الفار النونو وصفحات الاعضاء

[الأميرة رودي]

ازيكو ازيكو..

الفـار النونو





ده فار مش زى الفيران العاديه اللى بنشوفها دي
دا فار عِفريت ( بكسر العين)

بالآمس استغل احد الفئران انقطاع التيار الكهربي وان محدش شايفه وتسلل الى داخل المنتدى
اول مادخل طبعا راح على قسم الصفحات عشان عارف ان الكل بيجيب أكل وشيكولاتات ف صفحاتهم ..
قعد يدعبس ف صفحات الاعضاء عن شويه سكر ياكلهم
لقى السكريات ف كل مكان والصفحات كلها سكر وعسل وشهد ومكنش عاوز يخرج من الصفحات.
حسيت انا بقلق فـ بعت لكريم عاصم استنجد بيه
قالى لآ خلاص ياختى انا سيبت القسم وماليش دعوه بأى حاجه تحصل فيه ان شاالله يارب يجيلكو تماسيح
طول عمرك أصيل يابني

رحت بعت لـ مسك الشهاده قولتله تعالى اقرألنا بصوتك قرآن ف القسم طلعلنا العفريت اللى هوالفار يعني . قالى انا مسافر تركيا وابعدينى عن القسم بتاعك ده وزى ما بتعملي اعمال وسحر وبتطفشى كل المشرفين اللى معاكي
اعملى عَمل للفار يمكن يطفش هو كمان ..
(( والله يابني مابعمل حاجه

الفار بهدل الدنيا ودخل صفحه هبه عاشقه الهدوء سرق البسكويت اللى كانت عاملآه
دخل عند الرجل المتواضع بما انه اجدد صفحه اتفتحت ف القسم
قال يمكن الآقي فيها شربات وحلويات بمناسبه الافتتاح بس لقى أ- رفعت قافل كل المنافذ اللى عنده

راح لـ سعد لقى صفحته جميله واستمتع مع ميسي وأشعار سعد اللى بيكتبها.
بعدين خرج أخدله جوله مابين صفحات تقى وعبدالرحمن وسارة ونور وحنان وآية وزينب وسهر وأيمن وهيثم وطبيب الهوى ووردة..
جالى شكاوى منهم بكده النهارده

كل مايروح مكان يسرق الحلويات اللى فيه ويجرى
وأكيد حسيتو النهارده ان فيه حاجات مسروقه من صفحاتكم .

المهم خلاص هو بعد ماخلص السكر الل عندهم هرب وجرى وجه على الخزعبلآت
.لقى فى وشه نفرتيتي قال فى نفسه (( ليلتك مش معديه ياعم النونو
طالما سما هنا يبقى هتاكلنى بسنانها

وفعلا بدأت سما فى تحضير الشوم وآلآت الحرب بتاعتها

دخلت كونتيسا لقت الفار حيران وعاوز يهرب من سما
وبما ان ساره قلبها طيب أوى
قالتلها سما انا هاخد الفار ده اربيه فى بيتنا وألعب معاه ومش هخليه هنا يسببلكو اى ازعاج
وفعلآ أخدته ع البيت
ماهى لو ساره ماعملتش كده ماتبقاش ساره..
.

دالوقتى جابتله شامبو وعملتله بانيو خاص بيه وبتاخده معاها السوق والمول واشترت له بورنيطه كمان
مظبطاه يعني
ودالوقتى بقى فاار شكله جميل ورومانسي وبيعزف موسيقى


دى صورته قبل ماتاخده ساره





ودي بعد مااخدته ساره



أنتهت رحله الفار النونو ف الخزعبلآت بعد مااخدته ساره وتولت تربيته

مبروك عليكي الفــار ياسوسو
يتربى فى عزك وتشوفيه عريس

.......................


انا قليل لما بعمل خزعبلآت
بس انا قاعده فاضيه ومش ورايا حاجه قولت اشغل نفسي وكمان شوفت فار النهارده
بيجرى على ماسوره الميه بتاعت الجيران بس كان سمين وماشاء الله شكله متغدى حلو يعني
قولت أجى انم فى سيرته شويه يمكن ودانه تصفر ويتهد ويبطل تنظيط..

