اشتقت لرمضان

[فرانكو.هدوء ملك]

بسم الله الرحمن الرحيم

كيفكم اعضائنا العساسيل :d

انا امبارح قعدت مع نفسي وفضلت استرجع ذكرياتي

تذكرت ايام الطفوله وآيام شهررمضان

يااااااااااااااااااااااه

والله بجد نفسي في رمضان

رمضان الي احنا عارفينه مش رمضان ده

رمضان الـ كنـا بنسهر احنا والاهل والاحباب

نقرآ كتاب الله بتدبر مش بنقرآ عشان لازم نقرآ

كنا بنصوم حب للصيام مش لآنه فرض وبس

كانت اجمل لمة فوسط العيله وقرأن المغرب وانتظار الاذان

ونروح عند عم عبد الله الكنفاني افضل قاعد هناك واجمل قصص بتتقال

وبالليل الجو الشتاء نولع ونتدفي ووقت السحور الف علي كل الشارع اقولهم سحور

هو فين رمضان ي جماعه

بجد اشتقت اليه اوووووووي

[βỊиŢ ξŁMĄŊŞΘЦЯĄ]

فعلا اشتقنا لرمضان الشهر ال بيفوت بسرعه ده وبنقعد نستناه كل سنة
واكل رمضان بقى والكنافه والقطايف وياسلاااااام ع الوقت ال قبل الفطار ال بنقعد نقرأ فيه قرآن ونتسابق انا واختي مين ال هيختم القرآن الاول
وساعه الفطار الكل يجري ويحضر فيه ونشرب قمر الدين والتمر ونتفرج ع المسلسلات الجديدة (( بتاعت زمان مش اليومين دول ال غاوين يكروا القصص )) وساعه الصحور كنت افتكر وانا صغيرة ماما تصحيني وانا ف عز نومي وتديني ساندوتش واصحى الاقي نصه جنبي الصبح :d والله احلى ايام هي ايام رمضان
اللهم بلغنا رمضان

[العاشق الذى لم يتب]

اللهم بارك لنا فى رجب وشعبان وبلغنا رمضان
ربنا يصلح حال المصريين والمسلمين فى كل مكان ويهديهم للتقوى والايمان

ازيك ياراجل فينك وحشنى والله
مودتى

[Angel Smile]

انا كأسرتى ...
لسة محتفظين بجو رمضان حتى الان
حتى لو التمسليات شدتنا شوى
بنكون فلمة اسرية عظيمة
و فى سباق مين يختم القران الاول
و كام مرة
و مين ال هيعمل السلطة كل يوم

انا لسة عندى الذكريات دى و اتمنى الشهر ده يخلص بسرعة علشان اعيشها تانى و تالت و رابع ^___^


اشكرك لقلمك ..

[بلدنا في القلوب متشاله]

ايام رمضان دي بالذات مش بتاعت زماان بنكون عيزينها تخلص بسررعه علشان الحر

مع انها بتكون ايام حلووه اوووي وفي اخر يوم رمضان بنزعل جدا ان رمضان خلص

شكررا

[دمعه حائره]

فعلا حاجات جميله بتلم شمل الاسره وبتقوى علاقه الانسان بربه
اللى مفروض تكون طول السنه
اللهم بلغنا رمضان واعانا على طاعتك وحسن عبادتك
تسلم فرانكوا موضوع جميل

[فرانكو.هدوء ملك]

امين يا رب ويصلح حالنا جميعاااااااااااااااااااااااااااااااااا

ربنا يخليك يا رفعت انا هنا اهو ههههه

يسلمو لكل الـ مرو علي الموضوع

[Words Whisper]

فينا نحافظ على جو رمضان اللي بنحبه
ونقدر نجعل رمضان كله خير لنا ومش نخلي حاجة تبعدنا عن أجره
بس المهم ناخد قرار وبجد ننفذه ..


اللهم بلغنا رمضان وتقبله منا ..


شكراً لحضرتك ..
دمت بخير ..

[اسيل الفلسطينية]

ومن منا غير مشتاق لشهر الخير والبركة
شهر الرحمة والغفران له مذاق خاص
ربنا يعيده على الامة العربية والاسلامية باليمن والمسرات
وان تنعم شعوبنا بالسلام والامان والاستقرار
شكرا لك بارك الله فيك

[الأميرة رودي]

فعلا حاجت كتير اتغيرت
وحتى الاحساس بفرحه قدوم رمضـان بحس انه مابقاش زي زمان
وافتقدنا حاجات كتير اتربينا عليها زي الزيارات اليوميه فى رمضان وصله الرحم الى مش بتتقطع
واللمه على الفطار أو بعده..
أكيد فيه جاجات وعوامل أثرت على الآختلآف الكبير بين زمان ودالوقتى
يمكن الظروف السياسيه الصعبه اللى بنعيشها مأثره على نفسياتنا
اهو قرب واشتقاله جداااا بجد
ربنا يعيده علينا وعلى المسلمين جميعا بكل خخير