رحلة فى اعماق أديب \ة ومعنا ساحر الأحزان

[ابتسامة الزهر]

ويهتف الحرف ليدون الهمس الرقيق وتتهادى السطور هسيسا يتحفنا بالإبداع أقلام واعدة وأرواح هامسة ونبض نقي ينزف مدادا شلالات متدفقة من فيض العطاء أبجديات متفردة تتناثر عبر سطور اللغة وألحان معزوفة بتغاريد الحب يدونها القلم على السطوور و يسعدني واياكم خوض بحار الأدب واكتشاف درر المعرفة لنستخرج كنوز ولآلئ يسعدنا التزين بها على الدوام فشدوا الأحزمة واستعدوا للانطلاق ولنبحر برحلة ممتعة فيها إثراء للفكر وتنمية الحس الأدبي ورحلة في أعماق أديبــ / ـة ومعنا المتألق الراقى الأداري ساحر الأحزان لكن هنا نستضيفة كا عضو له قلم ادبى السلام عليكم ورحمة الله وبركاته اولا ارحب بك اهلا وسهلا شكرا أبتسامة على أرسال الدعوة الكريمة منك نقدم لك واجب الضيافة تحب تشرب ايه لا شكرا لسة شارب يبقى بعد الحوار ممكن خلاص خليها بعد الحوار اسئلتى 1 - يوجد اقلام تكتب كثيرا وتعبر بقلمها عما يجول فى خواطرها مين من هؤلاء الأعضاء استطاع ان يستفز قلمك؟ بعيدا عن ذكر الأسماء فية أقلام لو أحصيتها مش حقدر لأنهم عدد كبير جدا طبعا دى دبلوماسية فى الرد 2 - من خلال كتاباتك الأدبية اعرف انك تستطيع ان كتابة الشعر او ما يجول فى تفسك فلماذا انت مقل فى الكتابة ؟ حكاية الكتابة دى ميول مزاجية يعنى الواحد ممكن فى يوم ينزل أكتر من حاجة وبعدها يفضل فترة مقل ما يعرضى أهم حاجة الألهام الفكرى لما يجى تلاقى الكتابة أشتغلت 3 - ممكن تقول لنا اول خاطره كتبتها ؟ هى خاطرة كانت بسيطة جدا وهى العيون هل تبوح بما تحس بة دى على ما أفتكر كانت أول كتاباتى 4 _ بامانه شديده واحنا عارفين عنك الصدق هل ترى أن فيه مجاملات فى المسابقات الادبية على وجه التحديد ؟ قبل المجاملة فى أى مسابقة فيها فايز وخاسر ودى مسابقة كل واحد وهو داخل مفكر أن موضوعة حيكون الأفضل لأنة تعب فية بسى برضة فية ناس تانية برضة بتتعب فى مواضيعها يعنى حط أحتمال للفوز وأحتمال للخسارة على شان متزعلشة نفسك وبعدين فى الأول وفى الأخر دى مسابقة والمسابقات مخلصتشى فلازم يكون فية روح رياضية بين الفايز وبين الى محلفوش الحظ برضه رد دبلوماسى 5 - مطلوب منك تقول لنا اقوى 3 اقلام ادبية فى المنتدى اذكر اسماء وبدون دبلوماسية فى الأجابة قبل كدة قلتلك أن لكل قلم أسلوبة ألى بيميزة عن غيرة فلو ذكرت عدد محدود حظلم الباقى فى حقة 6 - الأسماء الأتية بعد مطلوب منك بحكم خبرتك تكلمنا عنهم فى نطاق الشعر جبل عالى قلمها جميل جدا ويحتاج الى الترويض حتعطى أكتر وأكتر دمعة حائرة قلم سهل ممتنع بيعبر ببساطة شديدة وأسلوب سهل نجم وزهرة ومسافات فراق قلم متمردومندفع لو تحكم فى قلمة فهو عندة المزيد الى يقدمة من الأبداع والمهارة القيصر اسلوبة شديد العذوبة والبساطة فى التعبير وحسة راقى الرحاال قلم عامى مميز أسلوبة بيفكرنى بصلاح جاهين وبيرم التونسى فى فن الكلمات ويوصلها للقارىء بكل بساطة وتلقائية وبدون مجاملة 7 - تلاحظ فى الفترة الطويلة السابقة ومن حكم تواجدى فى المنتدى هذه الظاهرة الغريبة اقلم لها وزنها وثقلها وحضورها بعضها هجر المنتدى وبعضها اعلن اعتزال الكتابة هل بحكم خبرة ساحر الأحزان الناس دى زهقت؟ ام شعرت بالملل ؟ ام افلست ؟ وبعيدا عن كلمة الظروفلأننا جميعا لدينا ظروف الكتابة زى ما قلتلك بتحتاج لحالة خاصة على شان الكاتب يكتب ودة حال المنتديات ناس بتيجى وناس بتروح فية الى بيرجع وفية الى ما بيرجع وأنا من يوم ما أنتسبت شفت أقلام ذهبت وأقلام جت وأقلام باقية وأهم حاجة ثقة الكاتب فى قلمة وعدم أهتزازة لأن للثقة عامل مطلوب فى أظهار موهبة الكاتب 8 -كما تتابعك ألأعضاء فأكيد أنت الأخر تتابع اقلام مميزة من من الأعضاء تشعر انه يكتب بأحساس الشعراء فيترك اثر فى نفسك خليهم فى سرك بقى يكفى المتابعة والتقدير من دون كلام ههههههههه كان نفسى تقول لنعرف مين اللى بيكتب باحساس ومين اللى بيكتب كلام وبس 9 - ماهى اقتراحاتك بالنسبة للأقسام الأدبية ؟ من نشاط أى قسم هناك عبأ يقع على المشرفين فى كيفية التعامل مع رواد القسم من الأعضاء العضو أن وجد راحة نفسية وترحيب فى القسم مع التشجيع من المشرفين حيكتب ودة حيعمل على نشاط القسم مع التكريم والمسابقات وجلب صور للتفاعل داخل القسم المشكلة انك لو كرمت الجدد يقولوا جديد ومهما كرمت للتشجيع فى ناس تفتكرها مجاملة على الرغم من انهم مكرمين قبل سابق ولكن كل واحد عايز دايما يكون هو ويزعل ويقول مجاملة ومش حادخل القسم واصبح ارضاء الجميع صعب 10 - يقولون ان الشعر موهبة فهل هو موهبة فقط ام دراسة ام الاثنين معا الشعر فى الأساس موهبة ودة كان قبل كدة وكان الشاعر بينمى موهبتة بتكرار أشعارة لأن مكنشى فية كتب لتعليم فن الشعر وأنما كان الأحساس فطرى عند الشاعر أنما دلوقتى فية مدارس للشعر وفى كتب لتنمية موهبة الشاعر وتصقيلة يعنى فى العصر الحاضر الموهبة محتاجة دراسة وتصقيل لأبرازها بصورة أكبر 11 - ساحر الأحزان بحكم وجودك فى الأدارة يحب يطبق القانون كمسؤل ولا يحب يمشى روح القانون على فكرة فية ناس بتزعل من تطبيق القوانين وفية ناس لو طبقت روح القانون يقلك دة ضعف فى كلا الأحوال مش حتعجب المهم أنك تبعد عن الظلم وتعطى صاحب الحق حقة ومفيش قضية الحكم فيها بيرضى الطرفين لأن كل واحد بيكون متمسك أنة صاحب الحق وأحنا بشر مش ملايكة حنعدل بنسبة مية فى المية المهم أنك تراعى ضميرك وتعاملك مع ربك فى حكمك للأسف لو راعينا ربنا زى ما قلت لك يتقال فيه مجاملات اصبحت حاجة محيرة 12 - ساحر الاحزان هل من الممكن تنفذ كلمات هو غير مقتنع بها ياريت اجاية غير دبلوماسية دى بتكون قرارات بتعملها عن أقتناع ومش عيب أبدا لو صدر قرار وكنت أنت مخطىء فيه مش عيب ولا تقليل منك أنك ترجع فية أهم حاجة أنة ميظلمشى غيرك 13 - فى نظرك ماهى سلبيات المنتدى وايجابياته وكيف نتلاشى السلبيات الأيجابيات مش حتكلم فيها الحكم للأعضاء أنما السلبيات ياريت روح المحبة والأحترام تزيد وتصفية النفوس والنيات وأن كنتم أخوات تعاتبو ولكن لا تتنابذو وأن بعض الظن أثم هى دى مشكلة المنتدى ما فيش روح المحبة تلاقى كل جماعة عاملين جروب لوحدهم والكل مستنى للتانى غلطة كأننا داخلين حرب او بناخد مرتب مش ترفيه وراحة وتخفيف ضغوط 14 - رسالة الى ..... توجهها الى من أوجها فى أن لا نأخذ بما فى الغيب وتصوير شىء غير موجود وأحسان الظن بالغير وعدم الحكم من دون موقف أو فعل وفى النهاية نشكرك على رحابة صدرك وتشريفك لضيافتنا ويارب تكون اسئلتنا خفيفة عليك ونورت أنا ألى بشكرك على جميل حوارك وبتمنى لكى وللأخوة الأعضاء كل توفيق بعد الحوار الجميل نقدم لك كوب من الليمون المثلج لتخفيف شدة الحر ولا تقول علينا بخلا اتفضل اشكرك جدا على رايك ويسعدنى أن أقدم لك هدية صغيرة تقديرا لك من مشرفى القسم واتمنى ان تعجبك وانتظرونى مع اديب\ة فى موضوع جديد

