حياتنا فى كلمتين "التعليم المصرى" مع جبل عالى

[Hearts Whisper]

السلام عليكم ورحمة الله وبركاته الاهتمام بالتعليم هو السبب الاساسى فى تقدم اى أمة فان فقدنا التعليم فقدنا التقدم فقدنا الاساس الذى نرتكز عليه فما بالنا بتعليم مبنى على الغش وعلى كثير من السلبيات مبنى على مجموعة من الحروف تسجل فى ورق هذا هوا التعليم المصرى وهو محور حديثنا اليوم سنبدأ حلقتنا مع أول فقرة وحوار مع احد الشخصيات المميزة فى منتدانا ومع ضيفتنا جبل عالى *وتر يقطر نغم* مشرفة قسم النقاش اهلا بيكى معانا فى برنامجنا اهلا بيكِ ياقلبي منوراني بس انتِ مش قلقانة ع برنامجك ؟ مممم ربنا يستر بئاااا لا طبعا كفاية نورك فى البرنامج فى البداية عايزة اعرف ايه رأيك فى التعليم المصرى بوجه عام ؟؟؟ ولله الحمد أثبت فشله الذريع ايه الفرق فى وجهة نظرك بين التعليم فى مصر والتعليم فى الخارج ؟؟ فرق شاسع جدا طبعا ... هنا بيهتموا بالكم هناك بيهتموا بالكيف المناهج المصرية غالبا بتسودها حالة جموع مجرد معلومات تصب فى ورقة الامتحان ايه رأيك هل دا صحيح ؟؟ اكيد صحيح بدون شك والدليل بعد مابنتخرج قابليني لو حد فاكر اي حاجة ده بعد الامتحان مباشرة كمان التعليم المصرى اصبح فأر تجارب لطرق التدريس والتعليم الجديدة ايه رأيك فى الكلام دا ؟؟ هو تخبط أكتر منه تجارب ... عايزين ينهضوا بس للاسف بيسوء حالته اكثر ودااكيد لانهم بيحاولوا يطوروا بدون امكانيات متورفرة لكدا هل شايفة ان الطالب المصرى آخد حقوقه كطالب علم ؟؟ مش فاهمة محور السؤال بالضبط ؟ معلش تعليم مجاني بقا ههههه من وجهة نظرك ايه الفرق بين اهداف كل من الطالب المصرى واى طالب فى البلاد الخرى ؟؟؟ الطالب المصري غلبان طموحاته ملهاش علاقة بدراسته لان المنظومة كلها غير مترابطة اصلا اهتمام الاسرة بالتعليم شىء اساسى شايفة ان دا عندنا بنسبة كام فى المية ؟؟ بصراحة الاهتمام بالزمن ده اصبح بنسبة عالية جدا يكاد يكون 90% نيجى لبعض الظواهر الموجودة عندنا الطالب من الابتدائى بيتعلم ازاى يخاف من العقاب عشان ينفذ المطلوب منه هل دى طريقة صحيحة لبناء شخصية يعتمد عليها ؟؟ بصي لو هتكلم فى موضوع الثواب والعقاب فلازم نفهم انه مطلوب بس بدون افراط لان للاسف لما قالوا ممنوع اكيد شفنا المهازل اللي بتحصل وازاي هيبة المدرس ضاعت مطلوب يكون في اعتدال وعدم تفريط ظاهرة الدروس الخصوصية من وجهة نظرك ايه العامل الاساسى فى انتشار الظاهرة دى ؟؟ طبعا عدم تقدير وظيفة المعلم مبدأياً الى جانب عدم الاهتمام واللامبالاة للطالب لان لما يعرف انه بالدروس لازم يعني لازم ينجح يبقا ليه يتعب نفسه بعض من المدرسين بيربطوا بين الحصص فى المدرسة وبين الدروس الخاصة يا ترى مين السبب فى دا ؟؟ السبب التقدير الضعيف ويمكن الغير موجود اصلا له من الوزارة بيخلق في نفوس البعض الحقد والرغبة في التعويض بأي صورة كانت وطبعا الغلط بيؤدي لغلط اكبر زي اي مشكلة واي مجال فى الحياة عموما ظاهرة الغش ودا بيكون من اساس الطالب من اولى ابتدائى ايه السبب فى دا ؟؟ اول مرة اسمع انها من اولى ابتدائي ... لالا طبعا هو للاسف أصبحت ظاهرة مؤخراً برضو للأسباب السابقة ده غير بئا السياسات المتقلبة واللي كل شوية الوزارة تعملها بمعنى معادش التعليم له هيبة للاسف اصبح بجد خيبة وده بنشوفه كل سنة لا موجودة فى ابتدائى وفى الغالب بيكون الغش من المدرسين للطالبة اهمال الكثير من المدارس لحصص الانشطة بهدف انهاء المواد الاساسية هل دا مبرر انهم يعمله كدا ؟؟ هو مبرر ومش مبرر لان المشكلة هم خلقوها بتضارب السياسات التعليمية منهج يتغير ... منهج منزلش اصلا ... كتب بتتغير ... كتب منزلتش ... كتب نازلة غلط مهااااازل فبالتالي لازم يكون نتيجتها مهاااازل ده الطبيعي اهمال المواهب وتجاهلهم وعدم اعطاء الفرصة لهم ودا بيحصل كتير اوى ايه رأيك فى دا ؟؟ عارفة ليه ؟؟ لان القائمين عليها عارفين ان نهايتهم صفر فخلاص مات الحماس وماتت الروح الابداعية ومات الإحساس بالمواهب ... الله المستعان الاهتمام الشديد باللغة الانجليزية كمادةدراسية ورغم ذلك لا يستطيع الطالب التعامل بيها فى حياته من وجهة نظرك ايه السبب ؟؟ عدم إختيار وتأهيل المدرسين بتدريب جيد الى جانب عدم الإهتمام بنوعية المدرسين القائمين بتدريس اللغة بمعنى كله شغال اللي بينطق صح زي اللى واخدها بالشبه وصدقيني انا بشوف ده بعيني وباسمعه وباتحسرررر يا ترى ايه الوسائل الازمة انننا نطور التعليم فى مصر ؟؟ حجات كتير اوي اولها الاهتمام بتأهيل المدرسين والاهتمام برواتبهم وتكفيل حياة كريمة له ده مبدأيا ..ثم بعد ذلك الوقوف على منظومة تعليمية معينة تتوافق مع شرقيتنا ومع ظروفنا الاجتماعية واحتياجاتنا المجتمعية الاهتمام بالأنشطة والتوعية وتحفيز الكل سواء المعلم او الطالب فى معاملة كريمة ثم الاهتمام بالتواصل الاجتماعي بين الطلبة واولياء الامور وخلق جو من التقدير وفى النهاية عايزين منك كلمة لكل من الطالب صدقني بكره هتعرف قد ايه اهمالك ولا عدم تقديرك ماكان لصالحك المعلم حاول رغم ظروفك تساعد في خلق جيل يحترم التعليم الدولة هقولها ايه بس حني علينا يادولة وحسي بينا شوية بقاااااااااااا ميرسى على وجودك معايا وبجد كنت سعيدة بوجودك وبكدا تنتهى اولى فقراتنا فاصل ونعود من وسط المنتدى

