مشكلة عاطفية

مساء الخير

انا مش مسجل فى المنتدى بس بالصدفة لقيته

انا هاحكى على مشكلتى وياريت تساعدونى

انا فى واحدة اعجبت بيا وحبيتها واعترفتلها بكده بعد ما اتاكدت تماماً انها بتحبنى اوى وهى باباها ميت وامها لسه عايشة وهى متقدرش تكسر خاطر مامتها علشان اى حد مهما كان مين فا امها عرفت ولما انا عرفت ان امها عرفت قولتلها طيب ايه الحل فا ردت عليا وقالتلى مفيش انا اسفه مش هقدر اكمل معاك مع انى الصدمة وقعت عليا بس متوقعتش انها هتقول كده بسهوله بس هى كانت بتبكى اوى ومكتئبة واتفقنا اننا نبقى اصحاب ونسال على بعض بس هى ادت لمامتها كلمة ان كل حاجه خلاص قولتلها طيب متحرمنيش انى اتطمن عليكى حتى ولو كل اسبوع مرة فى الموبايل واعتبريها زى ما قولنا اصحاب بس هى مرضيتش وانا مش عارف يا ترى هترجعلى ولا لاء ومش عارف اكلمها اقولها ايه وبعتلها رسالة قولتلها انى مسافر ومردتش عليا فا انا مش عارف هل هى لسه عايزة تكلمنى ولا هل غصب عنها ولا ايه انا بجد محتار يا ريت تساعدونى

[تجملت بالعفآف]

هو دايما مشاكل الحب ملهوش طبيب

لو انت بتحبها بجد روح اتقدم ليها

واعرف مامتها مش موافقه ليه ، يمكن تغير رايها بعد لما تتقدم لبنتها

وما بعتقد انه في ام هترضي لبنتها تعيش محرومه من فرحتها

والبنت عباره عن ريشه ضعيفه تخاف تخسر أمها

وغضب الام شديد ، الوجنه تحت أقدام الأمهات

حتي لو بتحبك ممكن تتخلي علي اي حاجه علشان أمها لا تزعل

وربنا يسعدك وتكون الفتاه من نصيبك

وقل لن يصيبنا الإ ما كتب الله لنا

ومنور

[سهـــر]

انا مش فاهمه ايه الي حصل لما ولدتها عرفت
هل هي رفضت يعني ولا ايه
ولما انت عايز البنت ليه ما اتكلمتش مع مامتها
ليه في لحظه قررت تبئو صحاب وتطمن عليها كل اسبوع مره
احسبها صح هتلاقي انك انت الي استغنيت
هي عندها ظروفها كان المفروض منك تشوف امها عايزة ايه

[الرحــاال المٌتَمرد]

شوف يا غير مٌسجل
الحٌب بيحتاج مناخ مٌناسب
مادياً و إجتماعياً
لو ظروفك تسمح بالإرتباط
لى ماتروحش تتقدم لها !!
ولو ظروفك لا تسمح بالإرتباط
يبقى إجتهد ولو عَندك أمل لو بسيط
تمسك بيها وحاول تخلق لـ نفسك فرصه
وإحترم صراحتها لـ والدتها وإحترم قرارها
ولو مابقتش مِن نصيبك فـ ربنا عاوز كدا
و له فى خلقه شئون .

[روح صامتة]

الحلقة الناقصة ف الموضوع
هوة ردة فعل مامتها ؟
المشكلة ان ايه المشكلة اما مامتها تعرف بس هية اتصرفت ازاي تجاهك ؟
هل هية الي مانعاها ؟
هل مش موافقة عليك ؟
هل البنت كانت عارفة انها بتعمل حاجة غلط وقررت تسيبك لان
موضوع انها تكلم ولد مرفوض من الاساس ؟
فبالتالي لازم تكون من رايي جد ف الموضوع
طلاما مامتها عرفت لازم تعرف رايها فيك ..
وتتقدم ،، طلاما بتحبها لو لسه مش قادر
حاول تعرف مامتها ظروفك و تفهمها هية كمان
ع العموم هتنور المنتدى لو سجلت ف اي وقت
وتسلم
ارق تحياتي

[السلطان فتحى]

عايز اعرف اية السبب ان ممتها ترفض دى اهم حاجة

[ارهابية وامى عرفة]

بص يمكن البنت دى عندها مبدء مفقود دلوقتى

انها تحافظ على كلمتها ووعدها واكيد هيا سنها صغير

عشان كدة ممتها موفقتش


وممكن انك تحاول تكلمها تانى وتقلها انك جى تتقدملها وتروح فعلا

يمكن مامتها فكراك بتتسلا بيها عشان كدة بعدتها عنك بس لما تتادملها

هتسبت ليها عكس كدة



وقلب الامهات طيب اوى

لو رحت وتادمتلها يمكن توافق ومفيش ام

بتحب تشوف بنتها زعلانة او محرومة من الفرحة

ربنا يجمعك مع الى بتحبها فى الدنيا والاخرة يارب العالمين

[Words Whisper]

اللي أنا فهمته
انه كنتم مرتبطين ووالدتها مش تعرف
فلما والدتها عرفت رفضت انها تكون مرتبطة بشاب بشكل غير رسمي
وعشان كدا هي بعدت .. تمام كدا ؟؟
طيب انها تبعد دا مش غلط فيها
لأنها اعطت كلمة لمامتها والصح تلتزم بيها
بس حضرتك دورك فين ؟؟؟
الحب مسؤولية مش بس نقول بنحب وخلاص
ووقت الشدة نستسلم ونقول هنعمل ايه بدون مانعمل حاجة
سواء ظروف حضرتك ماديا كويسة أو لا
قابل والدتها و ادخل البيت بشكل مسؤول
وحتى لو ظروف حضرتك ماديا مش تمام اوي
فلما تدخل البيت بشكل مسؤول أكيد دا يُحترم
واتكلم مع والدتها واتفقوا مثلا بس تعملوا خطوبة بسيطة ودبلة
وأي التزامات مادية تانية تتأجل لحين تحسن حالتك المادية
ومن القصة واضح ان البنوتة ومامتها علاقتهم كويسة ببعض وقريبين من بعض
فمش أظن ان والدتها لما تلاقي حضرتك رجل بجد عايز تلتزم بمسؤوليتك تجاه الحب دا ومش تفرط فيه
وانك قررت تدخل البيت بشكل محترم وان بنتها عايزة تكمل معاك وسعادتها معاك
مش أظن انها هترفض خصوصا انه هيكون فيه كلام بينها وبين بنتها
ووقتها لما البنت تيجي تتكلم مع والدتها هتكون بتتكلم بثقة انك حد كويس لأنك عملت حاجة تثبت دا لوالدتها ..


الله يوفقكم للخير ..