[نجم وزهره ومسافات فراق]

بيعجبني في ساحر
انه هادي طول الوقت
حتى لو العالم مولع حواليه
مالوش دعوه
مكبر دماغوا
بص ياعم ساحر وهكلمك بلدي مش نحوي


انت عارف كويس تقديري ليك ومش هتكلم عليه
انما مع كل الاحترام ليك ولشخصك
انا شفت موقف آه احترمت هدوئك ورد فعلك فيه
انما مع كل الاحترام ليك ومش هقول الموقف وانت فاهمني اكيد
انا بعتب بقوه عليك
ومش هقول اكتر من كده


نجم وزهرة ومسافات فراق

قلم متمردومندفع لو تحكم فى قلمة فهو عندة المزيد الى يقدمة من الأبداع والمهارة


هههههههههههههههههه
طبعا لازم اكون متمر ان تبع حركم تمرد ياعم
وانت معانا بردوا ولا هتنكر



بصراحه توبيك روعه ساحر منور فيه
ومؤكد اختنا الطيبه ابتسامة الزهر احسنت اختيارها كالعاده

ومفيش غير الخمس نجوم من غير لايك واذا كان عاجبكم بقى
منورين ياكرام



اخوكم

[مِسكُ الشَهادة]

حوار راقي لأبعد الحدود من أختنا الغالية إبتسامة الزهر
ذات القلم المتميز ... أما الضيف أمجد إنسان رائع لابعد الحدود
ربنا يسعدك يا غالي ويبارك في عمرك يا رب
كل التقدير لكم من كل قلبي
دمتم بخير

[تجملت بالعفآف]

رحله جميله وهادئه

وأمجد من الشخصيات التي لها تميز جميل وراقي في المنتدي

ويشهد المنتدي علي أسلوبه وتفكيره العقلاني

برغم مهما كان في أنفعال بين أي شئ

لا ينفعل مثلهم بل يبقي كما هو بشخصيته وهدوئه

وحوار جميل ياا ابتسامه

والضيف كان أجمل

في أنتظار الجديد

أحترامي

[اسيل الفلسطينية]

اشكرك اختي على الحوار الرائع والاختيار الموفق لشخصية رائعة جدا
انا شخصيا احترمها واكن لها كل المودة والتقدير
انسان اخلاقه عالية ويتمتع برحابة صدر وشفافية
ودبلوماسي وهاديء وكلها صفات ايجابية تحسب له
استمتعت جدا بهذا الحوار الراقي
مشكورة غاليتي وبوركت جهودك

