الشقاوة دى لا حلوة وظريفة منك ربنا يهدى سرهم بالتوفيق ليك

ويهدى سرك وسرى
بارك الله فيك ياغالى
شرفتنى
مودتى

[beauty angel]

بداية موفقة يارفعت
مع الأخت منحوسة دى
هو أكيد مش نحس ولا حاجة
هو قدر مكتوب ,, وفى النهاية كل شيء قسمة ونصيب
بالتوفيق فى الحلقات القادمة أخى
تسلم الايادى