[طبيب الهوى]

هههههههههههههههههههههه



بما أنك يا ساره أهديتي ساره الفار النونو



هكون معاكِ كريم وأهديكِ قط السافنا








وطبعاً يا ساره أنتي هتخليه عامل كده









موضوع فُكاهي جميل وفكرته حلوة وسردك للحكاية أحلى



تحياتي وودي وورودي



أبو عصام

[~♥ Queen sozan♥~]

انا ماشية تمام واوصل ما شوفت الصوره قلبى وجعنى هههههههههههههههه
انتى بتعزبينا ولا اية يا بنتى
بس خزعبلاية حلو
واول مره اعرف ان سما قلبها جامد كدة يا حلوتها هههههههه

يسلمو يا عسل على الفزعة دى

[جبل عالي]

ههههههههههههههههههههههههههههههههههههههههههه

الله عليكي يارووووودي ياقمر بجد بجد ضحكت لما بطني وجعتني

اصل الصراحة النهاردة يوم الضحك والفرح العالمي بجد

ربي يسعد قلبك ياقلبي يااااارب

[phalsteen]

اقتباس المهم خلاص هو بعد ماخلص السكر الل عندهم هرب وجرى وجه على الخزعبلآت .لقى فى وشه نفرتيتي قال فى نفسه (( ليلتك مش معديه ياعم النونو طالما سما هنا يبقى هتاكلنى بسنانها وفعلا بدأت سما فى تحضير الشوم وآلآت الحرب بتاعتها

والنبي مظلومة يانا
دا انا عندنا فوبيا من منظرهم
كان ممكن اموت من كتر الخوف
حرام عليكي يا رودي انتي هطفشي الفيران من عندك
لعندنا ليه بئا

منورة الخزعبلات يا قمري

[۩۩ elMagic ۩۩]

ههههههه
موضوع حلو ودمه خفيف
الله ينور ي ساره
ومبروك لـ اليسا الفار اللقطه داا
خزعبلايه جميله منك بقى
يدوم النشاط ,,

[مِسكُ الشَهادة]

هههههههههه ايه الحكاية الراقية دي يا سارة
فار مرة وحدة وإستغل الموقف ودخل القسم اممم
يا بنتي أنا قرأت المعوذات وخرجت ورجعت تاني وجدت
الفار موجود لساته ولكن اصبح ايجابي وبعمر في المنتدى
وبيدعو للتعاون ايه الفار دا هههههههههههههههههه
شيلي السحر من القسم يا سارة كفاية مصايب
ههههههههههه ال فار ال والمصيبة انه عفريت
عندي وصفة بسيطة ليكي :_
كل يوم رشي القسم بحبوب منبهات
وبخريه بعد الضهر وفي الليل افضلي ادعي ربنا ع مدة اسبوع
وبعدها حتشوفي النتيجة هههههههههههههه
لا بجد موضوع راقي ومميز من اخت نعتز بها ونفتخر ومهما نقول بحقها سنبقى مقصرون
ربنا يسعدك يا اختي
دمت بالف خير

[الأميرة رودي]

اقتباس المشاركة الأصلية كتبت بواسطة طبيب الهوى هههههههههههههههههههههه بما أنك يا ساره أهديتي ساره الفار النونو هكون معاكِ كريم وأهديكِ قط السافنا وطبعاً يا ساره أنتي هتخليه عامل كده موضوع فُكاهي جميل وفكرته حلوة وسردك للحكاية أحلى تحياتي وودي وورودي أبو عصام

هههههههههههههه

أيوه طبعا هخليه ينكمش ويخاف ويترعب

وبعدين احنا محتاجين القط ده عشان ياكل الفار النونو اللى عامل هيصه ده

بس هو خلاص بقى مؤدب ورومانسي وبقى فى رعايه سوسو ماشي وراها مكان ماتروح

بالعزف الموسيقي بتاعه .

بقى بيعزف ميه ميه

نورتنا ياطبيب ألف شكر لحضورك الراقي

[الأميرة رودي]

اقتباس المشاركة الأصلية كتبت بواسطة ~ ‏‏‏‏♥ queeη sōmą ‏‏♥ ~ انا ماشية تمام واوصل ما شوفت الصوره قلبى وجعنى هههههههههههههههه انتى بتعزبينا ولا اية يا بنتى بس خزعبلاية حلو واول مره اعرف ان سما قلبها جامد كدة يا حلوتها هههههههه يسلمو يا عسل على الفزعة دى

سلآمه قلبك ياسوما
ههههه والله يابنتي بعزكم أجدا وربي يعلم ::
وسما قلبها ميت ولولآ سارة كان زمانها دبحته
نورتى ياسوما ياقمرايه مانحرمش منك

[الأميرة رودي]

اقتباس المشاركة الأصلية كتبت بواسطة جبل عالى ههههههههههههههههههههههههههههههههههههههههههه الله عليكي يارووووودي ياقمر بجد بجد ضحكت لما بطني وجعتني اصل الصراحة النهاردة يوم الضحك والفرح العالمي بجد ربي يسعد قلبك ياقلبي يااااارب

هههههههههه ربنا يديم ضحكتك ياحبيبتي

ويكتر من أفراحك وألف مبروك لـ أيمن عقبال شهاده التخرج يارب

نورتيني ياقلبي