[العاشق الذى لم يتب]

بسم الله
أولا يأخت أبتسامة لايمكن يكون اتهام بالمجاملة لأى حد يحكم ضميره
كما شاهدت تعقيبك على كلام اخويا امجد
الغالى أمجد أنا مش همدح فيك كتير لأانك مش محتاج مدح
أنت هذا رأى أمام الله وحده وهو شهيد ليست مجاملة
أرى فيك الحيادية والعلانية كفى بهما خير الصفات وأعظمها
اخى بارك الله فيك وأكرمك وحفظك ورعاك وزادك من عطائه
والشكرللمذيعة المتألقة والشاعرة اللاطشة أختى أبتسامة
سعدت بجودى معكما
مودتى

[طبيب الهوى]

أخي الذي أعتز به كثيراً أمجد

حوار راقي وإجابة عقلانية منك راقت لي كثيراً

ولي الحق أن أفتخر بك أخي الأصغر

موضوع جميل منك أبنتي أبتسامة الزهر

وأسئلة قيمة وحوار رائع مع أمجد

تحياتي وودي وورودي

أبو عصام

[ساحر الأحزان]

شكرا أبتسامة على حوارك وجميل دعوتك

التى أعتز بها

وان شاء الله دوام التوفيق لكى

وللأخوة الأعضاء

ولية عودة للترحيب بيهم

[جبل عالي]

الأول وقبل أي شىء أحب أحييك ياساحر على هدوء أعصابك وعلى إجاباتك المتزنة جدا

وصدقني نجاح أي إداري بيكون في قدرته على إحتواااااء من تحت إدارته وليس تحجيمهم

أو فرض قيود عليهم الا من رحم ربي .... والحقيقة انت بتجتهد جدا لأجل توصل للهدف ده

بغض النظر عن أن في مشاكل او او ودي نقطة كان مفروض أذكرها لأمانة




طب انا عزمت نفسي على الليمون الاول قبل ما ارد وانا عارفة ومتأكدة ان ساحر موافق

مممممممممممممممممممم الحمدلله رب العالمين جميل جدا

نيجي لإسمي اللي مكتووووب ده

معلش ياساحر ((( ترويض ))) ياريت ألاقي لها تفسير عندك بالتفصيل

ترويض من ناحية إيه ؟؟؟ هل أطرق مواضيع سياسية مثلا وأثير بها بلبلة ؟؟

هل أطرق مواضيع أخلاقية برضو تثير الجدل ؟؟؟

هل أطرق مواضيع دينية تثير للجدل كمان مرة ؟؟؟

اعتقد ان السؤال هنا ياساحر يخص كتابات وليس تصرفات شخصية

لأن أحب أوضح ياجماعة ان جبل أيوة تحتاج لترويض كتصرفات

كردود أفعال .... بس بكل أمانة أكثر من تحمل من جبل ((( ساحر الأحزان)))

وياسيدي أنا باعترف لك ع الملأ أهوووووو

بس اعتراضي على قلمي ,,,,,,,,, فين وايه وليه وامتى ؟؟ عايز ترويض ؟؟


ياريت تتقبل سؤالي بروح ود لان انت قلت جملة جميلة بجد

عايزين نرجع روح الود والحب

بس ليا برضو تعليق صغير على موضوع التكتلات والشلل

تذكر جيدا ان موضوع الجروبات والمجاميع لم نلجأ له الا مؤخرا

كما يقولون بعد ان فاض الكيل وليس الغرض منه محاربة

ورب الكون أعلم بما فى القلوب ووحده اعلم بالنيات بالفعل

ومن تاني أعيد واكرر أحييك كل التحية والتقدير

[احساسى صحيح]

امجد استاذ الدبلوماسية
وانا احى فية روح الاخوة
وحرصة على عدم وجود مشاكل ودة كلنا بنطلبة
حوار جميل من اختنا الراقية ابتسامة الزهر
وردود ارقى من ساحرنا الجميل
اتمنى لكم كل توفيق