[Hearts Whisper]

اهلا بيكم مرة اخرى فى تانى فقرة من حلقتنا وبعد النزول الى وسط المنتدى والاطلاع على اراء بعض الاعضاء ولما سألتهم عن رأيهم فى التعليم المصرى كان ارائهم كالتالى خارج عن القانون هو فين التععليم ده اصلا؟؟؟ مش انا اللى هيبقا ليا مقترح فى حاجه معرفهاش المفروض انهم يجيبو خبراء التعليم وخاصه المصريين منهم اللى بره وهما يقولو نعمل ايه CoToMoTo مشرفة قسم الفضفضة c я ч ѕ τ α Ł رايي في التعليم المصري تعليم فاشل فاشل فاشل وهيفضل فاشل طول ما الدروس الخصوصيه شغاله تطويره يكون ان المدرس يدخل يشتغل مش يجيب كرسي ويقعد وبكدا تتلغي الدروس الخصوصيه دي والطالب يروح المدرسه مش يروح يوم ويفضل بئيت الاسبوع نايم في بيتهم روح صامتة نثــــراتـ عطــر* ~ التعليم كنظام فاشل نوعا ما لانه مش بيساعد الطالب انه يستوعب و يفهم المادة العلمية و التعليم كمنهج محتاج تطوير و مواكبة للعلم الحديث مقترحاتي هي انه يغلب الجانب العملي على النظري في المواد اللي تحتاج تطبيق اكتر من الحفظ ايجاد نظام يمنع الدروس الخصوصية ويخلي الطلاب ينتظموا ف المدارس التوعية باهمية الدراسة .. تطوير المنهج بحيث يقدر يستوعب متطلبات العصر الابعتاد عن حشو المناهج بالمعلومات اللي ملهاش لازمة .. ولازم يكون كل كلمة بتدرس ليها فائدة .. و تطوير نظام الامتحانات كمان .. دي حاجة مهمة جدا ,, يعني اصلا الامتحان غايته ان احنا نفهم اذا الطالب فاهم ولا لا مش مجرد حساب علامات ودرجات وخلاص .. ولازم يبقى فيه مشاركة للراي مع الطلاب .. ! وعشان نضمن كل دا لازم يبقى فيه ميزانية كويسة وكافية عشان نحسن التعليم .. عاشقة ذكر الله عضوة مميز تعليم متخلف جداً بيعتمد على الحفظ مش الفهم للأسف قدامنا كتير جداً علشان نطوره من التخلف اللى فيه دا يخلو المواد اللى هندرسها طول حياتنا هى اللى ندرسها و المواد اللى بالفعل نستفيد منها مش ماده ناخدها و بعدين نركنها لا منها بنستفيد و لامنها بنطبق محتاجين وسائل تحببنا فى الدراسه مش نبقى قاعدين لا طايقين المدرسه و لا المدرسين اللى بيدرسو فيها محتاجين لمدرسين يتكلمو و يناقشو مش يقولو كلام نصمه و نحفظه و خلاص الرجل المتواضع قلم مميز التعيلم فى مصر قمة فى المسخرة وعدم الجدوى ومنذ19سنة وهو تقهقر وتراجع واقترح أن يكون لدينا تعليم متخصص من المرحلة الابتدائية لحد الحصول على الاخيرة بمعنى يكون فيه تعليم تخصصى كل على حسب مقدرته الذهنية والمادية وبكده يبقى عندنا جيل متخصص فى مجالات متعددة كما هو موجود فى كثير من دول العالم ولابد من الدولة من رعاية التعليم وتخصيص له ميزانية كبرى وربك يصلح الاحوال وبكدا تكون انتهت فقرتنا وحلقتنا اليوم ونحب نشكر الجميع على آرائه وفى النهاية حبين الكل يدخل يشارك ويقولنا رأيه فى تعليمنا وايه المفروض نعمله عشان نكون افضل انتظرونا مع حلقة جدية وقضية جديدة كانت معكم Hearts Whisper من امام قسم اليوميات

[كبرياء رجل]

حوار جميل منك همس اكيد مع شخصيه
كلنا بنحترمها وبنحترم رأيها في شتى المواضيع
وطبعا لو اتكلمنا عن التعليم واسباب فشله مش هنخلص
لاننا لو دورنا على كل حاجاه في البلد عاوزه تتصلح هنلاقي كتير
ربنا يوفقك الجميع والحمد لله برضو رغم كده بنلاقس شخصيات معروفه وعلماء واطباء من بلدنا
بالتوفيق ليكم منورين جميعا شكرا همس على الحوار الجميل منورانا اختنا الراقيه جبل عالي
تحياتي لكم

[الأميرة رودي]

حوار جميل جداا جدا مع جبل وجميع الاراء
الكل اتفق على ان التعليم ف الانعاش ومحتاج صحوه كبيره ومش هياخد بايدينا غير سياسه تعليم جديده
ومؤسسه تعليميه على قدر كبير من التوعيه والكفاءه
تقدر تنمى عقول أطفال من البدايه على الآساليب الحديثه..

استضافه راقيه منك شوشو وتجميعه اراء عقلآنيه وكلها فيها حلول كويسه
تسلمين اختى يدوم التميز